الإسم : ابو ديما الإقامة : السعودية نقاط التميز : 4498عدد المشاركات : 1510العمر : 38العمل : محاسب تاريخ التسجيل : 04/10/2008
موضوع: معاك واسطة ياحبيبى....!!! الإثنين 08 مارس 2010, 10:46 pm
معاك واسطة ياحبيبى
موضوعي مش جديد عليكم اكيد اغلبيتكم المغتلبة على امرها اقصد اغلبيتكم العظمى اتعرضوو للحاجة دي استنووووووو كدا شوفتو كنتو هتنسوووني الاول .. قبل ما تقرأ أي حاجة
معاك واسطة ؟؟؟؟؟؟ لو مش معااك واسطة يلا ياحبيبي منعطلكش... برررررررررة .. لالالالالالالالالالا ولا اقولك خلاص خلاص يوه انت ماصدقت تعالى انا موش زيهم .. مش هسألك معاك وسطة ولا لاء شوفت انا طيب ازاااااااااااي
معاك واسطة !! ممكن متكنش بتسمعها بالمباشر على طول كدا ..لاء.. بتتقالك بالغير مباشر وساعات ناس ما شاء الله عليها بتجيب من الاخر .. يعني انجز مش ناقصين وجع دماغ معاك واسطة ؟ اهلا ووسهلانات بيك ياسيدي معكش ؟؟ يبقى عشان متتعبش نفسوياتك ونفسوياتنا امشي دلوقتي وتعالى زي الوقتي بعد خمستاشر سنة !!!!!!!!
اكيد دلوقتي عرفتو انا بتكلم عن ايييييييه ؟ ايه معرفتوووش طيب خد شوية الأمثلويات دي :
صاحبنا لسة متخرج من الجامعة وكلو نشاط وحيوية بقى اخيرا خلصت وهبدأ حياتي بقى ووو ... وفي الاخر قال اما اروح بقى الف عالشركات لعلى وعسى الاقي شغل ... راح عند اول شركة لسه صاحبنا هيقول السلام عليـ ....... معلش يابني احنا مش فاضين الوقتي ، مفيش شغل ، ابقى سيب الc.v بتاعك وهنبعتلك بكرة .... الواد لسة متفاءل قال ومالو النهاردة من بكرا مش كتير كلها تلاتة كيلو نوم وهيجي بكرة المهممممم راح بقى لشركة تانية .. تالتة .. والرابعة والخاااااااامسة ووعالمكروباص بقى خلاااااااااااص الامل ماااات واندفن جوااه وقطع الشهادة وغمسها بالايس كريم , لان مدير الشركة قالو بلها واشرب ميتهاا وهو بيفضل الايس كريم عن مية الشهادة !!!!!!!!!!!!!!
لا حول ولا قوة الا بالله العلي العظيم ....
تعالو بقى للمثل التاني >>>>>
انسان صاايع ضااايع مش عارف احنا امبارح ولا أول امبارح ؟ كل اللي همو .. انو يتعرف على بنات ويخرج مع سوسي ويخاصم زوزي ويسهر فين انهاردة ؟ وهيشتري ايه بفلوس بابي (ربنا يخليهولي )
اتخرج من الجامعة بعد بكرة هييييييييه مقبووول بالعافية ونص وبالغش كمااااان واربعة كيلو برشاام ( برشام من اللي بيتكتب دا مش اللي بيتشرب )
واهلو بقى المحترمين مش عارفين يعملولو ايه ؟ قام بابي (ربنا يخلهوله ) رافع سماعة الدكتور ..يوه.. اقصد سماعة التيلفون وطالب نجوم اف ام.. يالهتوي.. اقصد طلب سيادة معاني المستر (الاستاذ ) وقالو وقالو ياباشا ابني لسة متخرج من الجامعة وياريت تشوفلو أي شغلانة معاك اهو عالاقل يجيب تمن السجاير اللي بيطفحها اووه سوري اقصد اللي بيشربهاا معاني المستر قالو بس كدا.. يصدر في الحاااااال قرار بتعيينه هو ابن حضرتك اسمو ايه ؟ اسمو فوفو ( ايوا فوفو ياخويا ربنا يخليه للبابي ) حاضر يا ابو فوفو بكرة ابعت فوفو يستلم الوظيفة .. عملتلي ايه في طقم الصيني اللي قولت هتجبهولي اصل مراتي قرفاني بقالها شهر !!!!
والواد يووه اقصد الاستاذ فوفو راح الشغل لا واييييه بقاله مكتب طول بعرض ياحلاوة ياولاد كل دا عشان طقم الصيني ؟ اومال لو ابو فوفو كان جاب لمعالي المستر دا المطبخ كامل كان عملو شركة جديدة ؟؟ وفوفو بقا مش مصدق نفسو انو اتعين في المكان دا وكل شويا يشخط وينطر ويغسل في خلق ربنا ومعاه عالتلفون ميمي بيقوله هاا ياميمي ( واللبانة بتشرئع في بؤه ) هنخرج فين النهاردة ؟؟؟
لا حول ولا قوة الا بالله العلي العظيم
المثلين دول بنشوفهم كتير وبيحصل كتير قدام عنينا دا اذا مكنش بيحصلنا احنا شخصياًً ! هو خلاص الحياة معدتش هتنفع من غير الواكسة اااقصد الواسطة ؟ يعني الشاب المممتاز اللي الاول على دفعتو ياعيني معندوش واسطة قام بالل الشهادة وغمسها بالايس كريم والتاني ابن اونكل ابو فوفو ناجح بالعافية وغش كماان ويتعين بالسهولة دي وهو ميستحقش يقعد عالقهوووة حتى ؟؟ بجد لا حول ولا قوة الا بالله
ازاي هنلغي الواسطة دي من حياتنا ؟ ازاي ندي اللي يستحق كذا كذا نديلو.. واللي ميستحقش نديلو بردو.. بس بالشبشب وعلى نفوخه
ازااااااي وازاااااي وازاااااي ؟؟؟؟؟؟؟
تعبت وتعبتكم معايا انا عارف رغيت كتير اوي بس ياريت اللي يعرف حل للموضوع بقى يجي يقولنا ..
ازاي هنتعااااااااااااااالج من العادة السيئة دي ؟؟؟
بس انا متهيئلى مش متهيئلى ده انا متاكد جدا من كده ان فى واسطه احلى منهم كلهم ومن كل البشر والناس دى هى( ربنا ) ربنا جميل اوى ياجماعه وبجد مبينساش حد وبالذات اللى بيتعب وبيخلص وبيعمل مجهود ربنا بيبقى عارف الانسان ده تعب ازاى وعمل ايه وبالتالى تعبه مش بيروح على الفاضى والله
واخيرا وليس اخرااااااااااااااااا مستنى رأيكم واسف تاني انى طولت عليكم تصبحو على خير لما تيجو تنامو
عدل سابقا من قبل ابو ديما في السبت 27 مارس 2010, 1:18 pm عدل 1 مرات
yaso منياوى أصيل
الإسم : yassenالإقامة : mansouraنقاط التميز : 7392عدد المشاركات : 3453العمر : 35العمل : Director of the company workers cassette Islamic Mansouraتاريخ التسجيل : 16/06/2009
موضوع: رد: معاك واسطة ياحبيبى....!!! الجمعة 26 مارس 2010, 5:32 pm
السلام عليكم ورحمه الله. كتب او ديما.. تعالى هنا بقاا
موضوع: معاك واسطة ياحبيبى....!!! 
الإثنين 08 مارس 2010, 10:46 pm
طيب خد شوية
قال ومالو النهاردة من بكرا مش كتير كلها تلاتة كيلو نوم وهيجي بكرة المهممممم
