سلامه مرارتك ياريس (للدكتور أبو زيد بيومي)

سلامة مرارتك
يا فاقع مرارة مراة الفقير
فلا جوزها جايب
ولا الفقر
تايب
ولا حتي سايب
مَيَّة في قُلة
ولا كوز في زير
سلامة مرارتك

سلامة مرارتك
مرارة العُـزاز
وإيه يعني إحنا
ما نِوْلع بجاز
إنتَ
الحقيقة وإحنا المجاز
تفضلْ وييجي بدالنا البديل
شوية خباثة
وعوامل
وراثة
نصبح بهايم ... ونصبح بديل
فتقدر ساعتها تنام مَلو عينك
ويعلى
الشخير
سلامة مرارتك
سلامة مرارتك
سلامة المرارة
يا واقع علينا بسعر
الخسارة
فلا فيه صناعة
ولا فيه تجارة
ولا فيه مدير
ولا فيه إدارة

ولا فيه وزارة تسيب الوزير
سلامة مرارتك
***
سلامة مرارتك
فداها
المواطن
أبو قلب راطن كلام الهموم
فلا نفس راضية
ولا جتة فاضية

بلاوي وسموم
ولا علاج مداوي
مفيش غير حكاوي
بتاخد بإيدنا لآخر
المصير
سلامة مرارتك
***
سلامة مرارتك
وألفين سلامة
يا سايب في كل
المنازل علامة
مجاعة ... أنين ... كآبة ... ندامة
جهل وبطالة وعوالة وعيا

وفنون رخيصة وقِلِّة حيا
وهموم بتكتر ... وهموم تزيد
إنت في زيادة
همومنا خبير
سلامة مرارتك
سلامة مرارتك يا ابو القد فارع
يا مالي عنينا
بزبالة الشوارع
أمال بندفع ضرايب لمين
شمالك بتاخد ...
وواخدة
اليمين
شكلك بتحلف علينا اليمين
ما تجعل في جيبنا قليل أو كتير
سلامة
مرارتك
سلامة مرارتك
دي واخدة الحصانة
بنشقى وتاكل علينا شقانا
لا
خلِّيت أمامنا ولا فيه ورانا
ضرايب ... عوايد ... فاتورة ... رسوم
ننام
بالفاتورة
وبيها نقوم
على البصَّة ندفع فاتورة لعِنينا
ولو نعمى ندفع
فاتورة ضرير
سلامة مرارتك
سلامة مرارتك يا صاحب الهمم
بخطبة بنطلع لأعلى
قمم
وننزل على جدورنا بين الرمم
على الوهم ياما وياما بنينا
أوامر تجيبنا

أوامر تجينا
على خطوة واحدة في محلك نسير
سلامة مرارتك
سلامة
مرارتك
إحنا فداها
تفرقع مرارتك
نفرقع وراها
حالنا بدونك عمره ما
ماشي
إحنا بدونك شوية مواشي
من غير راعيها ... ومن غير كبير

سلامة مرارتك

سلامة مرارتك
وألفين سلامة
يا سايب في كل المنازل علامة
مجاعة ... أنين ... كآبة ... ندامة
جهل وبطالة وعوالة وعيا
وفنون رخيصة وقِلِّة حيا
وهموم بتكتر ... وهموم تزيد
إنت في زيادة همومنا خبير

قصيده اكثر من رائعه ولا اروع

وسلامنا لسياده حضره الريس وربنا يخلهولنا مالى كرسيه كده على طول

وانت
بقى يا احمدمش هتروح ورا الشمس دانتا مش هتشوف حاجه خالص

لو شفت جفون عينيك يبقى
كويس ههههههههههههههههههه

ياترى يا احمد اللى هيرد عليك هو كمان ممكن يروح ورا الشمس معاك

انت عرفت قصه الواد اللى نزل القصيده دى على الفيس بوك

مش عارفين له طريق حتى الان

متخفشى يا احمد هنجيب لك عيش وحلاوه وكفته

هههههههههههههه

لا انشاء الله لان يكون فيها اى شى
وبعدين احنا فى بلد يموقراطى
كل واحد بيقول رايه زى ماهو عايز
سلامه مرارتك ياريس (للدكتور أبو زيد بيومي) 574952

انت فى بلد ديمقراطيه اى بلد انت منين اه قول انت منين

احمد فؤاد نجم اسطوره فى الشعر الساخر استاذ بجد
تسلم ايدك

يا تيمو احنا فى الديموقراطيه الحديثه
هيه مختلفه شويه وهى عباره عن ازاى تعرف تارف
الشعب وتنكد عليهم عيشتهم

والله يا جماعة بختلف معاكم

انا مش عارفة لية كل حاجة وحشة فى البلد رميين الحمل على الرئيس هو فرد واحد

انا قولت قبل كدة الحكم مش لية لوحده هو بس الظاهر ف وش المدفع

غير كدة فساد الحكم والحاكم من فساد المحكوم

لو كل واحد صلح من نفسه اكيد هنشوف الفرق

مش معنى كدة انى بعفى ان فى اخطاء كتير جدااااااااااااااااااااااااااااااااا فى الحكم

بس زى ما قولت نصلح من نفسنا كل واحد فينا يشوف عيوبه

ونبدا بقى نشوف البلد عاملة ازاى وماشية فين

تقبل رايى يا احمد

تسلم

maioiii كتب:: والله يا جماعة بختلف معاكم

انا مش عارفة لية كل حاجة وحشة فى البلد رميين الحمل على الرئيس هو فرد واحد

انا قولت قبل كدة الحكم مش لية لوحده هو بس الظاهر ف وش المدفع

غير كدة فساد الحكم والحاكم من فساد المحكوم

لو كل واحد صلح من نفسه اكيد هنشوف الفرق

مش معنى كدة انى بعفى ان فى اخطاء كتير جدااااااااااااااااااااااااااااااااا فى الحكم

بس زى ما قولت نصلح من نفسنا كل واحد فينا يشوف عيوبه

ونبدا بقى نشوف البلد عاملة ازاى وماشية فين

تقبل رايى يا احمد

تسلم

على فكره يا مى انا بشك فى امرك

انت لكى اقارب فى الحزب الوطنى

من كلامك على طول كده انك بتحبى بابا

حسنى قوى قوى

الله يخليه لكى انت لوحدك بس

اما احنا مش عايزين نسمع حتى اسمه

وروحى قولى له انا مش خايفه

هههههههههههههههه

ههههههههههههههههههههههههههههههههههههههههههههههه

والله يا ريم بجد انا بقول كلمة الحق الا انا حاسة بيها

يعنى هتفرحى لما اقعد اقول عنه انه كذا وكذا

بصى انا مش بشكر فيه بس الفكرة بجد

انى شايفة انه بقى عبارة عن شماعة احنا بنعلق عليها كل حاجة ودة الا انا محبتوش

لكن طبعا نفسى ف حد يحس بالبلد بجد ودة الا قولته قبل كدة

ومتخافيش مش هقوله علشان انتى صحبتى هعفو عنك المرة دى سلامه مرارتك ياريس (للدكتور أبو زيد بيومي) 26167

سلامه مرارتك ياريس (للدكتور أبو زيد بيومي) 26167

بصراحه كلام مى صح
لانه مهوش الريس الى ماسك البلد لوحده
والمفروض ان الوزارء وكافه الشعب بيسعدوه
فبرده مينفعش كل حاجه تباه عليه

عندى سؤال صغير خالص
للناس اللى بيقولوا ان الريس مش مسئول لوحده
هو مين اللى بيعين المسئولين كلهم
مش سيادته؟؟؟

يا جماعة

أرى ان المشكلة فى الريس ولا حاجة وليس معنى كلامى انه لا يتحمل جزء من المسؤلية

ولكن المشكلة فينا .. ايوه فينا بجد والله

لو كل واحد فينا عمل بضمير فى مجاله سوف تنحل عقدنا و مشكلاتنا ... وبعدين لما انا اروح اشترى سلعة من تاجر (أى محل) وأجد ان هذا التاجر بيغلى فى الأسعار ويتعامل بالربا هنا دورى فى ان أوقف هذا التاجر عند حده .. ولكننا تعودنا لما نجد التاجر يغلى فى الاسعار أو حتى سائق الميكروباص عن الاسعار المتعارف عليها فاول شىء بسمعه على الالسنة هو سب الرئيس طيب الرئيس هيعملك ايه هيقف لك على ايد كل سائق ولا تاجرفهذا الموقف العيب فينا ان احنا سكتنا عن الحق وأصبحنا كالشياطين الخُرس ... والحاجة اللى تزعل بقى انك تجد رجل المرور يتقاضى اموال من السائق ليخالف القانون .. وطبعا انتم عارفين الحكاية دى .. وبجد الواحد بيجزن لذلك ... هنا بقى انت لك دور لو كان والدك أو أحد اقاربك من رجال المرور يبجب ان تنصحه بأن يتوقف عن ذلك ... لأنه فى نظرى هو بذلك بيخون دينه ووطنه فهو بذلك بيخالف القوانين التى وضعت من اجل النظام الذى يترتب عليه حماية الأرواح البشرية وعدم حدوث المصائب والخسائر (وطبعا الارواح بايدى الله سبحانه وتعالى) ولكن يبجب الأخذ بالأسباب

وتذكر ..... إذا كانت الحكومة فاسدة فانها تحكم شعب أفسد

ان شاء الله مبارك هو الرئيس القادم لمصــــــــــر

اجددنا قالوا

الباب الى يجيلك منه الريح سده و استريح

لو المراره وجعاك شلها و ارتاح
sick

العيب فينا احنا كشعب و الله منستاهل اى خير قولولى ليه

نستاهل داحنا شعب كل تفكيره فى الاكل و الشرب و الجواز

عمرنا محنتغير الا لما تفكيرنا يتغير

و انا واثق ان لو حد عبرنى ورد

حيقول لأ احنا مش تفكرنا فى الاكل و الشرب و الجواز و ده اكبر عيب فينا ان احنا مبنعترفش ان احنا فينا عيوب و شكرا
obba

على فكرة ...
القصيدة ليست لأحمد فؤاد نجم..لكنها لشاعر اسمه أبو زيد بيومى..
وأحمد فؤاد نجم أعلن هذا فى جريدة الدستور

على الرابط التالى :

http://dostor.org/culture/news/10/march/31/11397

في العدد رقم 944 الصادر بتاريخ الخميس 1/4/2010

ياريت أحد المشرفين العوام يصحح العنوان حفاظا على الملكية الفكرية

اقتباس :: عندى سؤال صغير خالص
للناس اللى بيقولوا ان الريس مش مسئول لوحده
هو مين اللى بيعين المسئولين كلهم
مش سيادته؟؟؟

شوف هذا المقطع من فيلم ظاظا لهانى رمزى لتتأكد ويتأكد الجميع ان الكل مشارك بمن فيهم الريس .. فى الذى يحدث لمصر

https://www.youtube.com/watch?v=A512S7YO6Wc

» مين دول ياريس .؟!
» مفتاح النجاح...للدكتور عائض القرني
» من أروع القصص لبر الوالدين للدكتور محمد العريفي
» تهنئة من القلب للدكتور / السيد نعيم شريف ناصر
» الجزء الثاني من كتاب مفتاح النجاح...للدكتور عائض القرني