شعر رومانسى غاية فى الروووووعة

اخوتى وانا اتصقح بعض المواقع الادبية لفت نظرى هذا الشعر الرومانسى
وبصراحة اول ما قرأته سالت دموعى من قوة رومانسية هذا الشعر
فهذه الابيات مؤثرة لدرجة انك لا تستطيع ان تستحمل قوة معانيها وايحاءاتها
وها هى الابيات اضعها بين ايديكم لتستمتعوا بها
وبحسن معانيها وانسيابيه اداءها
!
!
!
!
!
!
!
!
!
!
!
!
!
!
!
!
!
!
!
!
!
!
!
!
!
!
!
!
تدفق فى البطحاء بعد تبهطل وقعقع فى البيداء غير مزركل

وسار بأركان العقيش مقرنصا وهام بكل القارطات بشنكل

يقول وما بال البحاط مقرطما ويسعى دواما بين هك وهنكل

إذا أقبل البعراط طاح بهمة وإن أقرط المحطوش ناء بكلكل

يكاد على فرط الحطيف يبقبق ويضرب ما بين الهماط وكندل

فيا أيها البعقوش لست بقاعد ولا أنت فى كل البحيص بطنبل

بذمتكم ما هى حاجة تقطع القلب

شوف يابرنس بصراحة شعر تحفة وسهل جدا فهمته انا كله بصراحة كلام بسيط اوى يدخل القلب كده لوحده بس فيه سؤال رفيع هاموت واساله بس مش تفهمنى صح هو يعنى ايه البعراط دا
مع انى بكرر انا فهمت الابيات كلها الا الكلمة دى وتقبل سؤالى بسعة صدر وتقبل مرورى ولو عملت كده تانى انت حر

نورتينى يا بيوتى
طبعا انتى بتقوليلى لو عملت كدة تانى انت حر طبعا ده من قوة وحلاوة الابيات ورومانسيتها الزيادة شوية
انا عارف ان انتى بتهزى دماغك دلوقتى موافقة على كلامى ده ما هو الشعر اثر فى كل اللى يقرأه او يسمعه
اما بالنسبة لكلمة البعراط انا كنت عارف ان الكلمة دى هى اللى هتقف قدامك ومش هتفهمى معناها
البعراط : هو واحد البعاريط اى مفرد البعاريط وهو العكوش المضيئة
اظن كده وضحت
هههههههههههههههههه
شرفنى مرورك يا بيوتى

ايه ده اكلام اللى داخل فى بعضه هو احنا رجعنا لزمن عنتره ولا ايه لا يا بيوتى لو فهمتى ارجو منك ان تفهمينى هو بيقول ايه الكلام ده اصلى تعليمى انجلش هههه تقبل مرورى

اية يا جماعة دة

معلش يا برنس دة شعر مميز وتحفة جداااا حتى انى اتاثرت وكمان هعيط بس شوية كدة

انا فهمته طبعا من اول ماا شفته مش زى اخواتى الاعضاء بيوتى وتيمو

بس المشكلة الا وقفت ادامى حاجة واحدة انى كنت فاهمة يعنى اية بعاااريط يعنى اية بس اول ما قولت عكوش مضيئة اتلخبطت جداااا

ف سؤالى بقى انا هقول السؤال كله ياخد باله

يعنى اية بقى بالظبط العكوش المضيئة شعر رومانسى غاية فى الروووووعة Icon_scratch

لكن الباقى كله تمام اصل انا درست فارسى فعشان كدة فهمتها كلها

ههههههههههههههه تقبل مرورى شعر رومانسى غاية فى الروووووعة Lol

والله يابرنس انا رأيى ان طالما دموعك سابت كده من شدة التأثر انك تفضل تعيط كده لغاية مايبان لك اصحاب وكمان عينك تورم قوى قوى لدرجة انك ماعدتش تقدر تدخل النت تانى وتجيب لنا اشعارك اللى تغيظ دى
وكمان اناشد جميع اعضاء المنتدى انك لو طلبت مناديل من احد ولا حد يعطيك.
وكمان هيا حصلت تقول:

فيا أيها البعقوش لست بقاعد ولا أنت فى كل البحيص بطنبل
والله ماكان عشمى فيك تطلع كده!!!!!!

كل سنه وانت طيب ياجميل وتقبل مرورى

» ازاى تبقى رومانسى.....؟
» لاعب كره رومانسى يكتب رساله لخطيبته
» ثريات في غاية الروعه
» تلاوة فى غاية الروعة من سورة النمل