برنامج لحفظ القرآن الكريم

ممكن نعمل فى المنتدى الإسلامى برنامج لتحفيظ القرآن الكريم و يكون مشرف عليه عضوان حافظان للقرآن شاب يتابع الشباب وبنت تتابع البنات وممكن المشرفان يحددان ميعاد أو اتنين حسب وقتهم وكمان يحددا كمية الحفظ ويتفتح الشات فى الوقت ده ولو حد عنده اضافة فى الموضوع يريت يتقدم بيها

فكره جميله جداا
وأنا بأرشح الاستاز عبدالله لمتابعة الشباب
أما البنات فلو انتى جاهزه للاشراف على الموضوع فاتفقى مع البنات وحددوا ميعاد لفتح غرفة الشات
منتظر رأى الاستاز عبدالله

ياريت محدش يكتب موضوع أكثر من مره فى أكثر من مكان
لسهولة الرد على الموضوع
وتجميع الردود فى مكان واحد
ولو فيه موضوع ضرورى لازم يظهر
ممكن العضو يبعتلى رساله خاصه وأنا أكتب الفكره كاعلان على الصفحة الرئيسية

موافق طبعا .. وتحت أمركم فى أى وقت...

بس يا ريت ناخد رأى الأعضاء أولا فى ترشيحك ليا يا باشمهندس فاروق..

لأن الراحة النفسية تجاه المحفظ أهم أسباب نجاحه مع اللى هيحفظوا..

وإذا ما كانش أنا ..فى غيرى كتير ممن هم أقدر على المهمة دى..

وفكرة جميلة جدا جدا جدا جدا يا أستاذة roaa

منتظر رأى الأعضاء ومين ال هيواظب معانا
وأنا أول طالب معاك يا استاز عبدالله
جهز انت بقى البرنامج ال هنمشى عليه لحد أما نسمع رأى باقى الاعضاء ومين ال هيكون معانا

أنا آسف يا باشمهندس..

أصلى مش قد كدة فى النت..

بس أنا شفت الإقبال ضعيف على المنتدى الإسلامى..وحبيت الأعضاء كلهم يشوفوا فكرة مستر حسام ...لأنها فعلا جميلة

وعموما أدينا اتعلمنا شئ جديد..لما نعوز نعلن عن حاجة مهمة نبعتلك فى رسالة علشان تحطها على الرئيسية..

وشكرا لرجال البريد

أسف ياستاذ فاروق معنديش المقدرة دى شوف حد من البنات

اوكى منتظر ردود البنات
ولو مفيش حد من البنات رشح نفسه
ف الاستاذ عبدالله أعتقد انه يقدر يتابع مع الشباب والبنات عن طريق المنتدى وغرفة الشات فى الوقت ال هيحدده
مش كدا ولا ايه يا استاز عبدالله
قول كلمتك

ايه اسف دى يا استاز عبدالله

احنا بينا كدا

انت أخويا الكبير متزعلنيش منك

كلنا مش قد كدا فى النت

وكلنا بنلخبط لخبطه ملهاش حل

الكمال لله وحده

أنا ال اسف ان كنت زعلتك بكلامى والله مأقصدش

ممكن أسمع للبنات بعد موافقتهم طبعا

الفكرة حلوة و تستحق الاهتمام

ماشاء الله .. المنتدي كل يوم بيذيد بريقا واذدهارا بفضل اعضاؤه .. كل يوم افكار اكثر من رائعه .. فكرة ممتازة جدا

فكرة جميلة وممتازة وانا موافق عليها
بس عندى اقتراح بسيط وهو
ان الاعضاء بدل ميحفظوا جديد يكون مراجعة على القديم يعنى المحفوظ لدى الاعضاء
هو دة المهم دلوقت المراجعة وتثبيت المحفوظ الاول وبعدين الجديد
علشان اكيد كل واحد فينا حافظ ومقصر فى المراجعة
وانا اولكم طبعا

فكرة جميلة يا أستاذ أحمد بس أنا كان نفسى نوحد حفظنا علشان يبقى فى منافسة بينا وبعد التسميع نعلن عن أحسن تسميع

وانا موافق يالامل الضائع على اقتراحك

أنا مستعد يا جماعة .......
مين قال انا ؟؟؟؟؟؟؟؟؟؟؟

بسم الله الرحمن الرحيم
بالنسبة لمنهج الحفظ :
أولا/ أرجح أن نبدأ من الفاتحة ثم البقرة.
ثانيا/ سأشرح حكما تجويديا بسيطا فى كل مرة ونحاول تطبيقه أثناء التلاوة.
ثالثا/ مقدار الحفظ : عشرة آيات فى كل مرة حتى يكون أيسر فى الخفظ وكلما تقدمنا فى الفكرة كلما زاد مقدار الحفظ ، وهذا بالطبع يعتمد على مدى جدية السادة الأعضاء .
رابعا/ إن أردتم.. يمكننا أن نأخذ تفسيرا بسيطا للآيات المتلوة حتى نعى ما نحفظ من كتاب الله عزوجل ، وسيسهل هذا من حفظها.
خامسا/ بالنسبة للموعد:فى الساعة العاشرة مساءً ايام السبت والإثنين والأربعاء ، أو حسبما تتفق ظروفكم.
سادسا/ الباب مفتوح لاقتراحات السادة الأعضاء بالنسبة لهذا المنهج .. ولكم الأجر من الله عزوجل.
سابعا/ أذكركم بفضل حفظة القرآن عند الله عز وجل:
{خيركم من تعلم القرآن وعلمه} - {من قرأ القرآن يتتعتع فيه وهو عليه شاق ؛ فله أجران ،ومن قرأه وهو به ماهر فهو مع السفرة الكرام البررة} - {اقرأ وارق ورتل كما كنت ترتل فى الدنيا}
أو كما قال صلى الله عليه وسلم..وغير ذلك الكثير مما لايتسع المقام هنا لذكره.

أستاز عبدالله

جميل جداا المنهج
وأنا معاك فى التنفيز
شكرا للاهتمام

وأنا موافقة على المنهج ده وإن شاء الله أمشى عليه مع البنات بس أنا مسمعتش حاجة منهم

[size=29]سلام و عليكم ورحمة الله وبركاته وانا معاكم بادن الله [/size]

المنتدى على فكرة يعتبر افتخاراً لشباب منية سندوب

وأنا مستعد يا شباب وهشارك فى الموضوع
وكمان اتكلمت مع فاروق واتفقنا اننا نروح للأستاذ عبد الله ونظبط المواعيد
وربنا يسهل مين اللى هييجى معانا
مين قال أنا

جاهز للزيارة يا أستاذ عبد الله؟

أنا جاهز فى أى وقت يا با شمهندس..
وتحت أمر الجميع..تليفونى مع الباشمهندس فاروق..

وأنا كمان عايز أحفظ
خذوني معاكم يا باشمهندسين

» القرآن الكريم المعجزة الدائمة
» معا لحفظ القران الكريم بطريقه مبسطه وفيها تروي
» احفظ القرآن الكريم في 10 دقائق ..
» من عجائب القرآن الكريم
» ما حكم تقبيل القرآن الكريم عند الأنتهاء من قرءاته ؟