مطلوب مشرفين للمنتدى

طبعا مسئولية الاشراف دى مهمة مش سهلة
المشرف على قسم بيكون مسئول عنه وعن جميع المشاركات فيه

أى مشاركه تسىء للدين الاسلامى أو أى شىء خارج وغير لائق بأخلاقيات المنتدى يتم ارسالها الى سلة المهملات بواسطة المشرف
وابلاغ الاداره أو المراقب العام بنوع المخالة

أى عضو يحب يمسك اشراف على قسم معين يقول هو عاوز يمسك اشراف على قسم ايه

بشرط انه يتعهد قدام الجميع انه يراعى تعاليم الدين الاسلامى فى المنتدى ويراعى مصلحة المنتدى فى جميع عمليات الاشراف

منتظر الردود

مع وافر احترامى لجميع الاعضاء

مدير عام المنتدى
nouranwr

مطلوب مشرفين للمنتدى 6227_11172860882

السلام عليكوووووووووووووووووو

معكوا البشمهندس حسومه وان شاء نفسى اخد منتدى الترفيه علشان نضحك مع عض شويه وهكون قد المسؤليه ان شاء الله وهنعمل احلى شغل مع احلى اعضاء فى احلى منتدى

تم تعين المهندس حسام مشرف على منتدى الترفيه
وأن شاء الله هيكون قد المسئوليه

السلام عليكم

ياترى المنتدى الإسلامى فاضى يا باشمهندس؟؟؟؟

عموما أنا جاهز و ع الندهة

انا بضم صوتى لصوتك انك تمسك الاشراف على القسم الاسلامى فى المنتدى لانك اكيد احسن

واحد يمسكة واكيد انت هاتبدع فية واكيد احنا هنتعلم منك كتيرواكيد انت اد المسؤلية

يا ادون عبد الله

أستاز عبدالله
أنا طلبتك للاشراف من زمان
أنا سعيد جدااا لتلبية الطلب
انت من الان مشرف على المنتدى الاسلامى

الرجاء من كافة المشرفين والمراقب العام للمنتدى
الدخول الى البطاقة الشخصية
من خلال لوحة التحكم فى البيانات الشخصية
وضبط البطاقة الشخصية للتسهيل على العضو فى التحدث اليه

الاسم الحقيقى
العمل
الاقامة

ولكم احترامى

انت مستعجل كدة ليه يا أدون أحمد؟؟؟؟!!!!

أنا لسة ماخلصتش كلام فى الموضوع ده...

وبعدين أنا ما كنتش فاكر إن المهندس فاروق هيرد بسرعة كدة....!!!!

أستأذنك يا باشمهندس فاروق يبقى إشراف المنتدى الإسلامى مناصفة بينى أنا والأستاذ أحمد...

وأظن إن دا شئ مباح ومش صعب.. ولما يكون المنتدى عليه أكتر من مشرف أكيد مستواه هيكون أحسن.,... مش كدة ولا ايه؟؟؟

يارب الرد يبقى بسرعة زى ما انت عودتنا يا باشمهندس....وشكرا لرجال البريد

أنا موافق طبعا
ومفيش أى مشاكل
بس ياريت أسمع رأى الاستاز أحمد الاول
لأنه هيكون مسئول عن محتوى القسم الاسلامى مع حضرتك

انا عندي اعتراض في الناحيه دي بقي

خالف تعرف انا طبعا

المهم

الاوستاذ عبدالله طلب الاشراف علي الاسلامي .. ده طلب يشرفنا كلنا
وهو ده مجالك يا عبدالله وانت شخصيه محترمه جدا وهتكون علي قدر المسؤليه

ولكن اترك المجال لاستاذ احمد انه يختار قسم تاني علشان يكون في تنافس بين الاقسام
وليكن مثلا منتدي الرياضه او اي قسم احمد يختاره

وبكده هيكون معانا اتنين مشرفين جداد تقال هينافسوا بعض

وانا هنافسكوا برده وهقطع عليكوا :)

الرأى للأستاز أحمد
لو هو عاوز يمسك اشراف مع الاستاز عبدالله مفيش أى مانع
أنا يهمنى جدااا المنتدى الاسلامى يكون فى صوره كويسه ويكون واجهه مشرفه لمنتدانا

ولو عاوز أى قسم تانى فأنا واثق انه هيكون جدير بالمسئوليه
بس مستنى أسمع رأيه

والله يا جماعة انا سعيد جدا على الثقة الكبيرة دى وانا اتمنى انى اكون عند حسن ظنكم فى

انا ممكن اشارك مع الاستاذ عبد الله فى المنتدى الاسلامى بس مش مناصفه معه العين

برده متعلاش عن الحاجب ولكن انا بقول الاشراف يكون للاستاذ عبد الله وانا اكون مساعد لية او

الصبى بتاعه

وعلى كلا انا موجود معاكم ومشارك فى الاقسام لغايه ما اقدر احدد انا ممكن اكون مسؤل عن اى

قسم

يا سلام علي التواضع يا ولاد

صحيح " علي راي المثل "

اكفي القدره علي فمها يندلق الفول منها :)

مش عارف انا بهنج كتير ليه اليومين دوووووووول naughty

المهم

تم تعين الاستاذ عبدالله كمشرف للقسم الاسلامي

والمنتدي قدامك يا ابوحميد .. كله قدامك .. القسم اللي ترتاح فيه

اطلب وان شاء الله هيكون تحت اشرافك

وفي انتظار طلبات الاعضاء بالانضمام لطاقم اداره المنتدي

أنت المصفى من بنى سندوب ................. يا أحمد الخيرات يا أحمد

لا يبلغ الواصف فى وصف ما ................. فيه من فضل ولا يحصر
من وفر العرض بأمواله ................. فأحمد عرضه أوفر
ديباجة الملك على وجهه ................ وفى يديه العارض المعطر

الكلام دا ليك يا أستاذ احمد ، ولسة ما وفيتكاش حقك

وبعد إذن الأستاذ أشرف ، المنتدى الإسلامى هو واجهة المنتدى المنياوى
ولابد يكون أحسن حاجة
اتفقنا؟؟؟؟ طيب ..أكيد لما يكون عليه اتنين مشرفين هيكون أحسن..
وأظن مش هنلاقى أحسن من الأستاذ أحمد يبقى مشرف عليه ..، وانا معاه..
ودا ما يمنعش انه يمسك أى منتدى تانى لوحده ، لأنه هيبقى سهل عليه يباشر الاتنين مع بعض.
منتظرين رد الباشمهندس فاروق...

أنت المصفى من بنى سندوب ................. يا أحمد الخيرات يا أحمد

لا يبلغ الواصف فى وصف ما ................. فيه من فضل ولا يحصر
من وفر العرض بأمواله ................. فأحمد عرضه أوفر
ديباجة الملك على وجهه ................ وفى يديه العارض المعطر

الكلام دا ليك يا أستاذ احمد ، ولسة ما وفيتكاش حقك

وبعد إذن الأستاذ أشرف ، المنتدى الإسلامى هو واجهة المنتدى المنياوى
ولابد يكون أحسن حاجة
اتفقنا؟؟؟؟ طيب ..أكيد لما يكون عليه اتنين مشرفين هيكون أحسن..
وأظن مش هنلاقى أحسن من الأستاذ أحمد يبقى مشرف عليه ..، وانا معاه..
ودا ما يمنعش انه يمسك أى منتدى تانى لوحده ، لأنه هيبقى سهل عليه يباشر الاتنين مع بعض.
منتظرين رد الباشمهندس فاروق...

والله يا استاذ عبد الله انت بتحرجنى بزوقكك العالى

وانا مقدرش ارد على الكلام الجميل دة بغير انى احبك فى الله

وانا يا فندم تحت امرك وتحت امر اخوانا القائمين على المنتدى فى انى اكون معاك فى الاشراف على المنتدى الدينى

وان كانت دى امانة كبيرة وربنا يعينا عليها

وانا شاكر ليك ثقتك الغالية دى

جميل جدا روح التعاون ال فى النتدى
أستاذ أحمد
أنت من الان مشرف مع الاستاز عبدالله على المنتدى الاسلامى
وأنا سعيد جدا
لأنى مطمن ان واجهة المنتى هتكون بصورة مشرفه تشرف منية سندوب

بأطلب من الاستاز أحمد تعديل بطاقته الشخصية لسهولة التحدث معة من قبل الاعضاء

فين باقى الاعضاء
وفين البنات
منتدى حواء مين البنت ال هتكون مشرفه عليه

بالنسبة لموضوع المشرفين.....

أنا عندى اقتراحين:
1:منتدى حواء فيه مشاركات حلوة من الأمل الضائع.. وشكلها جدعة فى الحاجات الخاصة بحواء
ايه رأيك يا باشمهندس فاروق فى الموضوع دا؟؟!!!!
وايه رأيك يا الأمل الضائع ؟؟؟؟؟

2:المنتدى الرياضى أنا شايفه مفيش عليه مشرف..وشايف الأستاذ أحمد إبراهيم مهتم بيه جداااااااااا
وأكتر مساهماته فى المنتدى ده...ايه رأيك يا باشمهندس؟؟؟وايه رأيك يا أستاذ أحمد؟؟؟
و دا طبعا من غير ما يقصر على مشاركات الأستاذ أحمد فى المنتدى الإسلامى..
وأعتقد انه قادر على الجمع بين الاتنين من غير تقصير فى واحد منهم..

منتظرين الردود من:
الباشمهندس فاروق
الأمل الضائع
الأستاذ أحمد إبراهيم

اقتراحاتك كلها روعة يا استاز عبدالله
فعلا عضوتنا الأمل الضائع أنا شايف انها بتعمل فيه شغل حلو
بس طبعا أعرف رأيها الأول
والاستاز أحمد من غير كلام مأعتقدش انه هيرفض الاشراف على المنتدى الرياضى
هو عامل فيه شغل حلو قوى
مستنى أعرف رأيه
وأتمنى انهم يوافقم

ادنى فرصة أسبوع أفكر وأرتب أمورى
و لو سمحت إيه المهام المطلوبة منى كمشرفة
وهل ممكن تقسيم منتدى حواء عدة أقسام تبعا للموضوعات
أتمنى يكون فى مشاركات من البنات ردا على ماعرضته وان شاء الله هعرضه خلال الأسبوع الجاى

مهمة المشرف الاولى هى مراقبة المواضيع والمشاركات
أى موضوع خارج عن سلوكيات ديننا الاسلامى يتم ارساله فى سلة المهملات
ويتم اخبار الاداره عن طريق الرسائل الخاصة
أو بأى وسيلة وذلك لطرد العضو المخالف أو تحديد الاجراء الذى يتخز ضدده
الحاجة الثانية ان لازم الظهور فى المنتدى يكون كتير
علشان يتابع أول بأول المواضيع ال نزلة
ولازم طبعا يكون بينزل مواضيع كتير وحلوه فى القسم بتاعة
ويفكر فى أفكار جديده للقسم
وتعديل أى مشاركه تحتاج التعديل بحيث عدم تغير مضمون المساهمة
يعنى مثلا تصحيح أى معلومة خطأ كدا يعنى
المشرف يقدر يعدل أو يحزف أى مساهمة فى القسم المشرف عليه
دى مهام الاشراف
منتظر الرد

والله يا اخوانا انا معنديش مانع انى امسك قسم الرياضة فى المنتدى واشكرك يا باشمهندس انت واخويا الاستاذ عبد الله على الثقة الغالية دى
وادعوا الله انه يوفقنى ويعنى على انى اجعله على احسن صورة
وتكونوا دايما سعداء بيه
وشكرا مرة تانية

[size=18]
[size=18]
بالنسبة يا أستاذ فاروق لتقسيم منتدى حواء حضرتك مردتش على فيه
أنا شايفة إن المنتدى مش منظم

[/size]
[/size]

أستاز أحمد

حضرتك من الان مشرف على قسم الرياضة

وشكرا على اهتمامك

الأمل الضائع
زى ايه مثلا
ياريت توضيح

يعنى قسم للمطبخ . قسم للأشغال اليدوية والزينة . قسم للصحة والجمال.

أنا ممكن أقسم التقسيمة دى
مفيهاش صعوبه
بس هل البنات ال موجودين على المنتدى هيقدروا يكفوا الثلاث أقسام دول مواضيع وردود
أنا بأقترح اننا نصبر شويه وبعدين نعمل التقسيمه دى
ومنتظر رأى البنات
وأنا تحت أمرهم
بس أنا خايف يحصل خمول
والمواضيع متظهرش
وعموما انتى ممكن تنزلى أى مواضيع دلوقت ووقت ما نقسم هيكون سهل قوى ننقل المواضيع فى مكانها
بس ياريت أسمع رأى البنات الأول

إن شاء الله

الأمل الضائع
ان شاء الله هنزل كل الاقسام المطلوبه
بس بعد ما نتأكد من ان الأقسام دى هتشتغل بشكل كويس
ياريت تردى على موضوع الاشراف

» نظافه شامله للمنتدى (للقراءه فقط )
» رساله الى مشرفين المنتدى
» شارك معنا فى اعداد أفضل بنر للمنتدى
» تم اختيار تصميم العضو no love and no life بنر رئيسى للمنتدى
» مطلوب للعمل بالسعودية