اوعى تندم يوم على.......

السلام عليكم ورحمة الله وبركاته

كل ما تلاقى حد زعلان او متضايق

وتيجى تتكلم معاه وتقوله مالك وييجى يحكيلك

تلاقيه مجروح من ان اعز الناس ليه ضربه فى ضهره او غشه او خدعه

لما كل الناس يعينى مخدوعة ومظلومة امال مين الظالم؟

لازم نبص لنفسنا من وجهة نظر تانية

ليه منبقاش احنا اللى خلينا اقرب الناس لينا يعمل معانا كده

ليه على طول شايفين العيب فى غيرنا ومش شايفينه فينا

وليه متقولش ان هو كمان قاعد بيشتكى لحد تانى دلوقتى ان صاحب عمره ( اللى هو انت ) غشه او خدعه

ولا انتو رايكو ايه؟؟؟؟؟؟؟؟؟؟؟؟؟؟؟؟؟؟؟

المهم

ان مش هو ده اللى انا عاوزه !!!!!!!!!!!!!!!

اكيد طبعا بتقولو احنا عارفين انك صداع على الفاضى

عاوزايه اخلص

ما علينا

اللى انا عاوز اقوله بجد

حنتفترض انك فعلا اتخدعت واتغشيت من اخر حد تتصور منه كده

حيكون شعورك ايه؟؟؟؟؟؟؟؟

لما يجى حد ينصحك ويقولك متشيلش فى نفسك ده ميتزعلش عليه

طبعا الرد السريع والاكيد هو ..................

انا مش زعلان عليه انا زعلان على نفسى

صح؟؟؟؟؟؟؟؟؟؟؟؟؟؟؟؟؟؟؟

مش هو ده اللى كلنا بنقوله؟؟؟؟؟؟؟؟؟؟؟؟؟؟

هو ده بقى مربط الفرس

ممكن يكون اللى زعلك ده واحد انت كنت بتشعر ناحيته باحاسيس حلوة اوى وهو للاسف ميستحقهاش

خدها منى كلمة يابنى

اوعى تندم فى يوم على اى احساس حلو حسيته ناحية حد

اوعى تقول انك كنت عبيط وغبى

لا انت كنت حساااااااااااااس اوى

صحيح حتاخد بالك بعد كده لكن بجد انت كسبان كل لحظة حلوة عشتها معاه لانك ساعتها مكنتش عارف باللى جواه انت كنت بتدى وبس

خليه هو اللى يزعل من نفسه لانه ضيع فعلا احساسك ناحيته

هو خسر متعة الاخذ لكن انت كسبت متعة اكر هى متعة العطاء

افرح بنقاء سريرتك

افرح انك مش انت اللى مكانه

افرح انك عرفت دلوقتى بدل ما كنت تعرف بعدين

افرح ان ربنا اختارك من وسط كل الناس للموقف ده لان بجد رب ضارة نافعه

ما يمكن كنت حتقع فى موقف اصعب من ده الف مرة وربنا وقعك فى الهين عشان لما يجى الشديد تبقى واخد بالك

مش تقع فى الصعب على طول وتبقى النتيجة متتصلحش

اصل اللى حصل حصل

مش حينوبك غير وجع القلب وحرقة الدم

اتعلم من الغلطة دى كويس اوى عشان متكررهاش لكن متخليهاش تنغص عليك عيشتك

انت الكسبان فى الاخر صدقنى

انا عارف انى طولت عليكو

لكن حاجة جت على دماغى قلت نشترك فيها سوا

يمكن انا غلط

يمكن صح وحد يستفاد

» موضوع مفيد خدا ادخل ولن تندم
» موضوع مضحك ادخل ولن تندم
» اوعى الحرامي يسرقك !!!!!
» الخداع البصري ...ركز بس اوعى تشد في شعرك
» اوعى تشرب شاي امام الكمبيوتر .......