الهدف من المسابقة الثقافية بمنية سندوب تفتكروا كان ايه

كلنا سمعنا وشوفنا فاعليات المسابقة الثقافية
وكتير مننا اتعجبوا هل هيا من اجل التنمية الثقافية بالقرية ام هى لأغراض اخرى
أثناء المسابقة كانت المسابقة مشرفة حقا ولكن لاحظنا بعض العيوب ومنها ان الأسئلة كانت فى الغالب تعجيزية ومتعمقة فى التخصصات ولم تكن للمعلومات العامة
ولكن لا شئ بدون عيوب فهذا عيب مقبول وممكن التغاضى عنه
ولكن فى نهاية المسابقة تفاجئنا بتأجيل موعد المباراة النهائية لماذا لا ندرى
وانتظرنا الموعد
يوم كله امطار والطرقات كلها مليئة بالمياة (( كان يوم صعب ))
انتظرنا فترة طويلة ليكون الموعد المنتظر موعد المباراة النهائية
واذا بالمفاجئة
لم تكن مسابقة ثقافيه انها كانت ندوة للحزب الوطنى وظهر الغرض منها
دعايا انتخابية لمرشح الحزب الوطنى
المسابقة استمرت اكثر من ساعتين
بين كل سؤال والآخر مجموعة من المتحدثين يتحدثون لصالح الحزب الوطنى والمرشح الموجود
هل هذا معقول
واثناء المسابقة اذا بنا نفاجأ ببعض الطلبات من اللجنة المنظمة من مرشح الحزب
جهازين كمبيوتر للمدارس
لم اكن اتخيل ان يتواجد مرشح للانتخابات ليطلب منه جهازين كمبيوتر (( لو كنا جمعنا من كل واحد موجود فى القاعة 10 جنيه كنا جبنا 5 أجهزة مش جهازين ))
والمفاجأة الكبرى
مرشح الجزب الوطنى يفتخر بتبرعه بعدد 6 مراوح لجمعية الرعاية علشان الصيف جاى
بالله عليكم يا كبار البلدة هل هذا معقول
هل هذه طلبات تطلب من مرشح للانتخابات
كنا نتوقع انها مسابقة لتنمية الثقافة فى البلدة
ولكن اتضح انها دعايا لمرشح الحزب الوطنى
لا حول ولا قوة الا بالله العلى العظيم

وليه مستغربه يا سميحة مهو ده هو المتوقع من زمان
هى بلدنا كدا عمرها ما هتتغير
زمان لو تفتكرى المرشح المحترم ال كان متواجد فى المسابقة قفل اللجان الانتخابيه خالص ووضع ستار امنى بين الاهالى واللجان الانتخابية
ومش سمح لفرد واحد من اهالى منية سندوب بانه يضيف صوته فى الانتخابات
ودلوقت جاى يحضر مسابقة ثقافيه (( يا حلاوة ))
بصفتى واحدة من اهل القرية بأعلن ان المراوح ال بتفتخر بيها أيها المرشح مش تلزمنا
انت اهديتها لمساعديك ال نظمولك المسابقة (( قصدى الدعايا الانتخابية )) مش للقرية
ويادوب كفايه عليهم 6 مراوح علشان يكونوا دايما فى الخدمة

امال انتوا فاكرين ايه
فاكرين انهم كانوا بيعملوا حاجة كده لوجه الله
كل اللجنة المنظمة كانت بتتسابق فى اللى ينافق ويشكر أكثر لناس معملوش أى حاجة
ده انتوا لسه مشفتوش حاجة
وأنا من هذا المكان أطالب النائب بساندوتش حواوشى سخن من عند أبو رامى
طالما الموضوع فيه مراوح وكمبيوترات
وإلا مش هنتخبه الدورة الجاية
قال يعنى كنت انتخبته!!!!!!!!!

طيب حتى شوفوا شهادة التقدير ال المفروض انها ممنوحة جائزة
كلها دعايا للحزب الوطنى وللمرشح للانتخابات
ودى صورة بالشهاده وشوفوا محتواها

الهدف من المسابقة الثقافية بمنية سندوب تفتكروا كان ايه 39337745

الهدف من المسابقة الثقافية بمنية سندوب تفتكروا كان ايه 39337745

يا أخت سميحه لو تلاحظى ان المسابقه اصلا اللى منظمها أمانه الحزب الوطنى ..يعنى من الطبيعى انه يكون غرضها الاساسى قبل الاستفاده الثقافيه والماديه ..التلميع و تأييد مرشح الحزب الوطنى ومفيش مانع ايضا من شوية تلميع للحكومه ورئيس الحكومه وشوية المنافقين والحراميه اللى كانوا مشرفين المسابقه ..بصراحه كله كوم والاخ ( جودو ) اللى كان بيلقى الشعر فى نهائى المسابقه ده كوم تانى ..اول مره اعرف انه بيعرف يكتب شعر لا وبيلقيه كمان ...ياترى حسحس دفعله كام على البوقين الحلوين دول ههههههه
ولا الاخ التانى اللى اصبح بقدرة قادر وهو مش بيعرف يفك الخط اصلا عضو فى امانة الحزب الوطنى ..بس للاسف وظيفته يعلق كام يافطه على شرف العضو الفلانى والمحافظ العلانى واستقبال مش عارف مين ... وفى المسابقه كان بيسقف بضمير ..اموت واعرف كان بيسقف على ايه ..!!

يالا مبروك عليهم جهازين الكمبيوتر ..والــ6 مرواح ..بس على الله اللى بالى بالك ياخدهم لبيته وعياله ويجيب مكانهم مرواح واجهزة كمبيوتر مستعمله ...زى البطاطيين بتاعة الناس الغلابه كده ..والحدق يفهم ..هههه

سؤال اخير ..ياترى فيه كام بيت فى القريه محتاج لمروحة سقف فى الحر الشديد ومش قادر على ثمنها يا حاج سيد ..وفيه كام بيت محتاج لجهاز كمبيوتر ..وكام بيت محتاج لضرورات الحياه الادميه ..هل الجمعيه فقيره لهذه الدرجه ..ومن الاولى اهالى القريه الفقراء أم الجمعيه ..؟!!

سلام

أنا شايف يا جماعة إنكم مكبرين الموضوع شوية
معروف إن مرشح الحزب الوطنى هو إللى بيصرف على المسابقة
وهو إللى مقدم الجوائز من جيبه فطبيعى أن يكون هناك دعاية فيها للحزب الوطنى
ولنفسه وحتى لا يفهم كلامى خطأ أنى أدافع عن الحزب الوطنى ومرشحه
فالرجل وافق على المطالب التى قدمت له فى حفل ختام المسابقة وهل هناك أحد تقدم بمطالب أخرى
غير الكمبيوترات والمراوح ولم يوافق عليه فأرى أن الخطا هو خطانا نحن لاننا لم نستغل وجود
نائب مجلس الشعب الاستغلال الأمثل فلو كان هذا النائب فى قرية أخرى
لأعتبروها فرصة وقدموا له لستة من المطالب المهمة للقرية
ولكننا اخطأنا عندما قدمنا له مطالب تافهة مراوح أيه وكميوتر ايه
كان الأولى أن نطلب منه حل مشاكل كثيرة فى القرية على سبيل المثال وليس الحصر
مشكلة الأوقاف التى يعانى منها نصف القرية على الأقل علاج مشكلة مياة الشرب
ومشكلة الصرف الصحى ورصف البلدة من جديد
فأرى أن العيب عندنا وليس عنده لأنها كانت فرصة كبيرة وضيعناها

ماهو المشكله يا استاذ ابراهيم ..ان المسؤليين فى القريه غير مؤهلين انهم يكونوا بقدر المسؤليه عن القريه ...هل هم لم يعلموا بهذه المشاكل التى تحدثت عنها ..؟!! هل هم غير ملمين بمشاكل الاوقاف وموضوع الرصف ..وضف الى ذلك المقاولين الحراميه الذين يشتغلون فى تجديد الصرف الصحى بالقريه وكل مقاول فيهم كل يوم يكسر ماسورة مياه ويسيبها تغرق الدنيا ويخلع ..ويجى غيره وهكذا ..؟!!
هل الجمعيه اللى صدعتنا ليل نهار عن تنمية القريه وحل مشاكلها ومساعدة البسطاء الخ الخ لا تعلم شىء عن هذا ..؟ امال لو مكانشى كبيرهم كان قاعد جنب سيادة النائب فى نهائى المسابقه ..؟!
برأيك نفوض مين يتكلم بالنيابه عننا ..وياترى مين اصلا هيديله فرصه يتكلم ويقول كل اللى على لسان اهل القريه بمشاكلها ..؟!
انت متخيل الماساه لما تكون قريه طويله عريضه اكبر مشاكلها عدد اتنين كمبيوتر و6 مراوح سقف وياريت اللى هيستفاد منهم اهل البلده لكن للآسف..!!

من المفروض ان المسايقه دى دعايه للحزب ولمرشح الحزب فى البلد ولكن بكل سذاجه طفوليه المحسوبين على الجزب نفسهم افسدوا دعايتهم بكميه المبالغه البايخه والمجامله السخيفه... المسايقه اتبدلت من حدث ثقافى الى حاله نفاق اجتماعى فجججج

اذا لم تستحى افعل ما شئت الهدف من المسابقة الثقافية بمنية سندوب تفتكروا كان ايه Icon_exclaim

الهدف من المسابقة الثقافية بمنية سندوب تفتكروا كان ايه 990146

انا مش عارف افتكرت الكلمه دى ليه يا سميحه اول ما قريت الموضوع
لى الاسف الراجل معاه فلوس وفلوس كتير وعاوز يبقى عضو
فا اصبح كذاللك بى فلوسوه

مش مهم
نيجى للنقطه اللى استفذتنى بى صراحه اوى الهدف من المسابقة الثقافية بمنية سندوب تفتكروا كان ايه 884498

الهدف من المسابقة الثقافية بمنية سندوب تفتكروا كان ايه 884498

دعيا الحزب الوطنى
انا هموت واعرف كام واحد فى بلدنا مؤمنين بى مبادى الحزب
انا اتحدى ان واحد فى البد عارف ايه هوه هجف الحزب الوطنى او سياساته ورغم كده بلاقى صحاب كتير ليا معاهم كرنيه الحزب
طب مطلعه ليه الهدف من المسابقة الثقافية بمنية سندوب تفتكروا كان ايه Icon_exclaim

اللى يقوللك اهوه موجود
واللى يقوللك
علاشان الرحلات الصيفيه الهدف من المسابقة الثقافية بمنية سندوب تفتكروا كان ايه 835604

وكل واحد له اسبابه وكلها فى الاخر بتتعلق بى التسهيلات اللى بتقدمها الحزب لى اعضاء الهدف من المسابقة الثقافية بمنية سندوب تفتكروا كان ايه 407556

طيب يا عم الحاج انته مقتنع بسياسه حكومتك اللى هيا ساسه الحزب
يقوللك البد منيله بى ستين نيله
طيب انته طلعت الكرنيه ليه ؟؟

وهكذا
مش عارف اقول ده ايه ؟؟؟
جهل وتخلف
ولا طيبه زياده عن اللزوم
ولا كله بيقول يلاه نفسى
وفى الاخر كلنا اللى مضرورين علاشان معندناش وعى ..

السلام عليكم

تمت دعوتي للحضور نهائي المسابقه المذكوره
وللاسف الشديد جداً حضرت

فعلا حصل كميه نفاق ورياء من اللي يسوا واللي ميسواش مبالغ فيها
ناهيكم
عن سوء التنظيم والسبهلله والكوسه الناشفه اللي كانت منوره الحفله

موجز سريع كده ..

المسابقه دي تم تنظيمها بمعرفه شله الحزب في البلد
مين عملهم وامتي وازاي وبكام
الله اعلم ( بس دي مش قضيتنا )

لو هنتكلم عن المسابقه هما لعبوها صح
مسابقه ثقافيه وشباب البلد وجوايز وافتكاسات ( سوري في اللفظ )
دعايه مجانيه من خلف الاسوار للعضو المحترم

العضو المحترم جاي ليه .. شو مجاني دافع فيه يا دوب
الفين ولا حتي 5 الاف لحلوح
عالجزمه ( سوري مره اخري في اللفظ ) مهو هييجي والبلد كلها هتتفرج عليه
اجباري ( وحط تحت دي العدد اللي تحبه من الخطوط ) وهيقول البوقيين اللذاذ ويشرب قهوته
ويمشي ومش هنشوف وشه ( سوري ) اقصد وش سيادته الا بعد 3 سنين

بتتكلموا علي الطلبات
بصراحه الراجل متأخرش .. قال هجيب 5 اجهزه كمبيوتر و6 مراوح
وكمان البيه اتكرم وتواضع وقال انو هينور مأذنه مسجد الموافي
الله عليكي يا منيه سندوب

احنا زعلانين اوي ... طيب لييييييييييييييييييييييييييييييييييييه
علشان الساده مطلبوش طلبات تليق بالبلد د البلد

السؤال الصح
مين اللي خلي دول ساده .. او .. اعضاء
مسئولين عن قريه منيه سندوب
مين اداهم الحق انهم يتكلموا بلسان البلد وهما (سوري في اللفظ مش هقوله المره دي ؟ )

احنا ( يبقي العيب فينا )

تنويه بسيط جدا .. اشكر كل من ساهم بعلمه في افاده المسابقه وجزاؤه ليس الشكر متا
بل هو محسوب عند الله هو اعلم به منا

يتوقف قلمي مؤقتا ولي عوده بكل قوه وبكل صرامه
واللي يزعل .. حيطان البلد مفيش اكتر منهم

[center]ما كان لله دام و إتصل و ما كان لغيرة سبحانة إنقطع و إنفصل

[/center]

حسبى الله و نعم الوكيل

قال رسول الله صلى الله عليه وسلم( سيأتي على الناس سنوات خدّعات ، يُصدّق فيها الكاذب ويُكذّب فيها الصادق، ويؤتمن فيها الخائن ويُخوّن فيها الأمين ، وينطق فيها الرويبضة ) قيل:وما الرويبضة يا رسول الله . قال: التافه يتكلم في أمور العامة .) صدق رسول الله صلى الله عليه وسلم.

يا سلام عليك يا ستار
هو ده الخلاصة

يا ليت الإخوة الشباب المحترمين المعترضين من الجنسين على المسابقة وصورتها التي لم تعجبهم -وطبيعي أننا لم نرض عنها بشكل كامل بسبب بعض التجاوزت من هنا وهناك- أن يقوموا بإعداد وتنظيم مسابقة جيدة تحت أي شعار يكون فيه خدمة للقرية حتى لو وجبة غذاء من عند الكابتن جمال الذي أعزه وأحترمه جدا وفي مكان محترم واوعدهم انني سأكون من أول المشجعين لهم

وارجو ان لا يلعنوا الظلام فقط عليهم أن يضيئوا شمعة نرى من خلالها الطريق
ثم هل من المعقول أنه لا توجد ثمرة أو ميزة واحدة لهذا العمل الجماعي
إن هذا لشيء عجاب

بالطبع لا .. يا دكتور / عمر

الجوانب الايجابيه
اتفق الجميع من البدايه ان المسابقه ومن الوهله الاولي فكره رائعه

.. لانها جمعت بين الصغير والكبير من مثقفين وشباب خريجين ودكاتره القريه
الذي نكن لهم جميعا كل الاحترام والتقدير
( خلتنا ببساطه نحس ان مفيش فرق والكل اخوات )

.. جمعت الكل علي هدف واحد هو العلم والسعي من اجل الانتفاع به من خلال الأسلئله والمعلومات التي استفاد منها الكثيريين

.. بعدت بنا عن مجالس السوء والقهاوي ... الخ

ولكن للاسف الشديد كانت النهايه سيئه بشكل مزري
حيث اضاعت كل الايجابيات من اذهان الجميع
ولهم الحق وانا منهم

تقبل خالص احترامي وتقديري لشخصكم الكريم

مع احترامى الشديد لحضرتك يا دكتور عمر
بس أنا اتفاجئت بإن حضرتك ال تطلب الطلبات دى
حضرتك دكتور ليك مركزك
لو كانت صدرة الطلبات دى من اى فرد تانى كنا هنقول اللجنه اتفقة على كدا وهو بينفز من غير ما يفكر فى ال بيقوله
بس حتى لو اللجنه اتفقت على كدا
حضرتك كان المفروض ترفض ان انت ال تطلب الطلبات دى او تسيب المكان خالص
انما المنظر مكنش كويس
-----------------
-----------------
اما بخصوص اننا ال نعمل مسابقة
فهنا فى المنتدى ده لو حضرتك لاحظت موجود اعلان عن مسابقتين (( مش مسابقة واحده )) شغالين فى الوقت الحالى يعنى احنا كشباب فى سن صغير بأقل الامكانيات نقدر ندير مسابقة نظيفة لا يتدخل فيها الحزب الوطنى واعوانه
وحضرتك اعتقد لاحظت المسابقة الرمضانية ال اقيمت بالمنتدى فى رمضان ال فات
ولاحظت طبعا قد ايه المسابقة دى مثقفين البلد كلها كانوا بيتكلموا عنها
شباب المنتدى هنا تفوقوا بامكانياتهم البسيطة عن كبار البلده المحترمين ولم يستفيد من اعمالهم اى من اعضاء الحزب الوطنى او المرشحين وده شرف لمنتدانا منية سندوب
وتقبل مرورى

الاخوة الاعضاء فى المنتدى
من المعروف ان اي مسابقة بتقوم على شرف اي "شخصية مهمة ذو قيمة علمية - أدبية - دينية - خدمية" طبعا...
طيب ... حلو الكلام
انا نفسي اسؤال سؤال واحد (لمؤخذه فى اللفظ ...... محشور فى زوروووووووري من زمان)

* ايــــــــــــــــــــــــــــه الي قدمه العضو المحـتــــــــــــــــــــــرم لاهل دائرتـــــــــه؟
ده كان السؤال.... الى محشووووووووووووور فى زوري

ولو فيها اساءت ادب هسئل "اسيااااد البلد الكرام" سؤال.
* هل هو من اصحــــــــــــــــاب الشخصيااااااات المهمهِ الا احنا نفتخر بها.

وفى الاخر مش لاقي كلام غير ده اقوله للفاكرين نفسهم اسياد البلد
مش باقي مني غير شوية ضي فى عينيا
انا هديهوملك وامشي بصبري في الملكوت
يمكن فى نورهم تلمحوا خطوة
تفرق معاكوا بين الحياة والموت
مش باقى مني غير شوية قوة فى إراتي حسبوا عليهم وانتم بتخطو
مش باقى مني غير شوية ضي فى عينيا انا مش عايزهم

من الواضح يا جماعه ان احنا مش بنشوف وش الشخص ده
اللا فى الانتخبات بس فقط لا غير
يعنى هو كان عمل ايه للبلد
يجى علشان خاطر 6 مراوح و 2 كمبيوتر
بالزمه يا جماعه مش حاجه تكسف
نيجى بقه للاشكال المنافقه اللى كانت وقفه بجانبه تحى و تعظم فيه علشان ايه ...؟
هل فكرتم يا جماعه
الناس دى مستفادة ايه علشان تعمل كده ...؟
مش من المعقول الناس دى تعمل كده علشان خاطر 6 مراوح
ياتر خدو ايه من تحت لتحت ....؟

على فكرة يا جماعة ال قامت به جمعية الرعاية أثناء المسابقة مخالف قانونا وعقابه حل الجمعية والحبس للقائمين على هذا النشاط من اعضاء جمعية الرعاية والذى كان هدفه تأييد الحزب الوطنى ومرشح الحزب الوطنى قبل تحقيق أى أهداف أخرى
والكلام ده يا جماعة مش من دماغى ده كلام قانون الجمعيات الأهلية رقم 84 لسنة 2002 وال بيطبق ويسرى على جميع الجمعيات مثل جمعية الرعاية وجميع الجمعيات الأخرى سواء من البلد أو فى أى مكان آخر
<<<<< والمادة 76 من قانون الجمعيات الأهلية رقم 84 لسنة 2002 تنص على
أولا :
يعاقب بالحبس مدة لا تزيد على سنة وبغرامة لا تزيد عن عشرة آلاف جنية أو بإحدى هاتين العقوبتين كل من
أ- أنشأ جمعية يكون نشاطها سريا
ب- باشر نشاطا من الأنشطة المنصوص عليها فى البنود ( 1 , 2 , 3 ) من المادة 11 من القانون 84 لسنة 2002

والمادة 11 تنص على حظر اتيان عدة أنشطة وهى :-
1- تكوين السرايا أو التشكيلات العسكرية أو ذات الطابع العسكرى
2- تهديد الوحدة الوطنية أو مخالفة النظام العام أو الآداب العامة أو الدعوة إلى التميز بين المواطنين بسبب الجنس أو الأصل أو اللون أو اللغة أو الدين أو العقيدة
3- أى نشاط سياسى تقتصر ممارسته على الأحزاب السياسية وفقا لقانون الأحزاب وأى نشاط نقابى تقتصر ممارسته على النقابات وفقا لقانون النقابات
وهذه الأنشطة وردة بالمادة على سبيل الحصر . والدعاية الحزبية لحزب معين أو مساندة حزب فى الانتخابات أو انفاق أموال الجمعية لتأييد حزب معين >>>>

- وفى هاتين الحالتين لم يكتفى المشرع بتغليظ العقوبة على مرتكبى المخالفة بل جعل عقوبة حل الجمعية أيضا على مخالفة المادة 76 أولا أ و ب دون الحاجة إلى صدور حكم قضائى ولكن اشترط ( مباشرة النشاط بأسم الجمعية )

يعنى الخلاصة ان الجمعية مالتزمتش بقوانين الجمعيات الأهلية وقانونا المفروض تتعاقب

بسم الله الرحمن الرحيم

السلام عليكم ورحمة الله وبركاته

أولا :- أنا ممنون جدا للأستاذة / سميحة بل شاكر جدا لها انها السبب في عودتي لهذا المنتدى الراقي بكل أعضائه وهذا منذ فترة ليست بالقصيرة وشكرا ( للمحترم ) الأستاذ عبد الرحمن البطة الذي سمح لي بالدخول من عنده لأنني لست من أهل الإنترنت .
ثانيا :- أشكر للجميع مشاركتهم وتفاعلهم بشأن هذا الموضوع ولمن رد بشكل راق لي ( وهم قليل ) شكرا ولمن رد بشكل آخر ( وهم كثر ) ألف ألف شكر ولكن لي بعض التعليقات ردا مني كأحد أعضاء اللجنة ولكن هذا الرد لايمثل اللجنة بل يمثل وجهة نظري الشخصية
ملاحظة :- أرجو من الجميع الصبر شويتين علي وعدم قراءة الرد بعصبية وغفر الله لي ولكم
* ألم تحرك المسابقة راكدا في منية سندوب ؟ أعتقد أنها فعلت ذلك وأكثر فمنذ متى لم نشهد مثل هذا العمل في منية سندوب ؟.
* قبل الجميع اجتمعنا نحن أعضاء اللجنة وقمنا بتقييمها وحصرنا سبعة عشر سلبية كان منها ما تم في النهائي والافتتاح . اذا نحن نعترف بان العمل قد اعتراه الكثير من القصور ولكن هناك ايضا الكثير من الايجابيات .
*تصدقوا اننا هوجمنا من أعضاء الحزب الوطني بأننا لم نعط للحزب حقه وكانت نقطة خلافية كبيرة بيننا وبينهم وهذا ما اكد عليه الدكتور المحترم / عمر الفرماوي يوم الافتتاح .
*للمسابقة رد فعل ايجابي كبير في منية سندوب وليست بهذا السوء الذي صورتموه لنا .
* متابعتكم لكل تفاصيل المسابقة حتى الدقيق منها يؤكد أنكم بل معظمكم تابع المسابقة حضورا شخصيا وهذا يؤكد نجاحها بتشريفكم لنا و لها .
* أعتقد أننا نقع في خطأ كبير وهو تحقير عمل الغير حتى لو كان هذا العمل فعلا حقير ودائما نصغر عمل الغير بدلا من دفعه والاخذ بيده .
* أرى لو أن المسابقة لم تحدث أي حراك في منية سندوب غير جمع فصائل الدم التي كان للمسابقة دور كبير فيها فهذا وحده يكفيها .
* إسمحوا لي بكلمة صغيرة وانا استسمحكم في هذه الكلمة ألا ترون أن اسلوب الحديث عن المسابقة وعن اللجنة فيه بلاش تجاوز خليها شيء من التجاوز ياجماعه معظمكم من الشباب ما بين 20 و 25 سنة ومعظم أعضاء اللجنة من المسنين ما بين 40 و50 سنة يا جماعة أنا عمري ما تكلمت مع الاستاذ عبد الرحمن البطة وهو صديق بل اخ بهذا الاسلوب . والدكتور آسف الأستاذ الدكتور عمر الفرماوي يصغرني بعام تقريبا في مولده ( يعني ولادته مش مولده بتاع ...) ولكنه يكبرني بأعوام في علمه ودراسته ومركزه ياجماعه الراجل بدرجة وزير تقريبا عميد كلية . معلهشي الاسلوب زائد شوية .
* ألستم معي بان اللجنة تعبت فعلا يا جماعه والله ماشفنا طعم للراحه ولا اجازة نصف السنه مثل الباقين واللي دفع من جيبه وكله والله العظيم علشان خاطر منية سندوب أولا ومستعدون لعمل مسابقة تخدم منية سندوب تحت إشراف ورعاية أي حد المهم مصلحة منية سندوب .
* خاص للأستاذ فاروق والسادة المشرفين انتوا فين من الكلام ده كنت أنتظر منك يا باشمهندس وانت كنت معانا كلمة حق تنصفنا وانت أدرى مني بذلك .
* ياجماعه ما حدث في النهائي سبق وتحدثنا فيه مع رئيسي فريقي النهائي بأنه قد يحدث مثل ذلك وليس لنا ذنب فيه ما لا تعلمونه اننا اختلفنا كثيرا حتى نصل الى هذه الدرجة . يا عيني لو كان تم ما لم تروه أنتم وكافحنا نحن عليه بالا يحدث كان زمانكم اهدرتوا دمنا .
* أراني قققد أطلت عليكم كثيرا لكن والله العظيم لسه عندي كلام كتير شكرا شكرا لكم جميعا .

المهدى فرحات كتب:: *تصدقوا اننا هوجمنا من أعضاء الحزب الوطني بأننا لم نعط للحزب حقه وكانت نقطة خلافية كبيرة بيننا وبينهم وهذا ما اكد عليه الدكتور المحترم / عمر الفرماوي يوم الافتتاح .

or=Blue]]وايه اللى دخل الحزب الوطنى أصلا فى الموضوع هو كان له حق أصلا
أذكر يوم ما جه واحد من بره البلد وطلع فى المسابقة بتاعت كرت الشحن وسألوه فى الآخر انتوا مفيش حاجات زى كده عندكوا فى البلد فقال لا ده الحزب عندنا نايم خالص وكده
فما كان من اللجنة إلا أن قالت أن هذه المسابقة لا علاقة لها بالحزب وده طبعا غير كل اللى احنا شوفناه بعنينا يوم النهائى. لأ ومش كده وبس قال ايه
الحزب مش عاجبه عشان مخدش حقه
المرة الجاية ابقوا ادوله حقه.......[/size]

يا استاذنا الفاضل ..كل الاحترام ليك وللدكتور عمر واعضاء اللجنه الكرام ..التى نكن لها كل احترام وتقدير ..ولا ننكر ما بذلتموه من جهد فى سبيل انجاح هذه المسابقه الثقافيه التى بالطبع كان فيها من الايجابيات مالا يستطيع ان ينكره أحد الا جاحد او معارض لمجرد المعارضه وفقط ..وتأكد اننا لسنا على خلاف ابدا مع لجنة التحكيم ولا نعترض على المسابقه ذاتها ولا نعترض على المتسابقين الذين نشهد لهم بمستواهم وادائهم الجيد الذى ابهرنا جميعا ..وجعلنا نشجعهم ونقف بجانبهم ونستفاد منهم علما وثقافه ..

استاذى الفاضل .نقط الخلاف واضحه جدا ...وذكرتها هنا ..وذكرتها ايضا فى موضوع الدكتور عمر الفرماوى ..اتمنى ان تتكرم بالدخول على هذا الرابط وتشاهد ما كتبته هناك ..وفى انتظار تعقيبك ..
https://ms-online.yoo7.com/montada-f23/topic-t6474.htm

واخيرا قولك بانكم هوجمتم من قبل اعضاء الحزب الوطنى بسبب انهم لم يأخذوا حقهم ..مش قادر افهم بصراحه حقهم فى ايه بالظبط ..يعنى مثلا بين كل سؤال وسؤال كان المفروض نعمل فقره اعلانيه تعبر عن الحزب واهدافه وشعاراته الخايبه من نوعية ( بلدنا بتتقدم بينا ..لا برادعى ولا نور جمال هو المنصور ..ومن اجلك انت ..الخ هذه الشعارات الخايبه ) علشان يعجبهم ولا ايه مش فاهم ..اعتقد بكدا يبقى الهدف واضح بانهم لا تهمهم المسابقه ولا القريه قد ما يهمهم تلميع المرشح بتاعهم وحزبهم اللى خلانا بقينا فى ذيل الامم ..
..يا استاذى الفاضل مع الاحترام للجميع قسما عظما اكبرهم ما بيعرف يفك الخط وكلهم بصمجيه وماسحى جوخ ومنافقين ومرتزقه ..ونفاقهم وريائهم كان واضح وضوح الشمس فى الافتتاح والنهائى وبين هذا وذاك اثناء المسابقه ..ولا نلوم على ذلك احدا غيركم انتم ..بكل بساطه كان ممكن ترفضوا هذه الافعال ..او تهددوا بوقف هذه المسابقه او الانسحاب ..لكن ان تسمحوا لشخص تافه ولا داعى لذكر اسماء ان يمسك بالميكرفون ويلقى شعرا فى حب العضو ومدحه ويشعر نفاقا ورياء على العطاء الذى لمسناه جميعا فى عهد رئيس الدوله وحكومته وحزبه ..وشعارات وشعارات وكلام فى كلام وكله ضحك على الدقون ...!!
تبقى بكده مش مسابقه ..دى دعايه للحزب وتلميع للحكومه ..وانتم جميعا للاسف اللى سمحتوا بكده ..!!
سؤال اخير استاذ مهدى ..بجد ليه الحزب والجمعيه مسيطرين على اغلب دور المناسبات فى القريه ولماذا لا يسمح لغيرهم بالاستفاده من دور المناسبات هذه ..بمعنى هل لو تم الاتفاق بينكم كلجنة تحكيم بكل افرادها الحاليين وبين جماعه كالاخوان المسلمين او اى حزب اخر فى البلده او اى احد لا ينتمى لا لجماعه او حزب على تنظيم مسابقه ثقافيه ثانيه فى دار المناسبات بمسجد الشهداء او فى اى دار مناسبات ويتم تصويرها وبثها على الوصله ..هل سيسمح لهم بذلك ..هل ستفتح لهم دور المناسبات ..هل سيتم تشجيعهم ..ام ان دور المناسبات فى القريه لا تفتح الا من اجل الحزب الوطنى واعضائه ومنافقينه ومطبلينه ومزمرينه ..؟!!

اتمنى منك الاجابه بكل صراحه

خالص تحيتى ومودتى

بسم الله الرحمن الرحيم
الموضوع واضح انه سخن جدا بين الأعضاء
و أنا شايف من وجهة نظرى المتواضعة إن فيه تحامل كبير على اللجنة المنظمة
و علشان مفيش عضو يقول ان أنا مع اللجنة أو ضدها
أنا شايف أن فيه سلبيات كانت موجوده فعلا و و لكن فيه أيضا ايجابيات
بس الموضوع ده ركز على السلبيات
و كثير من الأعضاء تفاعلوا مع الموضوع بأسلوب أساء لبعض أعضاء اللجنة المنظمة
و دا شىء مش كويس
ياريت ننقد بدون تجريح
و نذكر السلبيات لأعضاء اللجنة المنظمة للمسابقة حتى نتجنبها فى المرات القادمة

المهدى فرحات كتب:: * خاص للأستاذ فاروق والسادة المشرفين انتوا فين من الكلام ده كنت أنتظر منك يا باشمهندس وانت كنت معانا كلمة حق تنصفنا وانت أدرى مني بذلك .

أنا عارف يا أستاذ مهدى انكوا تعبتوا جدااا فى المسابقة
وبجد أنا بأحترم حضرتك جداا والأستاذ عبدالرحمن والدكتور عمرالفرماوى وكل ال شوفناهم أثناء المسابقة
بالنسبة للمسابقة كانت لها ايجابيات كثيرة
أخذنا الفرصة لجمع فصائل الدم من المتواجدين
تعرفنا على أشخاص جدد داخل المسابقة
واستفدنا بمعلومات قيمة
يعنى كل ال شوفناهم وكانوا معانا فى المسابقة يستحقوا كل الاحترام والتقدير
ولكن هناك سلبيات كثيرة وخصوصا فى آخر يوم كلنا شوفناها ومتفقين عليها والأعضاء قالوها فى تعقيباتهم
وان شاء الله يكون فيه أعمال أفضل فى المستقبل

السادة الأعضاء:
ياريت نقول رأينا بكل صراحة ولكن بدون تجريح أو إساءة لشخص

عمر الفرماوي كتب:: يا ليت الإخوة الشباب المحترمين المعترضين من الجنسين على المسابقة وصورتها التي لم تعجبهم -وطبيعي أننا لم نرض عنها بشكل كامل بسبب بعض التجاوزت من هنا وهناك- أن يقوموا بإعداد وتنظيم مسابقة جيدة تحت أي شعار يكون فيه خدمة للقرية حتى لو وجبة غذاء من عند الكابتن جمال الذي أعزه وأحترمه جدا وفي مكان محترم واوعدهم انني سأكون من أول المشجعين لهم

المهدى فرحات كتب:: ومستعدون لعمل مسابقة تخدم منية سندوب تحت إشراف ورعاية أي حد المهم مصلحة منية سندوب .

نحن مستعدون لعمل مسابقة لمنية سندوب تحت رعاية منتدى شباب منية سندوب
فهل من الممكن أن تعاونونا فى عمل هذه المسابقة وتوفروا لنا الامكانيات المطلوبه للمسابقة ( قناة الوصلة - تجهيز دار المناسبات ...... )
فى إنتظار رأيكم

بص يا هندسه انا يمكن مقرتاش الردود كلها وعرفت وجهات النظر بس انا عرفت من طرحكم للموضوع
ان المسابقه كانت فحواها دعايه للاستاذ حسن المير ومتخفيه ورا المسابقه وكده
انا الصراحه ليا راى
بس انا شايفه انه عادى الراجل قدم مراوح للجمعيه واجهزه كمبيوترات مش علشان سواد عنيكم يعنى لا وبعدين محدش بيدى حاجه ببلاش
فطبيعى انه ياخد دعايه علشان انتخابات مجلس الشعب
فزى ما انتم خدتوا المراوح والكمبيوترات هو خد منك دعايه واعلان ليه يعنى علشان الانتخابات وكده
وهيكسب ان شاء الله وقريب جدا هتلاقوا حفلات وافرح علشان اعد على كرسى فى مجلس الشعب وياخد دوره فى النوم جمب اخواته الاعضاء
الحكايه كلها كووووووووووووووسه
والناس فاهمه كل حاجه بس عاملين لا شايفين ولا فاهمين حاجه

تلكأت متعمدا فى كتابة وجهة نظرى فيما يخص المسابقة الثقافية ؛ لا ضنا بها ولا شحا ، وإنما لقزامة صاحبها ووضاعة شأنه بين الإخوة المساهمين فى الموضوع أعلاه وفى الصفحة السابقة...
بيد أن كلام الأستاذ مهدى فرحات -الذى أوقره وأحترمه- هيج قريحتى الضحلة وأثار مشاعرى الباردة للكتابة وإبداء الرأى..فتقبلوه-أثابكم الله-بسعة صدر ورحابة قلب..
بداية ..أثنانى اثنان ممن أحترم عقلهم عن المشاركة فى المسابقة للأسباب التى لا تخفى عليكم جميعا ؛ لكنى فضلت المشاركة لسببين:

1-المشاركة فى فعاليات ثقافية خاصة بقريتنا ؛ هى شرف لمن يشترك فيها ، وفى نفس الوقت هى إثراء للحالة الثقافية التى كنت أظنها راكدة وراقدة فى القرية ..ولكن لم يمر وقت كثير على بداية المسابقة حتى تلاشى هذا الظن.
2-الطمع فى ال700 جنيه جائزة المسابقة..وكنا قد خططنا -نحن أعضاء فريق الصحوة- فى حالة فوزنا أن ننفق نصف المبلغ(350جنيه) فى عشاء فاخر بالمنصورة للشلة بجميع أفرادها الثلاثة عشر ، والنصف الآخر يظل فى صندوق الشلة للأزمات..ولكن طار المبلغ وحط فى أحضان فريق الأمل (يا بختهم..آآآآآآآآخ) وكان نصيبنا نحن ورقة تقدير لا أدرى أين هى الآن.

الإيجابيات : ...

1-حراك ثقافى أحدثته المسابقة.
2-اكتشاف مواهب وكفاءات : ثقافية - شعرية - تنظيمية
3-إظهار الوجه الحسن والجميل للقرية ( شباب زى الورد مثقف وراقى ليس لهم علاقة بالبانجو أو الصياعة)
4-التقاء أجيال مختلفة ( كهول وشباب وحتى الأطفال) مما يساعد على تبادل الخبرات والمعارف
5-الأسئلة كانت متنوعة ومتوازنة..والقائلون بأنها كانت شديدة التخصص مخطئون ، وهنا يجب أن أقدم جزيل الشكر لواضع الأسئلة أيا كان ، فالغرض من الأسئلة أن تعرف ما غاب عنك لا أن تظهر ما تعرفه.
6-ظهرت حيادية اللجنة المنظمة وتواضعها وحرصها على المصلحة العامة فى أكثر من موقف...أقول هذا من واقع حضورى اليومى للمسابقة..لم أغب عنها سوى يوم واحد لأمر طارئ لولاه ما كنت غبت..
7-طبع أسئلة المسابقة فى عدة ورقات وزعت على الحاضرين فى اليوم النهائى كان فكرة عبقرية.

السلبيات والمآخذ: ...

1-الاختلاط الفج بين الجنسين والذى كان واضحا جدا خلال أيام المسابقة..أنا عن نفسى تعبت من الموضوع ده.
2-التدخين من السادة الذين حضروا يومى الافتتاح والنهائى.
3-الدعاية غير مدفوعة الأجر للسيد نائب الدائرة.
4-تاخير يوم النهائى لمدة طويلة نسبيا ثم تحديده بعد ذلك وسط حالة جوية سيئة دون إبداء أى أسباب للسادة المشاركين
5-كثرة المتكلمين يوم النهائى بلا داعى..كل خمس دقائق واحد يمسك المايك ويقول كلمتين,,لدرجة إنى كنت هقوم أقول كلمتين أنا كمان..

يا أساتذة..
انتو زعلانين ليه كدة... ...
مسابقة وعدت..
المرة الجاية أحسن إن شاء الله .

أكبر السلبيات وأوضحها على الإطلاق طوال أيام المسابقة : البروبجندا والطبل والزمر على شرف الحزب الجاثم والسيد العضو المحترم..وقد ظهر ذلك جليا فى حفلى الافتتاح والنهائى ...أحسست ساعتها كم أنا رخيص كمواطن..كل السادة الحاضرين-أعضاء الفرق المشاركة واللجنة المنظمة- كانوا كالدمى فى هذين اليومين..جالسون فقط من أجل الدعاية للسيد العضو الذى لم نره طيلة السنوات النيابية الماضية..ولم يظهر إلا قبل موسم الانتخابات الجديد..
إحساسى بأنى قطعة أثاث يحركها فلان من مكان إلى آخر بما يخدم مصلحته هو أو مصلحة آخرين دون النظر إلى احتياجاتى وحالتى التى قد لا تسمح بما يفعل كان السبب قبل ذلك فى هجرانى لأناس أحببتهم كثيرا..
لذلك :
بإذن الله لن أشارك فى مسابقة كهذه مرة أخرى- إن كان هناك مرة أخرى - مع تمنياتى بالطبع بالنجاح لها ..وشكرا

» أسئلة المسابقة الثقافية بمنية سندوب
» مبروك لفريق الأمل الفوز بالمسابقة الثقافية بمنية سندوب
» تقييم المسابقة الثقافية
» ليس من الحكمة البكاء علي اللبن المسكوب (المسابقة الثقافية)
» مسابقة منية سندوب الثقافية