عاوز شعبك يعمل ايه تانى يا ريس

السلام عليكم ورحمة الله وبركاته
كلنا عارفين الحاله النفسيه ال بيمروا بيها الشباب بسبب عدم توفر ظروف تساعد على العيش والزواج
بس المفاجأة ان خلاص اليأس وصل لمرحله لا يمكن التغاضى عنها
من فتره بسيطه كلنا سمعنا عن الشاب ال قطع عضوه الزكرى امام معهد الأورام بسبب يأسه من ان يتزوج وان يلقى بفرصة عمل يستطيع العيش منها
ولم يمر على هذا الحادث الا ايام بسيطه حتى سمعنا وشاهدنا بالصور الشاب الذى شنق نفسه فوق كبرى قصر النيل لعدم استطاعته ان يتزوج بالفتاه التى يحبها
لامتى هيفضل حالنا بالشكل ده
مقوله مشهوره دايما بنسمعها (( مصر مليانه فلوس بس الحراميه اكتر ))
دى رساله الى رئيس جمهورية مصر العربية
انت ايه دورك يا ريس المفروض تشوف مين هم الحراميه دول وتحفظ حقوقنا والا يبقى ليه انت رئيس دوله
الشاب ال قطع عضوه الزكرى والشاب ال انتحر دول مجرد عينات فيه كتيير قوى بنفس الحاله بس صعب عليهم ينتحروا علشان ميغضبوش ربنا بس توقع منهم ال هيكون امر من الانتحار وهو الانتقام
تأكد يا سيادة الرئيس انه لو استمر الحال على ما هو عليه فلن ينتحر الشباب بل سيحاولون الانتقام (( لو فضلت تنفخ فى بالونه أكيد فى الاخر هتنفجر )
( مهو كدا ميت وكدا ميت )
دى صور للشاب المنتحر ولا يسعنى الا ان اقول ( حسبنا الله ونعم الوكيل )