هل تؤيد البرادعى

رجل نزيه معروف بالعلم و الاستقامة و الخبرة
و يحب بلده بطريقة صح و لديه كل المؤهلات لاصلاح الاوضاع في مصر, كما انه
ممكن يكون محل إجماع كل التيارات السياسية في مصر بما فيها البعض ممن هم
محسوبون على الحزب الوطني.. الشعب المصري ممكن يفوت فرصة العمر إذا هم لم
يلتفوا حول هذا الرجل و انساقوا بسهولة وراء طبول و مزامير آل مبارك

مصر
بقيادية البرادعي مع اصلاح ديمقراطي حقيقي يتيح للنظام المصري ان يستمد
قوته و مشروعيته من الشعب أولا, ستكون ندا يحسب له الف حساب من قبل القوى
الاقليمية في المنطقة (اسرائيل. ايران. تركيا...)

هذا مجرد رأي شخصي. لاكن الكلمة الاخيرة للمصريين طبعا

انا اتفق معاك ..بان البرادعى رجل له وزنه وعلاقاته الخارجيه ممتازه ..هتكون فرصه عظيمه لآصلاح ما افسده مبارك خارجيا وداخليا ..لكن يا عزيزى الشعب المصرى الذى تراهن عليه ..قد تخلى عن البرادعى وغيره وفقد الامل فى اى تغير قادم حتى لو بعد 100 سنه ..عارف ازاى ..؟!!
بسكوته وسكوت الاحزاب الورقيه عن تعديل الماده 76 من الدستور المصرى التى تتيح لمبارك و أل مبارك البقاء فى الحكم مدى الحياه ...لذلك الدكتور البرادعى وغيره هينالوا حب الشعب المصرى وتأيده أملا فى التغير لكن للاسف بدون فائده ..!!

الحل الوحيد ..اننا ندعى من قلوبنا ان ربك هو اللى يسهلها من عنده و يرزق مبارك وال مبارك بــ(عباره من بتوع ممدوح سليم )هو وكل المطبلين والمزمريين وشلة المنتفعين وماسحى الجوخ بتوع الحزب الوطنى .

yaso كتب:

نحن جميعاا ....وكل المصرين ...محتاجين التغير..

وكلة بيقول هنرشح البرادعى.....
بس نحن لا ننكر فضل الرئيس ..مبارك ع مصـــــــــــــــــــــــــــر

ولا اكنى سمعت حاجه

لالا بصراحه أنا مش عايز البرادعى
تغير أيه وبتاع أيه بس
كل واحد بيجى بيقول أنا هعمل وأعمل وهوا مش هيعمل حاجه
بصراحه اللى نعرفه أحسن من اللى مانعرفوش
وأنا كدا يعنى هنتخب حسنى مبارك

مصر مبارك ومبارك لمصر

يامبارك يابلاش واحد غيرك ماينفعناش

http://www.alhomidani.com/vb/t8876.html

هذا هو ما يقال عن اليبرالى الذين تتحدثون عنة؟

بصراحة يا جماعة

انا مش مرتاحاله خااااااااااااااااااااااالص

وحاسة بجد انه لو بقى الرئيس احنا هنضيع

مع احترامى للناس الا بيايدوه بس مش شرط اى حد مسك منصب انه يكون اده اية يعنى بقاله كام سنة ف السلك الدبلوماسى او او

ف ناس كتير جداااااا متوليين مناصب جامدة جدا ف البلد ومن زمااااان ولا ليهم اى لزمة بالعكس هما الا جايبين الفقر للبلد

انا بحسه دايما عنده امالة للجانب الغربى

انا ضد انه يكون رئيس فعلالالا

ربنا يستر على البلد عشان فعلا بتحتضر

اهلا بالتغيير بس المحسوب
مش اى واحد يجى بقى يقول ويغنى علينا وانا من البلد دى وهعمل وهعمل

وعلى فكرة لو كان الحاكم ظالم ف دة من ظلمنا احنا بردو ومننساش لازم ندى لكل واحد حقه مبارك خد مصر وهى كانت خرابة بعد الحروب كلها الا مصر دخلت فيها يعنى بردو عمل خير ولا احنا مش بنفتكر الا الحاجات الوحشة بس

يعنى حاسبوا انفسكم قبل ان تحاسبوا

دة رايى المتواضع

وتقبل مرورررررى

weza كتب:

http://www.alhomidani.com/vb/t8876.html

هذا هو ما يقال عن اليبرالى الذين تتحدثون عنة؟

بتفكرنى بمحمد على ابراهيم ..واسامه سرايا ...الاتنين دول مع احترامى ليك طبعا ..من كلاب السلطه اللى بتهوو وقت اللزوم او وقت ما يكون سيدهم عايزهم يهوهووا ..دول بقى مسكوا الدكتور البرادعى وقالوا عنه العجب ..اللى يقولك دا طلع الاخير على دفعته ..واللى يقولك دا كان طالب فاشل ..واللى يقول غير ناضج سياسيا ...الخ هذه الاتهامات الباطله ..والمشكله انهم نفسهم اللى كانوا بيهللوا وقت فوزه بجائزة نوبل للسلام ..وقتها كان عالم مفيش زيه اتنين فى العالم ...لكن بمجرد ما عقله المريض فكر مجرد التفكير انه ير شح نفسه قصاد ولى النعم وابنه جمال ..بقى ليبرالى كافر ..وطلعوا فيه القطط الفطسانه ..!!
يعنى يا اخ وزه الشيخ حسنى مبارك وحكومته وأله اجمعيين..ليسو علمانيين ..؟!
اوعى تقولى انه بيحكم بما انزل الله ..

عموما ايه المانع انه يكون موجود مرشح ليبرالى ..واخوانى ..وعلمانى ..وشيوعى ..والشعب هو اللى يختار ..بس اضمنلى انه يكون هناك انتخابات نزيهه ..

مصرى أصيل كتب:

weza كتب:

http://www.alhomidani.com/vb/t8876.html

هذا هو ما يقال عن اليبرالى الذين تتحدثون عنة؟

بتفكرنى بمحمد على ابراهيم ..واسامه سرايا ...الاتنين دول مع احترامى ليك طبعا ..من كلاب السلطه اللى بتهوو وقت اللزوم او وقت ما يكون سيدهم عايزهم يهوهووا ..دول بقى مسكوا الدكتور البرادعى وقالوا عنه العجب ..اللى يقولك دا طلع الاخير على دفعته ..واللى يقولك دا كان طالب فاشل ..واللى يقول غير ناضج سياسيا ...الخ هذه الاتهامات الباطله ..والمشكله انهم نفسهم اللى كانوا بيهللوا وقت فوزه بجائزة نوبل للسلام ..وقتها كان عالم مفيش زيه اتنين فى العالم ...لكن بمجرد ما عقله المريض فكر مجرد التفكير انه ير شح نفسه قصاد ولى النعم وابنه جمال ..بقى ليبرالى كافر ..وطلعوا فيه القطط الفطسانه ..!!
يعنى يا اخ وزه الشيخ حسنى مبارك وحكومته وأله اجمعيين..ليسو علمانيين ..؟!
اوعى تقولى انه بيحكم بما انزل الله ..

عموما ايه المانع انه يكون موجود مرشح ليبرالى ..واخوانى ..وعلمانى ..وشيوعى ..والشعب هو اللى يختار ..بس اضمنلى انه يكون هناك انتخابات نزيهه ..

والله انت كلامك مظبوط تحياتى لك

بس التغير مطلوب بردة
وانا واثق ان البقرادعى ادها

اقتباس :

مشكله تانيه غاية فى الخطوره ..
بجد
يا جماعه مش قادر أفهم فكرة إن احنا نتهم واحد أو مجموعه مشاركه فى
السياسه إنهم عايزين يوصلوا للحكم أو إنهم عايزين مصلحتهم..( وللاسف اللى
رسخ هذه الفكره فى اذهان الشعب المصرى هو الاعلام الرسمى وكلابه اللى
بتهوهو ليل نهار على الفاضى والمليان ضد اى حد يفكر مجرد التفكير انه يكون
ند بند للنظام الحالى ..)
وهنا انا اقصد الكلام عن الاخوان المسلمين ..وفكرة انهم فقط عايزين يوصلوا للحكم ..!!
يعنى ايه الكلام ده..؟
يعنى هم يدخلوا معتركات السياسه علشان حد تانى يوصل للحكم .. بجد مش فاهم ومش مستوعب.؟؟
سبحان الله ..

سيبك من كلاب السلطه يا أخ محمود أو من الاعلام المسيطر عليه من ناحيه الحزب الواطى أو حزب الشمامين المسيطر عليه من ناحيه السلطه العامه للبلاد
مصلحه السلطه هى فى سيطره الحزب على المقاعد ولذلك لا ينجح إلا من كان مرشح للحزب فقط ولذلك يا أخ محمود النظام الحالى بيحارب الاخوان لآن الاخوان يريدون الوصول للسلطه
بأى وسيله سواء شريفه أو غير شريفه مثلهم مثل الحزب الوطنى الكل بيضحك على بعضه يامعلم الحكومه بتضحك على الناس والاخوان بيضحكوا على الناس بأسم الدين

اقتباس :

هم لو قعدوا ما يعملوش حاجه يبقوا سلبيين وغير وطنيين .. ولو قاموا يتحركوا يبقوا عايزين مصلحتهم ومش هممهم مصر ..!!
طيب يعنى ايه مصلحتهم يعنى.. مثلاً مليون واحد ازاى نطلع مصلحتهم ونصيغها كأنها مصلحة فرد ولا اتنين..؟
طيب
هم عايزين يوصلوا للحكم ( قشطه قوى ) يعملوا حلف مع الحزب الوطني وهم
أبواب النعيم هتتفتح عليهم ومحدش هيقدر يزحزح مبارك من مكانه تحت
حمايتهم..

بجد مينفعش نتكلم على الناس دى كأنهم جايين من بلد تانيه ..
جايين يخطفوا البلد ويمشوا..إذا كنا مش بنحبهم ..على الأقل نتكلم بالمنطق..!!
أو نخلق جو ديمقراطى حقيقى بعيد عن قبضه أمنيه ..والناس تختار
ولما
يختاروا ..نحترم اختيارهم أيا كان ..لكن طول ما المسأله فى مصر مجرد
شعارات وكلام على ورق دون تطبيق على أرض الواقع يبقى هذا الحال هيطول قوى
دون اى تغيير ..!

المشكله يا أخ محمود أن السلطه بتشجع السلفيين وأنصار السنه وتؤيدهم فى الشارع المصرى وتفتح لهم قنوات فضائيه لمهاجمه الاخوان أى فتح باب ذى أتجاهين سياسه فرق تسد
السلفيين بيحرموا الانتخابات وشعارهم دائما أطيع السلطان والاخوان شعارهم أقيموا دوله الاسلام

وبعد ذلك ستقوم السلطه بتشجيع الصوفيين ضد السلفيين فى خلال الثلاثين عاما القادمه ولكن بعد أنتهاء الاخوان وهذا هو تخطيط السلطه يا معلم محمود

أما الامن فى مصر فمصر معروفه أنها عزبه السيد الحاكم والشعب المصرى بيهلل لكل سلطان بيأكله العيش الشعب المصرى يا أخ محمود بيتمنى الراحه والاكل

وزى ماقال العبقرى الدكتور جمال حمدان فى موسوعه شخصيه مصر
الشعب المصرى يهوى الطعام والخوف من السلطان وممارسه الجنس وهى الرياضه الوطنيه لدى الشعب المصرى من عهد الفراعنه وحتى الزمن الحاضر

فأنت بقا متجيشش تتكلم فى التغير عمر الشعب مهيتغير أبدا
ومستحيل أبدا هيحصل ديموقراطيه فى مصر مستحيل علميا......
عارف ليه يا أخ محمود
لآن السلطه فى مصر ليست قائمه على الانتخاب ولاكن على التعيين
محمد على باشا جاء إلى مصر وأستولى على الحكم بالقوه والمال والدسائس
وأسس الاسره العلويه الملكيه والثوره قامت وأغتصبت عرش مصر بالقوه والعنف من جلاله الملك فارق رحمه الله وتولى عبد الناصر الديكتاتور بالقوه والعنف
وعين السادات من بعده وعين وليس أنتخب ثم تولى السادات عرش مصر وعين سياده الرئيس مبارك بعده أى عين وليس أنتخب
وسيادته مازال قائما بالسلطه وسيادته سيعين أحد ليخلفه وليس لينتخب ليتعين

أذن الشعب المصرى لايملك حق الاختيار والانتخاب
الشعب المصرى للآكثر من سبعه ألاف عام عايش كعبد للحكم الشعب الفرعونى كان بيعبد الفرعون الحاكم والشعب المملوكى كان بيقدس المماليك لآنهم السلطه والمال وهكذا
الشعب المصرى يا حبيبى
أموت جبان بس أعيش مستور هو دا الشعار

أرجوا يا أخ محمود أن تكون قد فهمت الرساله وخبايا مابين السطور التى لم أصرح بها