رحلة 3 مواطنين مصريين جدا ( الحلقة الاخيرة )

رحلة 3 مواطنين مصريين جدا ( الحلقة الاخيرة )

ركبنا من موقف السيدة عائشة ورحنا لغاية هضبة الهرم وفى اول الهضبة وجدنا بعض الشباب الصغير السن واقفين فى اول الطريق وهما بينادوا على السياح اللى عايز يركب حصان او اللى عايز يركب كارته باسلوب هادى بالطبع فاخطرت لينا فكرة اننا نعمل ان واحد فبنا سايح اجنبى والاتنين اللى معاه عرب علشان يعملونا طبعا كويس فامثل صديقنا العاشق للشعر انه سائح انجليزى وبيعمل ابحاث عن الهرم واحنا معاه مساعدين عرب المهم الشاب مسبناش وكان عايز يركبنا خيل وطبعا السعر كان غالى جدا علشان السايح اللى معانا واخذ الشاب يشرح منطقة الهرم بالانحليزية وكان يتحدثها بطلاقة تنم عن انه طول عمره فى الشغلانة دى
المهم انا قلت له شكرا بس السعر غالى اوى قالى دة والله علشان السايح اللى معاكم فاطررت ان اخبرة ان السايح دة اصلة مصرى وهوعارف كل حاجة فاتغيرت معاملته معنا 360 درجة وما كان منه الا ان قال لنا كلام جامد و ناشف اوى ماعلينا المهم
ذهبنا الى شباك التذاكر وقطعنا 3 تذاكر وكانت التذكرة سعرها 2 جنية طبعا للمصرى وعلى باب الدخول كان برضو فيه جهاز بس الواقف على الباب واحنا دخلين كان داخل معانا رحلة سياح فاهتم بيهم اوى واخذ يرحب بيهم زى مايكونوا قريبة وتراكنا احنا ندخل من الجهار حتى مكلفش خطره انه ياخد مننا التذاكر ورغم ان الجهاز نادى عليه ياعم دول مصريين مصريين وطبعا احنا فضلنا واقفين شويه علشان نتفتش بس هو سبنا وفضل يرحب بالسياح اللى هما قريبه
المهم احنا دخلنا واخدنا نشاهد هذا الصرح الشامخ عبر العصور وهذه الحضارة اللى عجز العلم فى العصر الحديث انه يعرف اسرارها واخذنا فى التقاط الصور الجميلة والرائعة للمكان ولفت انتبهنا وجود ورحلة سياحة بس كان عليها حراسة شديدة جدا وممنوع الاقتراب منها او التصوير ذى ما يكونوا منطقة عسكرية وطبعا عرفنا ان الوفد دة يهودى علشان هما الوحدين اللى بييجوا مصر ولازم يكون معهم حراسة مشددة من امننا المصرى وانا شوفتهم فى راس سدر قبل كده بنفس الطريقه
طبعا انا كنت متضايق جدا لانهم ودا اخف الامثلة فى الاونه الاخيرة بيدعوا انهم البناة الحقيقين للاهرامات وبيطلبوا بحقهم فيه
المهم يدوب مبقلناش فى المكان ساعة ولسة بنلف ونلاقى الهجامه على الجمال يطلبوا منا الخروج علشان ميعاد الغلق طبعا علشان نسيب الهرم يستريح المهم اخذنا فى النزول من ناحيه ابو الهول وكل مانيجى ناخد صورة نسمع كلام يسم البدن حتى ان احد الضباط واحنا بنتصور قال لنا انتوا اتصورتوا قلنا اه قال على النعمه لاتخدوا صورة كمان ما انا لازم اقرفكم زى ما قرفنا وطبعا كان لازم ناخد الصورة علشان نروح على خير المهم خرجنا من الهرم ونوينا اننا نروح على طول علشان خلاص احنا اتبهدلنا اوى على الاخر
بس قبل ما نمشى ونروح اشترينا بعض التزكارت من الهرم ذى اهرامات كريستال وقناع لتوت عانخ امون من احد الباعه بس اكتشفنا انه ضخك علينا فى الخامة و فى السعر
طبعا مااحنا فى مصر ام الدنيا وبلد العجايب

تمت بحمد الله والى الرحله القادمة باذن الله

سردك رائع يا أستاذ أحمد
منتظرين الرحلة القادمة