أهالى منية سندوب يؤيدون ويبايعون ..!!

اغلبنا اكيد شاف الاعلانات والدعايا الانتخابيه اللى حاطتها الاخ اسامه شبانه على قناة الكمبيوتر من خلال الوصله .

والمكتوب فيها ..
اهالى منية سندوب
يؤيدون ويبايعون
اللواء /حسن خالد حماد
محاسب / حسن المتولى
مرشحين الحزب الوطنى لعضوية مجلس الشورى
عن دائرة بنى عبيد
مع تحيات
استاذ اسامه شبانه

.............................................................

طبعا كل انسان حر فى اختيار من يمثله ..وهذه هى الديمقراطيه التى نسعى الى تحقيقها .
لكن ازاى الاخ اسامه شبانه اجزم ان اهالى منية سندوب كلهم يبايعون ويؤيدون هؤلاء المرشحين .
انا واحد من اهالى منية سندوب واكيد زيى كتير ..عمرى ماشفت حسن خالد حماد ده ولا اعرف هو بيشتغل ايه
الشىء الوحيد اللى اعرفه عنه انه عضو مجلس شورى ..لكن عمل ايه ..؟ او نزل منية سندوب كام مره مش فاكر بصراحه .

اما حسن المتولى ..فده غنى عن التعريف ..انا شفته مرتين فقط ...والمرتين دول اثناء الحمله الانتخابيه للدورتين اللى نجح فيهم واصبح عضو مجلس شعب ..وبعد كده ماشفناش خلقته ..ولا اتذكر انه فاد منية سندوب بشىء او ساعدها باى شىء .

الاخ اسامه شبانه طبعا حر فى اعلاناته والدعايا اللى بيعملها ..كل انسان بيحافظ على مصلحته بأى وسيله حتى لو كانت هذه الوسيله نفاق ورياء وتطبيل وتهليل .

لكن هو ليس حرا لكى يتحدث باسم منية سندوب كلها ..!
ياريت اسمع ارائكم فى هذا الموضوع .

انا اصلا معرفش مين الناس اللى مكتوبه فى الاعلان ده
بجد حاجه تحرق الدم
الحاج شبانه بقى المتحدث الرسمى بى اسم جمهير المنيه

هما مين دول اصلا انا معرفش حد فيهم ولا عمرى سمعت عنهم

و بعدين انته بتقول انهم نجحوا قبل كده عن الدايره دى امال محدش يعرفهم ليه

عملوا ايه عشان نرشحهم

وبعدين دول حزب وطنى يعنى ناجحين ناجحين من غير فصال

والسلام عليكم

كل الحق معاك ازاي يدي نفسه الحق انه يتكلم عن اهالي منيه سندوب
انه نفاق من اجل المصلحه بس الحق هما نجحوا قبل كده بس طبعااا
كوسسسسسسسسسسسسسسه

هما بيضحكوا على نفسهم
طبعا الانتخابات فى مصر كلها مزورة وهما عارفين كويس جدا
وعارفين كويس جدا ان مفيش حد طايق المرشحين بتوعهم وعمرهم ما هينجحوا من غير الطوارئ والتزوير
وكمان الشعب كله عارف الكلام ده وفاهم كل حاجة.
هما بيكذبوا الكذبة ويصدقوها.
الانتخابات أصلا بالشكل ده ملهاش أى لزمة ومعروف انها اتزورت من قبل ما تبدأ.
لكن هى معمولة لتحسين صورة مصر فى الخارج.
والمشكلة ان صورة مصر مش بتتحسن دى بتتمرمط فى الطين كل يوم عن اللى قبله.
ياريت بجد ميعملوش انتخابات أصلا ويوفروا المصاريف الضخمة اللى هتتصرف فى النفاق والضحك على أنفسهم.

مصرى أصيل كتب:: طبعا كل انسان حر فى اختيار من يمثله ..وهذه هى الديمقراطيه التى نسعى الى تحقيقها .
لكن ازاى الاخ اسامه شبانه اجزم ان اهالى منية سندوب كلهم يبايعون ويؤيدون هؤلاء المرشحين .
انا واحد من اهالى منية سندوب واكيد زيى كتير ..عمرى ماشفت حسن خالد حماد ده ولا اعرف هو بيشتغل ايه
الشىء الوحيد اللى اعرفه عنه انه عضو مجلس شورى ..لكن عمل ايه ..؟ او نزل منية سندوب كام مره مش فاكر بصراحه .

اما حسن المتولى ..فده غنى عن التعريف ..انا شفته مرتين فقط ...والمرتين دول اثناء الحمله الانتخابيه للدورتين اللى نجح فيهم واصبح عضو مجلس شعب ..وبعد كده ماشفناش خلقته ..ولا اتذكر انه فاد منية سندوب بشىء او ساعدها باى شىء .

الاخ اسامه شبانه طبعا حر فى اعلاناته والدعايا اللى بيعملها ..كل انسان بيحافظ على مصلحته بأى وسيله حتى لو كانت هذه الوسيله نفاق ورياء وتطبيل وتهليل .

لكن هو ليس حرا لكى يتحدث باسم منية سندوب كلها ..!
ياريت اسمع ارائكم فى هذا الموضوع .

برافوا عليك يا ا/محمود
عين العقل
اللى عايز يتكلم , يكون على لسانه هو بس
و ما يتكلمش على لسان أهل البلد
و أنا عن نفسى لا أبايع و لا أرشح أى أحد
لأن كل انسان بيرشح نفسه من الناس دى
هدفه الأول و الأخير هو مصلحته فقط .

أنصحكم جميعا بأن صوتك أمانة حافظ عليه ومتدهوش لحد وريح دماغك لان الانتخابات فى مصر تمثيلية كاذبة

» فصائل الدم لبعض أهالى منية سندوب
» أهالى منية سندوب يحاربون فساد هيئة الأوقاف
» 100 مزارع من أهالى قرية منية سندوب مركز المنصورة يحتجون أمام وزارة الأوقاف
» منية سندوب
» منية سندوب 2010