رساله لكل فتاه ..

السلام عليكم

قبل ما ابدا الموضوع ياريت متقولوش زي ما المدير قالي
اول مشاركه او اول موضوع وبتعمل مشاكل ومش عارف ايه .. ؟
دي حريه رأي يا جماعه وبس
وزي ما المدير رد عليا ( اللي مش عاجبه ميردش علي الموضوع )

رساله لكل فتاه

انا ليه بدات بالفتاه او البنت او المرأه .. ( لانهم اكثر جذبا للنظر )

لانها دورها ومكانتها مهمه في المجتمع
وهي بتكون الام و الاخت والصديقه والابنه والمدرسه والطبيبه ... الخ
انا مش عاوز زعل بس الكلام ده هو الواقع
.....................

لو انا او انت او اي عضو تاني فينا نزل الشارع دلوقتي .. ممكن تقولي شفت ايه
الكلام ده مش وقت معين اختار الوقت الللي انت حابه .. ورد عليا

هتلاقى البنات ماشيين بمنظر عجيب
بحس ان البنات كلهم رايحين حفله او فرح او انهم داخلين ( ديفليه )

لكن تعجب معي

البنت يادوب رايحه السوبر ماركت .. او الكليه .. او حتي الدرس ..!

درس ؟؟

آه و الله العظيم درس

بالمنظر دا !!

البنات دلوقتى لازم الباديهات ضيقة جداً ، البناطيل والمصيبه ان كل ده وهي لابسه الحجاب

الواحد بيتكسف من الكلام و هما مش مكسفوين من مناظرهم دي

والله البنات دول بجد نازلين من بيتهم عشان يتعاكسوا ويتدلعوا ويفرجوا الناس عليهم

واكيد الشباب لازم هيبصوا هيبصوا .. هتقولي فين غض البصر .. هقولك مش بأيدي

لو غمضت ساعه هشوف دقيقه .. ثانيه .. لحظه ..
في كل مكان .. في العمل .. الكليه .. الدرس .. البلد .. السطوح .. الشبابيك

المشكلة انهم كتيييييييييير ..

اعمل انا ايه .. قولي انت ؟

مش عارف طيب تسمعني انا وتركز معايا اوي جدا خالص

بس قبل ما اقول أسأل نفسك

هل البنات دى ليها أب وام زينا كده ..؟
هل البنات دي ليها اخوات ولاد .. ولاد عم .. ولاد خال .. ياسيدي جار حتي ..؟

يعنى البنت اللى بتعمل الحاجات دى وبتلبس الهدوم دى ... أبوها بيشوفها ؟
وأخوها شايفها وهى نازله ؟ وأمها سايباها ؟

تيجي انت وهو تقولولي غض بصرك ( ده اسمه كلام والنبي )
بنسأل ليه كثرت الفواحش .. الزني .. الزواج العرفي .. الاغتصاب ...... الخ
ما هو السبب واضح ( كل شئ مباح )

إلى كل بنت

اسمعينى كويس و متقوليش انا دي حريتي الشخصيه و الكلام الفارغ ده
مش هقولك انت السبب في كل دا لوحدك

أ .. المجتمع أكيد اثر عليكي ( مسلسلات .. افلام .. برامج .. فضائيات .. انترنت )
ب .. الثقافات الغربية بوظت عقلك
ج .. اهلك ادولك شويه حرية زيادة عن المفترض

لكن رغم ان كل الحاجت دي السبب في اللي انتي فيه .. محدش هيتحمل النتيجة غيرك ..
اوعي تكوني فاكرة انك لما تخرجي الناس كلها بتتفرج عليكي هتتخطبي

هي كلمة واحده بس

إنسي

اه و الله انسي
رغم انك جميلة و حلوة و كل حاجه .. لكن معلش في الكلمة لما اقولك

انتي second hand او used

عارفة يعني ايه .؟ .. هقولك ..
يعني اللي بيفكر يخطب دا عاوز واحده هو الوحيد اللي يشوفها و يحس بجمالها ليه لوحده

اما انتي ..!
كل الناس شافتك و حفظتك و اتفرجت عليكي زي ما هما عاوزين
و هما كمان اعطولك مقابل دا _ مفيش حاجه ببلاش _

ملايين من الذنوب و السيئات

عاوزه ذنوب كمان ؟؟ ... و لا كفاية كدا ...

نعقل بقي قبل فوات الاوان ؟ ولا لسه تحبي تستمري كمان وكمان
مش عارف اقتنعتي و لا لسه .. بس خلي بالك ..

لما تتحاسبي يوم القيامة هتلاقيني بشهد عليكي .. و اقول يا رب بلغتها و نصحتها ..
اكيد مش هتعرفي تردي ساعتها

غريبة رغم انك دايما صوتك عالي و مش بتخافي من حد

كفاية كدا و أكيد كلامي و صل للجميع

و الدور عليكي

اما تستمعي للنصيحه .. وانتي اكيد الكسبانه

أو تنفضي وتكبري دماغك .. وانتي الوحيده الخسرانه

الكلام ليس عام ( يوجود بنات تتقي الله ) ولكن الحسنه تخص والسيئه تعم

اسف للاطاله

بسم الله الرحمن الرحيم

فى البداية ارحب بالعضو الكريم وأقول له تحرك فى بيتك كما تشاء فالبيت رحب ونحن أهلك وأهل البيت ورأيك + اراء الاخرين يوصل نتيجه نرجو منها الفائده والخير ولكن!!!!
يقول الله عز وجل فى كتابه الحكيم المحكوم
{ولو كنت فظا عليظ القلب لنفضوا من حولك فاعف عنهم واستغفر لهم وشاورهم فى الامر وإذا عزمت فتوكل على الله }

موضوع جميل ولكن يحتاج الى الحنكه وقليل من الالتواء فى عرضه حتى لا ينفضوا من حولك واذا اردت ان توصل رساله باسم الدين اعرض موضوعك مقترن بما يوثقه من القرآن أو السنه وانا أعلم انك على حقك ولكن تحتاج لتجميل الكلام وفى النهايه لا اعيب عليك ولكن انا مرآتك إذا أردت النصح وجزاكم الله خيرا

شاب وعجوز

موضوع كبير فعلا ومهم
وانا معاك فى رأيك فى هذا الموضوع
بس لو كل واحد بداء بنفسه ومرماش الخطأ على غيرة اكيد الشكل هايختلف
لكن الامور دى محتاجة حنكة ومهارة فى التعامل من جهه الشاب والفتاة ولابد كل واحد يتعامل فى حدود المفروض عليه
فعلا لو البنت غيرت فى الجزء الخاص بيها اكيد هيحصل تغيير كبير فى نظرة الرجل ليها
بس ارجع واقول كل واحد عليه جزء كبير
يعنى الشاب لو ما اظهرش اهتمام كبير بالمنظر اللى يشوفه من الفتاة اكيد هى كمان هتتغير
يبقى الخلاصة
ابداء بنفسك خد عهد انك تتغير من الناحيه دى وانصح الاقرب اليك وهكذا
اكيد من هنا ييجى التغيير

وشكرااااااااااااااااااااااااااااااا

طبعا موضوع جميل و كبير فى معناه
و ردود الاعضاء على موضوعك
و أرائهم انا شايف انها جميلة
و اتفق معهم تماما
يعنى لو كل واحد بدأ بنفسه
و بيته
اكيد المجتمع هينصلح حاله
بداية من النقطة اللى حضرتك ذكرتها

و لكن
يجب التعامل مع هذه المواضيع
بحذر

و شكراً لك

الاستاز القلم الحر
كتب فى بداية الموضوع

قبل ما ابدا الموضوع ياريت متقولوش زي ما المدير قالي
اول مشاركه او اول موضوع وبتعمل مشاكل ومش عارف ايه .. ؟
دي حريه رأي يا جماعه وبس
وزي ما المدير رد عليا ( اللي مش عاجبه ميردش علي الموضوع )

وطبعا الكلام ده يخصنى
حضرتك أول مشاركة ليك فى المنتدى
بدل ما تلقى السلام
كتبت الكلام ده فى موضوع العضوة ملك

[b]mallak

عرضتي موضوعك بشكل جيد

ولكنك افسدتيه بهذا العنوان المستفز (الغير راقي بالمره )

( فآعلمـّ أنكـَ بلآ إحسآسـّ )

عيــــــــــــب اوي الكلمه دي انها تتقال في عنوان موضوع

بالاضافه ان الموضوع في غير مكانه

يوجد قسم خاص للصور

ياريت المشرف بتاع القسم او الاداره ينقل موضعات الصور دي لقسمها

القلم الحر

[/b]

والموضوع بعنوان

صور ماثرة المرجو عدم دخول ضعاف القلوب

طبعا العنوان اتغير من قبل العضوة ملك
العنوان فى الأول مش فاكرة قوى
بس فيما معناه

[center]عندما تنظر الى الصور ولم تدمع عينك فاعلم أنك بلا احساس

وطبعا الصور مؤثرة حدااا
وعضوتنا مأعتقدش انها تقصد أى هانه لأى حد بس انت ال كبرت الموضوع
كان المفروض لو شفت شىء غلط تبعت للعضوة رسالة خاصة تبلغها بوجهة نظرك
أو تبعت للمسؤولين

تخيل واحد داخل مكان لأول مرة وأول مشاركه ليه أول كلمة يقول كلام زى ده
أعتقد مش حلوة
المفروض قبل ما يدخل مكان يقول للناس الموجودين فيه هو مين ويلقى السلام
أو ميقلش هو حر
بس مش فى أول مشاركة ليه يعيب على الناس الموجودين ويغلط فيهم
أعتقد أنا مغلطش فى ردى عليك
لو واحد دخل بيتك لأول مره وأول كلام ليه عيب على أهل البيت ال انت فيه أعتقد هيكون شىء مش كويس
ومأعتقدش انك هتتقبل كلامه

[/center]

هى الفكره كلها فى اللبس ولا الاخلاق !!!! على فكره اللبس عمره ما كان مقياس للشخص
واى انسان مش من حقه ان يحكم على اى شخص
مجرد شافه بس اهم حاجه التعامل
وعن تجربه شخصيه
كان ليا اصحاب تشوفهم بالنسبه للملابس تقول قمه فى الاحترام والتدين
بس فى التعامل والافعال مش اد كدا ..
وعلى فكره زى ماباقى الاعضاء ما قالوا كل واحد يبدا بنفسه
وربنا هو اللى هايحاسب البشر مش احنا ........

و خلاص يا جماعة حصل خيييييرر كل واحد بيعبر عن رايه عاادي جدااااا الاستاد لقاا العنوان مهول و طلب اغيره وانا غيرته واهلا بك يا اخي نووورت المنتدى

طبعا يا اخوانى حريه الرأى مكفوله لكل عضو
لان المنتدى دة بتعنا كلنا مش بتاع فرد بعينة
ولازم كل واحد يعبر عن رأيه او اللى شيفه من وجهه نظرة باطريقه اللى تريحه ودة طبعا هيأدى لختلاف وجهات النظر
لكن الاصل ياخوانا ان الاختلاف دة يكون بشئ من الود والمحبة ولا يأدى الى شيئ من الزعل والمعاداة
دى الروح اللى لازم تكون ما بينا
الاختلاف فى الرأى لا يفسد للود قضية

وشكراااااااااااااااااااااااااا

جميل أوى كلامك يا أبو منه ياريت الناس تستفيد وياريت كمان اللى عايز يختلف يختلف بود وبلاش يأخد حد له ند على ظرف طارق حصل له أو منه وعادى الدنيا جميله يا شباب البلد واللى جاى أحسن وخيرها فى غيرها ولا ايييييييييييييييييييييييييييييييييييييييييييه يا أبو وووووووووووو
منه

كل كلمك صحيح بس هتعمل فيهم ايه دول كتتتتتتتتتتتتتتتتتتتتتتيييييييييييييييييررررررررررررررر اوى

حسبى الله ونعم الوكيل

اولا الموضوع رائع ومهم جدا بس كويس اك مانسيتش تقول ان فية بنات كويسة وانا من راى الاستاذ احمد ان لازم كل واحدة تبدا بنفسها ومش معنى كدة ان الشباب مالهمش زنب لانهم
لوقت مابيسبوش حد فى حالة لا الكويسة ولا الوحشة دى لو واحدة منقبة حتى ممكن يترياوا عليها المهم انهم يتكلموا وخلاص مااعرفش بيرتاحو مثلا

اي نعم اللبس مش مقياس لاخلاق الفرد بس زي مابيقولوا الجواب بيبان من عنوانه
واكيد لو الانسانه دي متدينه بجد عمرها ما هتسمح لنفسها انها تظهر بها الزي المخالف لتعاليم دينها
اللهم استر عوراتنا وعورات المسلمين
اللهم اهدنا فيمن هاديت وعافنا فيمن عفيت وتوفنا مع الابرار

واللى تلبس يوم محذق ويوم ملزق تمشى ترقص على الأنون
وبعد كده يقولك حرية آراء
أى حريه إذا انهدمت الأخلاق وابتعد المسلمون عن ربهم وما انزله من خير لكل الناس
لقد روى الإمام أحمد عن أم سلمة رضى الله عنها وأرضاها قالت سمعت البى صلى الله عليه وسلم يقول إذا ظهرت المعاصى فى أمتى عمهم الله عز وجل بعقاب من عنده
فقالت أم سلمه أما فيهم يومئذ ناس صالحون ؟
قال :بلى
فقالت كيف يُصنع بهم ؟
فقال صلى الله عليه وسلم يُصيبهم ما أصاب الناس.
لأنهم تركوا الأمر بالمعروف والنهى عن المنكر .

اولا سلامى واحترامى للقلم الحر
الموضوع كويس انك فتحته \ ثانيا اسلوبك فى النصح مش المفروض يبقى كده انا حسيت وانا بقرا الموضوع انك بتتشاكل مش بتتناقش *المنظر الخارجى عمره ما كان مقياس خالص انت بتقول فى كلامك ان البنات بتلبس كده علشان تتعاكس وعلشان تتخطب الكلام ده مش صحيح او ممكن تكون انت قبلت ناس كده *بس البنت لو بتلبس زى ما انت بتقول يبقى هى متعوده على كده انا عن نفسى ليا اصحاب بيلبسوا محترم ونقاب وليا بنات بيلبسوا اللبس اللى انت بتقول عليه ده تخيل ان المنقبين بيعملوا حاجات افظع من اللى بيلبسوا اللبس العادى وانت اكيد بتشوف ده لو انت عايز تشوف لاكن انت برمجت نفسك على ان اللى بيلبسوا كده يبقى وحشين
اصحابى اللى بيلبسوا البس اللى بتقول عليه بيصلوا وبيقروا قران بس هما تربيتهم كده غير المنقبه تبقى تربيتها على الدين زى ما بتقول وبتعمل عكس
هونقول(ال منقبه ال) انا اسفه على الاطاله وتقبل مرورى *الدنيا لسه بخير :evil: وعلى فكره فى ربنا اللى يحاسبنا مش انت:evil:

» حكايه فتاه
» هل تتزوج فتاه كنت على علاقه بها؟
» فيديو قصة حب فتاه سعوديه
» فتاه قتلت والدها
» ((خواطر فتاه مسلمه)) ..*قلبي*