وانا قاعده مع نفسى كده ذى العاده
![كل واحد يدخل يحكى مواقفه وهو بيتعلم سواقه العربيه Mood24](https://2img.net/h/forums.fatakat.com/images/bigsmilies/mood24.gif)
طقت فى دماغى فكره مجنونه وما اكثر افكارى العبقريه المهم قمت ذى الشملوله وصحيت اخويا من النوم وقلت له انا فكرت مع نفسى كده وقلت ايه الى نقصنى على اساس انى كامله من مجميعه لقيت انى لازم اتعلم السواقه قالت له البوقين دول وقفلت الباب وخرجت وطبعا لسان حاله بيقول ايه شغل الجنان ده الله يخرب بيت العيشه واللى عيشينها المهم لما صحى قالى خير الله اما اجعله خير حلمت بيك عايزه تتعلمى السواقه قلت له افسرلك الحلم يا خويا انزل احجزلى دروس للسواقه وقد تم المراد وليته لم يكن
![كل واحد يدخل يحكى مواقفه وهو بيتعلم سواقه العربيه Mood21](https://2img.net/h/forums.fatakat.com/images/bigsmilies/mood21.gif)
المهم ابتديت اول حصه قاعده على كرسى القياده اوعه ذى الاسد وهو قالى دورى ددورت وعلى بركه ربنا ومشيت وعينك متشوف الا النور لو المدرب موقفش العربيه اللحظه دى كان زمان الى معايا زبايتين فى ترب الغفير وانا نزيله سجن القناطر واللى رايح وجاى فى العنبر بيسلم على قفايا المهم بعد مخدنا من المنقى خيار من صاحب العربيه اللى كنت هخبطها رجعنا من مترح ما كنا وبكل انفه طلبت تغير المدرب اصله مش واصل لمستوى ذكائى
![كل واحد يدخل يحكى مواقفه وهو بيتعلم سواقه العربيه Mood3](https://2img.net/h/forums.fatakat.com/images/bigsmilies/mood3.gif)
![كل واحد يدخل يحكى مواقفه وهو بيتعلم سواقه العربيه Mood3](https://2img.net/h/forums.fatakat.com/images/bigsmilies/mood3.gif)
ومش عارف يعلمنى ....اخيرا اتغير ودربنى واحد الشهاده لله الولد ذى الفل بس معرفش ليه الناس كل لما تشوف العربيه جيه من بعيد بيجروا كان وحش قادم وبرده ولا همنى ايه الناس اللى قلبها خفيف دى ..على العموم اخويا بعد مشاف مهاراتى المتعدده انعم عليه بمفتاح العربيه
![كل واحد يدخل يحكى مواقفه وهو بيتعلم سواقه العربيه SFun_banana](https://2img.net/h/forums.fatakat.com/images/newsmilies/sFun_banana.gif)
ووقف بجانب الباب وقالى ياله يا همام سوقى دورت العربيه فى ا مان الله وبدوس دبرياج وسنه بنزين وسيرى يا نورماندى طلعت سنه البنزين كتير حبه لا الحق يقال حبتين لاقتها بتجرى وهو عمال يزعق دوسى فرامل وانا من غبائى بدوس بنزين ملقتش فايده حطيت ايدى على وشى وقريت الشهاده والناس عماله تصرخ وفجاءه حصل التصادم بعريبه قدامى وبس سكون ايه انا مت
![كل واحد يدخل يحكى مواقفه وهو بيتعلم سواقه العربيه Mood13](https://2img.net/h/forums.fatakat.com/images/bigsmilies/mood13.gif)
بس فين الملائكه اللى هتاخذ روحى الملائكيه للجنه سمعت صوت اخويا رفعت ايدى براحه عن وشى
![كل واحد يدخل يحكى مواقفه وهو بيتعلم سواقه العربيه Mood15](https://2img.net/h/forums.fatakat.com/images/bigsmilies/mood15.gif)
لاقيت العربيه اللى قدامى خارج منها شخص ضخم الجثه عريض المنكبين ومعاها اثنين من نفس الصنف بس اقصر شويه قولت لا ممنهاش فايده انا هتسحب وهنزل فى الدواسه ولما يقطعوا اخويا ويشبعوه ضرب ابقى اطلع لاقيت الراجل بص على العربيه ملقهاش هصلها حاجه والحمد لله عربيه اخويا وواقف بيضحك رحت طلعه ملاك برئ يا خواتى
![كل واحد يدخل يحكى مواقفه وهو بيتعلم سواقه العربيه Mood18](https://2img.net/h/forums.fatakat.com/images/bigsmilies/mood18.gif)
سورى يا اونكل مكنش قصدى وطبعا اونكل اول مره اقولها طلعه من بقى ذى السكر قال لى لا يا حبيبتى حصل خير انا مستعد اسيب لك العربيه بتاعتى تتعلمى عليها كتر خير الراجل طلع زوق المهم اكتفيت من الدروس بعد ما كنت هكسر ايد المدرب اللى معايا كنا بنتخانق على الدركسيون هوه بيشده يمين عشان مخبطش فى صف عربيات وانا بحود وانا ابد ا مصممه الفه شمال وانتهت الحرب بعد ان وقف العربيه ونزل كان هو واخويا هيبوسوا الارض اللى وقفين عليها ومش عارفه ليه لما بسال عليه مره تانيه قالوا لى هو ترك المهنه دى خالص وبيفكر يشتغل فى حاجه تانيه المهم واخويا بيقولى ربنا يرحم عربيات الناس منك مش عارفه ليه
![كل واحد يدخل يحكى مواقفه وهو بيتعلم سواقه العربيه Mood4](https://2img.net/h/files.fatakat.com/bigsmilies/mood4.gif)