فكرة التواجد فى المنتدى فى ساعة محدده من الاسبوع

اقترح علينا أخونا الاستاز عواد موضوع جميل جدا
ده نص الاقتراح

اقتباس :: وكمان بتمنى إن يكون فى يوم محدد من أيام الأسبوع يكون الأعضاء الكرام موجودين كلهم لتبادل الخبرات وياريت يكون وجودهم مرتب يا سيد فاروق علشان تقدر تعرف منهم إيه اللى يقدر يقدمه كل مواطن من البلد أو كل عضو من المنتدى للمنتدى أو للبلد الطيب اللى احنا كلنا بنمثله يا جماعه ولا ايه سواء كانوا مقيمين فى الدولة الصغيرةأم بالخارج كالأمير أحمد بيك سامى بن عبد الحافظ الصباحى

أنا شايف انها فكره رائعه جدااا
نفتح غرفة الدردشه ونتشاور كلنا مع بعض فى خلال الساعة ال الكل هيتجمع فيها
نتشاور فى امور المنتدى أى اقتراح معين أى تغير فى شكل المنتدى مشروع معين يفيد منية سندوب
واحد مش فاهم ازاى يتعامل مع المنتدى فنحاول نساعده كدا يعنى
وأنا بأقترح ان يكون اليوم ده يوم الجمعة
ويكون بالليل حوالى الساعة 10 الى أن ينتهى الحوار
والتواجد يكون للشباب والبنات معاً

عاوز أسمع رأى الأعضاء

الفكرة حلوه
بس الميعاد يتحدد من قبل الاعضاء
أى نحدد يوم الجمعة
لكن الساعة يحددها الاعضاء أنفسهم
من خلال ردودهم
و اكتر نسبة تواجد
نختار الميعاد

شيئ جميل جميل خالص حتي الواحد يتعرف على ولاد بلده

وأنا معاكم في أي ساعة يوم الجمعة
وأتمني السداد والتوفيق ومتعملوش ذي الدول العربية اتفقنا على ألا نتفق
عيزكم تثبتوا لنفسكم إنكم تقدروا تتفقوا حتي ولو على الساعة إللي هتكلموا بعض فيها فأن من ناحيتي موافق وأرفع يداي الإثنين
موافقة
غيره
أسمع كلام حد تاني

أنا كمان فاضى الجمعة طول النهار والليل ماعدا ...: ساعة صلاة الجمعة..

علشان بكون ساعتها بصلى...الوقت اللى يحدده غالبية الأعضاء أنا جاهز للحوار..
غيره
أسمع كلام حد تانى

وانا تحت أمركم فى اى وقت من يوم الجمعه

ياجماعة عوزين نحدد ساعة محدده
لو موافقين على اقتراحى
والوقت ال أنا اقترحته قولوا موافقين
لو تختاروا ميعاد تانى
قولوا
بس مينفعش نسيبها عايمه كدا
حتى الان مفيش غيرى قلت ميعاد الساعة 10 بالليل يوم الجمعة
أرجوا الموافقه أو تغير الميعاد

أهم المواضيع التى سوف تناقش أثناء تواجد الأعضاء

*طبعا فى الأول هنطمن على بعض وهنسلم كمان والحاجات الحلوه دى يعنى
*بعد كدا هنسمع للأعضاء كل اقتراحاتهم ومشاكلهم
*وبعدين هنناقش فكره زيادة أقسام المنتدى
قسم الصحة العامة وقسم بيتنا كلنا ونشوف كمان أفكار الناس ايه
*هنحاول نفعل برنامج تحفيظ القران وال هيشرف عليه الاستاز عبدالله
طبعا الاستاز عبدلله لازم يكون مجهز منهج يمشوا عليه الناس ال هتواظب معاه فى الحفظ
ولا ايه يا استاز عبدالله منتظر ردك جاهز بالمنهج والخطه ولا ايه؟
*هنناقش مع بعض الرأى فى الشكل العام للمنتدى وايه اقتراحات الناس
*هنشوف الميعاد ال اتحدد مناسب للناس فى انه يكون كل اسبوع ولا ايه ؟

*دى مجرد أفكار هنطرحها عليكم للنقاش طبعا ممكن منعرفش نناقشها كلها بس أهو نعمل حاجه ولو بسيطة
شكرااا للأعضاء ومنتظر الرأى قبل اعلان الميعاد للتجمع على غرفة الدردشة

انا موافق على ميعاد يوم الجمعة الساعة 10 لانه مناسب جدا لى
وانا كمان برفع يدايا الاتنين

غيره
نسمع رأى تالت

أنا موافق على ميعاد الساعة العاشرة مساءً يوم الجمعة..
غيره...
أسمع حد تانى.

هي بصراحة فكرة رائعة جدا .......... هتزود من نشاط المنتدى وتعرف الاعضاء ببعضهم
بس انا عندي طلب صغير
لو ممكن نخليها بدري ساعة واحدة يعني مثلا الساعة 9 لان الشتاء دخل خلاص واحنا هنا في السعودية سابقين بساعة والسبت عندنا شغل مش اجازة بس انا معاكم في اي ميعاد

الساعة 10 الساعة 10
حد واخد منها حاجة أهو يعرف ناس جديدة ذي العسل
يكونوا ذي إخواته وممكن أكثر شوية
لو هما عيزيني أخ ليهم يعني
ومعلش إحنا بنتكلم

MrDraCuLa

أنا هأحاول أفتح غرفة الدردشه بدرى وممكن قبل 9 كمان
بحيث ان على الساعة 10 يكون كل الناس موجوده

shekoo

يا حبى انا يشرفنى انك تعتبرنى أخ ليك

إن شاء الله فى الميعاد هتلاقونى ..من الساعة 9 علشان خاطر الأستاذ دراكولا
بس ربنا يستر والنت ما يقطعش ساعتها بأة..
ايه التشاؤم ده يا أخى ..خليك متفائل.
خلاص خلاص ..موجود إن شاء الله.

انا موجود على طول اهم حاجه نوصل للقمه فى اسرع وقت و الثبات على القمه وياريت متكنش القمه فى النهاية من ثلج لان اقل شويه شمس كل حاجه هتسيح

من 9 ان شاء الله الجمعة القادمه
و بعد كده من 7.30 لمده ساعة علشان فروق التوقيت
مع الدول الأخرى

السلام عليكم
محمد السيد طه شلبى
راى الشخصى فى الموضوع انه اقتراح جميل وللازم يتنفز فى اقرب وقت ويكون الموعد بتفاق الاعضاء جميعهم
واقترح الموعد يوم الجمعه فى اى وقت

اعتذار
إلى كل الاعضاء لأنى لم أستطع الحضور
فى الميعاد المحدد
بسبب مشاكل الجهاز عندى

والله وأنا كمان كان في مشاكل في الجهاز

وشكراُ على الرد الجميل يا أستاذ فروق
وجزاك الله خيراً
عملتوا إيه الجمعه إللي فاتت
ولا بتجمعوا فيين حد يقولولي

السلام عليكم... جميل الميعاد دا............... مناسب ليا

بس ياريت الاعضاء هما كمان يوافقوا ......بالميعاد
لك جزيل الشكر............مشكور
اخوكوا فى الله

الموضوع ده مات ولا ايه ؟؟؟؟؟؟
انا كان نفسى فكرة الاقسام الجديده والقران دى تتنفذ
واضح ان انتوا وصلتوا للتلج بسرعه وساح كمان ياللا
اهو انتوا عملتوا زى الحكام العرب
كلام الليل مدهون بزبده

7.30 جميل بالنسبة لفروق التوقيت لأني بدولة عربية ولما التوقيت الشتوي يمشي في مصر بيبقى الفرق ساعتين بيننا وبينكم
وجزاكم الله وخير ويارب تتفقوا

ياااااااااااااااااااااااااااااااااااااااااااااه
فكرتونى بأيام زمااااااااااان
على فكرة الموضوع ده قديم شوية فى المنتدى
وكان اتنفز فعلا بس مرة واتنين وبعد كدا الناس ملتزمتش بلميعاد
أصل الناس شوية شويه الدنيا بتاخدها
عموما مفيش مانع انه يرجع تانى
ونفتح غرفة الدردشة مرة مثلا كل مدة معينة
نشوف الناس هتكون فاضية امتى ونتفق على ميعاد (( مع مراعاة اننا هنكون فى شهر رمضان )) الفطار بقى والتراويح وكدا فنتفق على وقت يكون كويس للجميع

» المنتدى على دماغى من فوق وناس المنتدى على راسى من فوق
» فكرة
» على فكرة كدة مش هينفع
» ساعة مكة المكرمة......
» اغرب ساعة فى العالم