إسعاف منية سندوب

السلام عليكم ورحمه الله وبركاته

زي ما تعودنا دايما أننا نطلب اللي لينا .. يبقي واجب علينا نقول ونعمل اللي علينا

هنا وفي المكان دة أتفق الكتير من الشباب والبنات ( الكبار والصغار )
من أبناء وأهل قرية منية سندوب الكرام

علي وجود أخطاء ومشاكل في البلد .. ودايما بنطلب حلها
وفي لحظة واحدة كلنا إتحدنا وإتفقنا لما لقينا حاجه إحنا شايفينها غلط وعيب في حق
منية سندوب وهاجمنا الكبير والصغير
( ومش هنكر إني كنت معاكم بهاجم لان زعلان ومستاء ....... الخ ( لانه مش موضعنا ))

لكن عيب جداً في حقنا إننا نتفق علي الإساءة و الإهانة
وننكر المعروف والجميل

فمن الإخلاق الفضيلة .. أن نقابل الحسنة والمعروف بمثلها أو بأحسن منها وبأضعف الإيمان
رد المعروف بالمعروف ( فالكلمه الطيبة صدقة )
ولكن نكرانة سيقطع جريان المعروف والعمل الصالح عنا وهذا بالتأكيد مالا نتمناة جميعاً

قال رسول الله (ص):
" من أتي إليه معروف فليكافئ به فان عجز فليثن عليه ، فإن
لم يفعل فقد كفر النعمة "
ً.........................

من يومين وأنا بقلب في قنوات الوصله وجدت حاجة جميلة جداً وبعتبرها رائعة
ومميزة

لمنية سندوب و أهل قرية منية سندوب

بس إني الاقي لا مبالاة وعدم إكتراث بالحدث دة

عيـــب أوي في حقنا يا شباب ويا بنات

اقتباس :

ولذلك أقدم

تحية شكر و إحترام وتقدير لكل من ساهم في تواجد سيارة الإسعاف
وفي مقدمتهم مجلس إدارة جميعة الرعاية الإجتماعية
وكل من ساهم في هذا العمل الخير

أقول لكم جميعاً جزاكم الله كل خير
وجعلة في ميزان حسناتكم ..

ولن أطيل عليكم أكثر من ذلك وأترك التعليقات لبقية الاعضاء

دمتم بكل الخير

بارك اللة فيك على طرحك موضوع مهم زى دا

لان فعلاا كنا فى حاجة ماسة لسيارة اسعاف فى قريتنا الحبيبة

وبعد ان وفق اللة جمعية الرعاية الاجتماعية فى وجود سيارة اسعاف للبلد

فواجب علينا ان نوجة لهم جزيل الشكر

وجزاهم اللة خير

أنا سمعت الاعلان عن السياره بعد صلاة الجمعه فى الجمعيه الشرعيه

ودى حاجه مش جديده على جمعية الرعايه والقائمين عليها
ولازم نعترف بجهودهم ولو بكلمة بسيطه فلهم الشكر والتحيه

شكرا لك
حبيبى
no
love

طيب و اللى مش عانده وصلة يعرف منين؟؟؟؟

انت بدأت بالمبادرة و عرض الموضوع
و لنعطى كل زى حق حقه

و شكرا لكل من ساهم فى وجود هذه السيارة كعمل خيرى لأهل بلدتنا

فعلا عمل جيد يستحق الشكر
فجزى الله خيرا لكل من ساهم فى هذا العمل الخيرى العظيم

انا بأشكر الناس ال ساهمت فى تواجد عربة الاسعاف داخل المستشفى
وده حق لمنية سندوب أى مستشفى من الطبيعى ان يكون بها عربة اسعاف
يعنى كان المفروض تكون موجوده من زمان بطلب صغير فى ورقه صغيرة من المستشفى هتوصل عربة الاسعاف بس الفكره فى ال يطلب
ومأعتقدش ان المستشفى هتطلب من جمعية الرعايه انها تطلب ليها عربية اسعاف ( بعيده دى )
من حق مدير المستشفى انه يطلب اى خدمات للمستشفى مباشرة من المسؤلين ( الوحده المحليه او غيرها )
يعنى محدش هيدفع حاجه من جيبه
الا اذا كانت تبرعات من شخص معين ودى محدش هيعملها غير صاحب جمعية الحمد الخيريه ( جزاه الله خير )
عموما ربنا يبارك فى كل من سعى الى هذا العمل الجيد

جزا الله خيرا كل من ساهم فى مشروع سياره الاسعاف
وجزاك انت خير يا فاروق على نقلك للخبر

بس الناس دى لازم حاجه تحصل فى البلد علشان حتى يفكر
انا بحس ان ده شغل عصابات ومصالح خاصه

جزاكم الله خيرا
وأسأل الله أن يتقبل من القائمين على هذا العمل، وأن يجعله خالصاً لوجه الكريم
ولا يجعل للشيطان فيه حظاً ولا نصيباً يارب العالمين

طبعا الشكر كل الشكر لكل من ساهم فى هذا المشروع المتميز الذى يخدم البلده من اصاها الى ادناها ولكن:
هذا المشروع لكى ينتفع به الجميع لابد من خطوه قبله الا وهي تصليح اعمال الصرف الحصى بالبلده والتى يترتب عليها تصليح وترميم الشوارع حتى تكون مهيأه للوصول الى جميع الأماكن بكل سهوله ويس.
شكرا لكل من ساهم فى هذا المشروع الخيرى الكبير

جزا الله خيرا كل من ساهم في هذا العمل وله جزيل الشكر

» منية سندوب
» معرض صور .. منية سندوب ..
» ليه اسم منية سندوب ؟؟
» منتجب منية سندوب
» طفطف منية سندوب