شارك معنا فى اعداد أفضل بنر للمنتدى

عبدالله كتب:

سبق وأبديت إعجابى بتصميم الأخت sleepingbeauty

وقد لفت انتباهى فكرة جميلة وجديدة فى تصميم الأستاذ إسلام سامو وهى :النافذتان الموجودتان على جانبى البنر وفيهما عرض متتابع لصور القرية..فكرة جميلة فعلا ، لو أخذت هذه الفكرة ووضعت فى تصميم الأخت sleepingbeauty مع إبطاء حركة الصور قليلا لكان أفضل بكثير..
وجهة نظر...

انا بضم صوتي لصوت الاستاذ عبد الله وبسجل اعجابي بتصميم الاخت sleepingbeauty بالغرم من انه بسيط الا انه معبر جدا والصورة بتضم قطاع كبير من معالم البلد في كادر واحد .. لو دققنا النظر هنلاقي اولا ان ده المدخل الرئيسي للقريه وفي الصورة هنلاقي اهم معالم موجوده في البلد واللي بتتمثل بداية من المدرسة والمستشفي ومسجد النور بمئذنته البارزة ( وكما اشرنا من قبل بتسمية القريه بقرية المئازن ) كما ان الصورة تضم معلم اخر من معالم البلد الا وهو البرج.. ومن ناحية اخري الصورة فيها هدوء غير طبيعي بصراحه بيفكرني بصورة القرية ايام زمان لاني بصراحة افتقدت الهدوء ده لما رجعت للقريه منذ عدة شهور.

وعلي الجانب الاخر بالنسبة لتصميمات باقي الاعضاء فبشكرهم علي تصميماتهم وعلي مجهودهم لكن بيعيب التصميمات انها بتتمركز في نقاط محدوده منها علي سبيل المثال ضورة بتضم احد المنازل او شركة المقاولات اللي موجوده خارج القريه بجوار الكوبري العلوي وايضا صوره خارجيه للقريه من بعيد وكذلك تكرار للبنر السابق مع تغيير الالوان وطبعا مرفوض لاننا بنحاول تجديد الشكل العام ككل وليس تغيير الوان.

واخيرا تقبلوا مني وافر التقدير والاحترام ،،،

انا حبيت اشارك معاكم وكان نفسي اعمل حاجه حلوة بس لضيق الوقت هنزل دي واخنتم اختاروا .. الفرق بينهم مش كبير بس اللي يعجبكم لو حاجه عجبتكم قولوا هي دي .. وطبعا الصورة الاساسيته هي نفسها اللي استخدمتها sleepingbeauty في البانر بتاعها ودا لاقتناعي التام انها احلي صوره ممكن استعين بيها الي ان يجد جديد
[img]

وشوفوا كده دي

[img]

او دي واللي يعجبكم ابقي قولوا عليه

ريم كتب:

هى فعلا صور رائعه

بس انت عارف يا استاذ احمد

صوره بيوتى من رايى انها افضل صوره لكن العيب اللى فيها منظر العربيه الكاروى اللى فيها

دى اللى مخليه المنظر العام مش حلو

لان الصوره دى هتكون واجهه للبلد يعنى لازم تكون واجهه حضاريه

لو تعرف تتصرف فى منظر العربيه الكارو دى

الصوره هتكون عشره على عشره

يعنى هو كان لازم يمر الراجل ده دلوقتى

لو كان استنى شويه بس

بس بجد انا معاك ان دى افضل صوره

بالتوفيق ان شاء الله

شكرا ياريم علي تعليقك .. بس علي فكره انا شايف الكارو بالرغم من انها مش منظر زي مابتقولي لكن انا شايف انها رمز معبر عن القريه بشكل عام وبعدين احلي ما في الصوره هي انها بطبيعتها .. مهو سهل اوي نقص مدرسه علي مسجد علي مدنتين علي مش عارف ايه ونحطهم في صوره ونقول شوفوا ياجماعه .. لكن الصوره حلوة كده بمجملها وبعدين هي دي منية سندوب احنا مش واخدين صورة لاسكندريه او القاهره بمعالمها الخلابه .. لازم نلاقي في حاجه اكيد مش هتكون 100%

انا حاولت اعدل في ردي بدل ما اعمل رد جديد بعد تعديل بسيط في الصورة لكن الظاهر ان الواحد حتي ملوش حق يعدل في رد بتاعه هو ويملكه ..
عموما نخلينا في موضوعنا علشان في ناس هتيجي تقول بنعمل مشاكل .. شوفوا الصورة دي بعد محاولة اخفاء العربيه الكارو

[img]

كل بنر اتعمل كوايس طيب اية رايكوا تجمعوا البنرات كلها فى بنر واحد ويكون بنر متحرك

انا مع الصوره دى جميله وشامله
رائع ياشباب

ايه يا عم الحاجات الجامدة دي سيبك من اسلام وخليك هنا