الأفراح في بلدنا وتطورها على مدي العصور

بادئ ذي بدأ يجب التنويه أولاً على الإتفاق وكيفيه التقدم للعروسه دا كلام لسه معرفهوش لأني مش مرتبط بس بسمع إن الأول الواحد بيروح يتقدم للعروسة وبعد كده يشوفها ويتكلم معاها وله الخيار في ذلك .... ومش ثلاث أيام بس .......!

مش موضعنا
موضعنا بعد الإتفاق ونرجوا الإفادة من المجربين والمتورطين قبلي
اتفوا على العفش وحصل مشاكل كتير أيام زمان على (التليفزيون والكحك والبسكوت)
واليومين دول (على الكمبيوتر والدش) وياما هنشوف
المهم مش موضعنا برده
المهم خالص بأقي لما بينقولا العفش
كان زمان بيتنقل في السر سريع سريع ذي ما بيقول
وعلى عربية كارو (عربية + حمار)
والحمار بالعدة الجديدة والعربية مفروش عليها إياس من عفش العروسة وآخر تظبيط
لكن دلوقتي ........ مش عارف إيه إللي بيحصل
ممكن حد يقولي

لسه بدرى عليك
انت لسه عندك 19 سنه و بتفكر فى الجواز و المواضيع دى
عموما سيب كل حاجة لوقتها
و الامر هيكون سهل ان شاء الله

ربنا معانا يا أستاذ حسام
كمان شهرين هكمل العشرين
بس مش موضوعنا موضعنا
الهيصة لما الناس يتنقل العفش بتاع العروسة
مش دا يعتبر عوره
متفهنيش غلط
بص تلقيهم فرشين السرير على العربية
والمخدات والبطاطين
والبتوجازات والثلاجات والغسالات وكل ماهو آت آت
طب الفقير اللي مش لاقي يجب حتي غسالة وحدة يعمل إيه
؟؟؟؟؟؟؟؟؟؟؟؟؟؟؟؟؟؟

مش دا برده حرام

السلام عليكم

ردا علي استفسار العضو shekoo

اولا : هذا الفعل ( نقل العزال ) غير محرم لا شرعا ولا قانونا

ثانيا : بتفق معاك وبكل تأكيد انها عاده سيئه توارثتها الاجيال بل وطورتها الي
ما هو اسوء مما كانت عليه في الماضي

( فرقه دي جي ) ( نساء وشباب يرقصون في الشوارع امام العزال )
( علي الافل تجد 5 سيارات فما فوق ) لزوم الفشخره واللازي منه

كل ده لييييييييييييييييييييييييييييييييييييه

طبعا علشان الست ام ( فتحي ) اللي هي ام العروسه .. تعرف ستات الحاره
والشارع وخصوصا ( ام مصطفي وام حسين ) اعدائها في الحاره
انها مجهزه بنتها احسن جهاز ( من الابره للصاروخ .. ( دي جايبه الصاروخ نفسه ) )
تقوم ( ام مصطفي ) في عزال بنتها تقوم جايبه قد اللي ( ام فتحي ) جابته عشر مرات
وكله في الاخر بيكون ( شغل حريم ) وبيكون خراب لابو العروسه وللعريس
لان هما الزباين اللي دفعوال تمن كل الطلبات

ولا عزاء للحريم

الله يديم الافراح و بيفضل لكل بلد عاداته و تقاليده

فعلا الموضوع دا أصبح عادة سيئة فى بلدنا اللهم عافنا منها وارحمنا

شكراً على الرود وشكراً يا أستاذ أشرف
وشكراً يا ملك
وشكراً يا (الأمئل الضائع)
عقبال ما نمشي في عفشكم بس أكون أنا إلا شايل القلل

فعلا والله يا جماعة

من أهم الموضوعات دلوقتى بس مش على مستوى العفش وبس
الحاجة اللى بستغرب لها هو أن اللى بيتجوز لازم يزعج البلد كلها عشان يعرفهم انه بيتجوز كأنه أول وآخر واحد هيتجوز فى البلد وطبعا لو انت مريض وهتموت من الإزعاج أو هتسقط فى الامتحان اللى عندك بكره مفيش قدامك ألا إنك تطفش وتشوف لك مكان تانى
لكن مينفعش تتكلم لأنك هتبقى وحش وبتكره الخير للناس وحاقد ووووو.
ولا عزاء للطلاب والمرضى
وربنا يهدينا جميعا

شكراً يا أستاذ منياوي

بس إحنا هنا كلانا منياويين
بس إنتي شكلك كده منيويتك زيادة شوية
شكراً على الرد الجميل
ومرحباً بك في المنتدي وكل عام وأنت بخير
مااااااااااااااااء

» الأفراح الغير اسلامية
» الزواج ومنكرات الأفراح في هذه الأيام
» ما سبب تردى الاخلاق فى بلدنا
» الزواج على مر العصور
» حاجات مش راضيين عنها فى بلدنا