شكلها باظت

موضوع: شكلها باظت السبت 08 نوفمبر 2008, 1:05 am

-لم يذكر السجن فى القرآن الكريم إلا فى مصر..فى سورة يوسف.

-فى مصر فقط ..الأموات(الفراعنة) ينفقون على الأحياء.
-فى مصر فقط..تجد شخصا اقل منك فى المستوى العلمى وحصل على مجموع50%فقط فى الثانوية العامة وبيتنطط عليك (البيه دخل شرطة).
-فى مصر فقط..تعبر لكلاب الشوارع بالطريقة نفسها التى يعبر بها الآدميون..تقف الكلاب على جانب الطريق وتنظر يمينا ويسارا حتى تعبر فى أمان..وليت البشر عندنا يعبرون بالطريقة نفسها.
-فى مصر فقط..يمتلك المواطن مع الزمن والممارسة مهارات خاصة فى ركوب الأتوبيسات المسرعة ، والتسلل إلى عمق الأتوبيس ، او الوقوف بأطراف أصابع القدم على آخر درجة فى السلم.
-فى مصر فقط..تنشب الصداقة سريعا وفى أقل من ثوانى فى إشارة مرور أو طابور عيش أو طابور فى مصلحة حكومية أو فى الأسانسير.
-فى مصر فقط..وزير يسرطن الشعب ثم يرشحه الحزب الحاكم فى انتخابات مجلس الشعب(يوسف والى).
-فى مصر فقط..ينادى وزراء التعليم بإلغاء مجانية التعليم.
-فى مصر فقط..يتم إنفاق ملايين الجنيهات من أجل الحصول على صفر أمام العالم..(كانوا خايفين ياخدوا درجة بالسالب).
-فى مصر فقط..لايمتلك المواطنون زيا رسميا موحدا..ويصعب أن تعرف المصرى من مجرد ملابسه..(إلا لو كان لابس تى شيرت مكتوب عليه بالأخضر ..فكر جديد).
-فى مصر فقط..ادفع وبعدين اشتكى.
-فى مصر فقط..تم القضاء نهائيا على ظاهرة إدمان الهيروين ،بعد أن اصبح البانجو فى متناول الجميع.
-فى مصر فقط..لا يتم وضع الملصقات إلا تحت لافتة "ممنوع لصق الإعلانات".
-فى مصر فقط..بيفتشوا اصحابى أحمد إبراهيم وإسلام عمروعواد خمسين مرة قبل ما يدخلوا المتحف المصرى،ونصيحة منى ليهم:من خرج من داره اتقل مقداره.
من كتاب شكلها باظت لعمر طاهر

موضوع: رد: شكلها باظت السبت 08 نوفمبر 2008, 1:59 am

لا اجد لك صديقي العزيز غير نفس الرد

يبقي انت أكيد في مصر

تحيتي لك

موضوع: رد: شكلها باظت السبت 08 نوفمبر 2008, 4:38 am

دى كلها باظت يا استاذ عبد الله مش شكلها

السياح يتمعوا ويتنعموا فيها

بس دا عادى احنا واخدين على كرم الضيافة لغاية ما بأينا احنا الضيوف عليهم

واحنا الاصل والاصحاب الحقيقين للبلد يفتشوا ارواحنا وحتى احلامنا علشان يتاكدوا

انها غير منتهية الصلاحية

موضوع: رد: شكلها باظت السبت 08 نوفمبر 2008, 10:33 am

لازم يحصل ده فى مصر علشان يبقلها بصمة فى التاريخ

موضوع: رد: شكلها باظت الأحد 09 نوفمبر 2008, 2:57 am

night walker كتب:: يبقي انت أكيد في مصر

تحيتي لك

أكيد في مصر

موضوع: رد: شكلها باظت الأحد 09 نوفمبر 2008, 2:38 pm

أكيد فى مصر
مادمت تلاقى الضعفاء والمساكين وفى اللحظة نفسها تلاقى أصحاب البروج الشامخة
أكيد فى مصر
ما دمت تلاقى طرفى النقيض فى كل شئ
أكيد فى مصر
مادمت تلاقى الفروق الشاسعة بين الماضى والحاضر
أكيد فى مصر
مادمت تلاقى كثرة الذنوب والمعاصى من معظم المصريين على مشارف الطرقات
وهنفضل كده ما دمنا لن نتغير
بسم الله الرحمن الرحيم
إن الله لا يغير ما بقوم حتى يغيروا ما بأنفسهم
صدق الله العظيم
وجزاك الله خيرا على المرآة الواضحة التى أريتنا فيها أنفسنا

موضوع: رد: شكلها باظت الأحد 09 نوفمبر 2008, 4:14 pm

متشكرين منكم جميعا

لازم يحصل ده فى مصر علشان يبقلها بصمة فى التاريخ

مش لا زم يحصل ده إحنا إللي خلينا ده يحصل عمر التاريخ ما بيتغير لوحده
لازم إحنا إللي بنغيره معلش الواد إللي جايب 50% في الثانوية العامة ده
أخويا وأخوك إلا بدل ما يدخل كليه كذا وكذا
قلت نقدملوا في حربية ولا شرطة وفجأة الواد قبل بالفلوس أو بغيرها
وبدأ يدرس أخلاق ومعاملات أخري بيتعامل مع أهل بيته بطريقة ومع الناس بطريقة تانية خالص

لو اتعلم صح من الأول إزاي يتعامل مكنتش تبأي كده
وكان حلنا اتعدل وحنا بنعدي الطريق
مش كده ....... ولا إيه

موضوع: رد: شكلها باظت الجمعة 14 نوفمبر 2008, 6:26 pm

كده يا عم shekoo
بس يبقى فين الإصرار والعزيمة والإرادة القوية من الشخص نفسه
ولا عاوزنا نبقى متواكلين
ولا إيه يا عم shekoo

موضوع: رد: شكلها باظت الخميس 20 نوفمبر 2008, 5:48 pm

لأه إنتي فهمتني غلط غلط خالص

خالص خالص
بس نفسي أعرف مييييين إلللي طفي النور

المهم
حضرتك قلت في ردك السابق إن الله لا يغير ما بقوم ... إلى آخر الآية
فلازم إنته تبدأ بفسك أولاً وبمن تعول ثانياً وأصحابك ثالثاً وهكذا
إلا أن يكتمل المجتمع فالمرأ إن لم يؤثر فيمن حوله لايستطيع التأثير فيمن يبتعد عنه

موضوع: رد: شكلها باظت الجمعة 21 نوفمبر 2008, 9:12 pm

فى مصر فقط تجد اناس تقول الحقيقة
فى مصر فقط الحقيقة تغضب الناس
فى مصر فقط الحب اصبح وهم
فى مصر فقط الكل يخادع والكل مخدوع
فى مصر فقط اكبر مسرح للاكروبات المحليه والعامليه (شارعها )

والله الموضوع جامد أوى يا شيخ عبد الله( مصر أم الدنيا )

موضوع: رد: شكلها باظت الجمعة 21 نوفمبر 2008, 9:27 pm

مفيش حاجه بره

موضوع: رد: شكلها باظت السبت 22 نوفمبر 2008, 12:44 am

خالص تحياتى
وابقوا سلموا لى على مصـــــــــــــــــــــر

أنا مصري

وبحب مصر
وحدش ليه دعوي بينا
هي باظت آه بس لسه فيها أمل إنها تتصلح
وأنا إن شاء الله هبدأ
حد هيجي معيا

أنا معاك يا معلم

الله الله الله
مدير المنتدي شخصياً معاي
محدش أدي
مين كمان

يابنى بلاش فضايح شكلنا كدا هنقعد سوا فى أبوا زعبل
محدش هيجيبلنا عيش وحلاوة خلى بالك
وبعدين الناس هناك اديها مش حنينة
ساعتها مأعرفكاش
وهأقول مليش دعوة

أنا ولا مصراوي ولا حاجة
إلا إنته عايزه يا باشا
ههههههههههههههههههههه
لأة مينفعش الكلام ده لازم نصبر ونضرب
علشان خاطر مصر كل فداها

مع نفسك ياباشا
والضرب للجدعان برضه
اصبر وانضرب زى ما انت عاوز
وأنا هأجيبلك عيش وحلاوه متقلقش
بس من بعيد
وهأبقى أدعيلك
متخفش

هههههههههههههههههه
ما يا أستاذ فاروق

موضوع: رد: شكلها باظت الخميس 27 نوفمبر 2008, 1:55 pm

معاك يا معلم بس بشرط شيل الشيشة من أدامك أصل تعمينى بدخانها
ونبقى ما عملناش حاجة

قح قح قح ....... بتقول إيه
وهو دا إللي مش ممكن أبداً ......... ولا بفكر فيه
ههههههههههههههه
أنا تحت أمرك يا باشا
بس إنت قولي على ساعة الصفر إمته

موضوع: رد: شكلها باظت الخميس 04 ديسمبر 2008, 2:37 am

فعلا مصر أم الدنيا
ايه الجمال ده يا أستاذ عبد الله
هل من مزيد

موضوع: رد: شكلها باظت الخميس 04 ديسمبر 2008, 6:03 pm

تريد المزيد؟؟
فى الطريق إليك..بإذن الله

موضوع: رد: شكلها باظت الأحد 07 ديسمبر 2008, 7:04 pm

الناس قالوا اللي يلخص كل حاج
" يبقي انت أكيد أكيد في مصــــــــــــــــــــــــــــــــــــــــــــــــــــــر"

موضوع: رد: شكلها باظت الأحد 07 ديسمبر 2008, 7:52 pm

مصر ملهاش ذنب فى كل ال بتقوله ياجماعه مع احترامى لرايكم لكن شوفوا الناس حصل فيها ايه حكومتها بتعمل فى شعبها ايه المستثمرين ورجال الاعمال كل واحد منهم كل يمتلك جزء من البلد والشعب والناس الفقيرة يعينى عليها الله يكون فى العون واحنا المفروض منضعفش ونتوكل على الله ونحارب اى فساد فيها ومنقلش لا لا لا نقول يلا بينا نقوم بمصر عشان مصر تقوم بينا
وجزاك الله خيرا على الموضوع الشيق والرائع

مصر والله يا جماعه لسه بخير
وفي كل مكان زي ما في الحلو بتلاقي الوحش
وفي الاول والاخر مصر دي مكان ولو عايزين تحسبوها لازم تحسبوا انفسكم اولا
تحياتي

الحمد لله لقيت حد معاي في كلامي
أيوه كدا فينكم من زمان يا رحاب ويسنيم
مصر أم الدنيا

لو كنت الأول على كليتك ومتعينتش وواحد جايب أقل منك بكتير ويتعين معيد
يبقى أنتا أكيد فى مصر

موضوع: رد: شكلها باظت الخميس 15 يناير 2009, 11:18 pm

مين قال ان دى مصر

دى مجرد مقلب زبالة بتتساوى فيه قطعة الجاتوه مع كسرة الخبز

يا سيدى مصر عمرها ما اصبحت كده الا لما بيتى وبيتك وبيته بقوا كده

عايز مصر تبقى احسن ازاى واحنا لسه بندفع كام الف علشان وظيفة ميرى وللا يمكن علشان شهادة عالية فى اى حاجة نظرية نعلقها على الحيطة

يا سيدى تقدر تقوللى عن اى حاجة صاحبك او حد تعرفه او انت اخترعتها حتى لو كانت بسيطة

بلاش اللى فاتت
ممكن تقوللى هيا ايه مصر
او تعرف ايه عن مصر

» محلات دنيا الهدايافى شكلها الجديد