المقادير 2 كوب سميد
1/2 كوب سكر
1 كوب جوزهند مبشورة
كوب لبن رايب أو زبادي
3 ملاعق سمنة بلدي
كيس فانيليا
1/2 ملعقة صغيرة بيكنج باودر
( الكمية دي علشان تعملي صينية واحدة صغيرة ) للتزيين لوز وبندق مقطع انصاف او متكسر قطع
الطريقة بتخلطي السميد مع السكر وجوز الهند والبيكنج باودر والفانيليا
وبعدين بتحطي السمنة واللبن الرايب او الزبادي
لفيهم لفتين بس
بمجرد ماالمكونات تتخلط مع بعضها
بططي العجينة في الصينية بتاعتك بالتساوي
وتكوني دهناها سمنة او زبدة
وحطي عليها المكسرات بتاعتك
انا عملت نصفها بالبندق ونصفها التاني باللوز
المهم
زوقيها زي ماتحبي
دخليها الفرن تكوني مسخناه على درجة حرارة متوسطة
بعد كده سقيتها بالشربات
مقادير الشربات 1 كوب ماء
1 كوب سكر
كيس فانيليا
بعد الغليان نضيف نصف ليمونة
على فكرة ممكن الشربات يتحط سخن او بارد
حسب مزاجك
بس يفضل لو حطيتيه سخن انك تبيتي البسبوسة لتاني يوم علشان تشرب الشربات كويس
وكمان هتكون احلى في الطعم
وهنا بعد ماسقيتها بالشربات
بعد كده قطعتها
بعد كده قدمتها في الطبق
جربوها هتعجبكم اوي اوي
وبالهنا والشفا
وانا مبسوطة اني عملتها بالسميد
وطلعت حلوة
يمكن احلى كمان من علب البسبوسة الجاهزة
عمل الزلابيا
المقادير:
3 كوب دقيق - 2 كوب ماء - ملعقه خميره - رشه ملح - ملعقه صغيره سكر - وطبعا زيت للقلىاول حاجه دوبت الخميره فى معلقه السكر وكبايه ميه دافيه وقلبتها كويس وبعدين حطيتها على الدقيق وحطيت رشه الملح وعجنتها وسبتها ساعه عشان تخمر وبعدين قليتها وحطيتها فى الشربات وده شكلها غمضو عنيكو 
موضوع: عملنا لقمه القاضى والبسبوسه بالمكسرات والزلابيا تعال دوق 
الإثنين 18 يناير 2010, 7:54 pm
