أرجو ان يأخذ الجميع كلامى
من وجهة نظر محايدة مطلقة
ومحدش يفتكر انى بدافع عن المرأة
ان العمل فى أساسه
بيعتمد على لكفاءة والاجدر بتولى الوظيفة
ولو لاحظتم ياجماعه دايما
ان البنات او النساء متفوقين وشاطرين
يعنى هنا حجتنا ان المرأه وعملها
سبب بطالة الشباب مش منطقى
لان الشاب لو بيدور بجد على وظيفه وعايز يشتغل
هيلاقى ... ولكن للأسف فى الكثير من الشباب
اصبح يستند على ان البطاله موجودة فى كل مكان
ومفيش شغل
واهو كده كده قاعد مرتاح فى بيت والده
ووالده بيصرف عليه
فبيستسهل الامور ويقولك ياعم نفض
شغل ايه وبتاع ايه
ويقعد بليل على القهوة يعاكس فى اللى رايحة واللى جاية:طبعا ماذكرته مش كل الشباب كده
بس بصراحة فى نماذج كتير قابلتها كده
وده للأسف لأنه معندوش هدف
وعلشان كده عمره مابيحلم ولا يكون عنده طموح
عارفين ياجماعه ان المشكلة اننا
بعض الشباب عايز لما ينزل يشتغل بؤهل بتاعه فى وظيفه محترمة
لكن فيها ايه لما تنزل وتشتغل وظيفه بسيطة
ومع الوقت ان شاء الله ربنا هيكرمك
بس بجد لازم يكون عندك ايمان حقيقى
ان ربنا سبحان وتعالى هيكلل مجهوداتك
وارجع تانى واقول ياجماعه ان الشغل موجود
ولكنه متعب ومرهق وعائده المادى فى الاول بيكون وحش لكن بالصبر والمجهود ربنا بيكرمه ويقدر يكون نفسه وكمان فى حاجة البنت عندها اصرار وعزيمة وعناد وقوة تحداى مش موجوده عن الشباب وممكن تشتغل شغل بسيط ومش بموهلها ولانها حسه باهلها وعاوزة تساعد فى انها تشيل عبْ جوازها وجهازها او مصروف ايدها عن اهلها لانها بطلع حساسة وتقبلوا وجهة نظرى بسعة صدر وموضوع مميز وتقبل مرورى