كان نفسي مرة اضحك ضحكة حلوة من الشفايف كنت عايز اضحك و ابتسم بس خايف ضحكة واحدة تداوى قلبي دة القلب تالف و اقول يارب اشكي و لا احكي ما انت شايف
بس ضحكة لو اعرف اضحكها فين لو شافوني الظلمة بضحك هيقتلوني في ثانيتين و خايف اضحك وسط الغلابة يقولوا جايبة منين دة كل حاجة عليها ضريبة حتى الضحك و الحنين قلت اروح أي مكان و استخبى و بين الجدران اتمرن حبه حبه يمكن اعرف مرة اضحك و تعرفني المحبة بس اخاف من الفشل ما اصل القلب صدى
ايوة خايف اختفى يفكروني بقيت سعيد يستكتروها الكبار علية و يعذبوني من جديد و بعد ما الضحكة قربت يرجعوها تاني بعيد ما الحكم ظالم و الشعب خايف و الظلمة ايدهم من حديد مش طالب غير اني اضحك ضحكة قبل الموت ضحكة واحدة بس ضحكة قبل ما القطر يفوت و لو حتى ضحكة و ما اعملش فيها صوت يا خلايق هي ضحكة و الزم بعديها السكوت
موضوع: نفسى اضحك 
الأحد 07 فبراير 2010, 5:57 pm
