حاجات مش راضيين عنها فى بلدنا

السلام علي اهالى وشباب منية سندوب <اللى زعلوا منى> ورحمة اللة وبركاتة
اما بعد:
الموضوع ومافية انى ذكرت سابقا ان بلدنا وحشة اوى وفيها من المساوئ ما يكفيها ودة طبعا من وجهة نظرى
وبعض الاعضاء زعلوا واعترضوا على الكلام دة وكان رائهم ان بلدنا احسن بلد فى الدنيا
ماشى انا معاهم بس نشوف المساوئ اللى فيها الاول ونحاول نصلحها بايدينا وبكدة هتكون فعلا احسن بلاد الارض
اما اننا نشوف انها المدينة الفاضلة وهى عمرها ما كانت كدة ولا هتكون الا اذا فعلا عملنا حاجة عشان تكون
يبقى احنا بنشوف سراب وليس حقيقة

عشلن كدة فكرت ان احنا نعمل زى جمعية نشترك فيها كلنا اولاد وبنات وشيوخ وفاضلات وافضال
ويكون هدف الجمعية دى ان احنا نرصد مشاكل وعيوب بلدنا ونحاول مع رصدنا للعيوب وضع حلول مقترحة لعلاجها
ودة طبعا من غير تجريح فى شخص او مكان لان هدفنا هو العلاج وليس التجريح
يا جماعة صدقونى بتتغير المجتمعات على ايدى الشباب
وممكن ناس تشوف الموضوع تافهة او مايستهلش ولكن
اللة اعلم ممكن يكون حد منا فى يوم من اصحاب اتخا القرار وينفع نفسة وبلدة بشئ وانا هبدأ بالمشاركة الاولى
بس الرأى دة مش رأيى ولكن انسان لة الافضل الاكبربعد اللة فيما وصلت لة من نجاح وتفوق ومكانة علمية فى حياتى وهو ابوى وبعد حبة قليلين من الميح تعالو نشوف الراجل دة بيقول اية
هذا الرجل يدعى مصبح محمد سلامة
بيقول ان فى مشكلة بتكرر كل سنة وفى نفس الموسم وهى الاضحية فى عيد الاضحى
بيقول كمان ان الخير فى بلدنا كتير ولكن للأسف لا يحسن استغلالة
فكل واحد بيضحى فتلاقى ناس تلف على اللى بيضحوا وهم نفس الناس على كل المضحين
وفى اخر اليوم تلاقى كل واحد منهم معاة كميات كبيرة من اللحمة ياريت يكلها ولكن المشكلة انة بيبعها بربع ثمنها
فكان الحل من وجهة نظرة ان تكون الاضحية فى بلدنا بمعنى ان كل الناس تتجمع فى مكان واسع
زى مثلا الملعب اللى تحت الكوبرى او امام الجمعية الشرعيةكل الناس تضحى هناك
ومحدش يخاف كل مضحى هيخد نصبة من اللحمة لنفسة ولاهلة والجزء المخصص للتوزيع هو اللى هيتم توزيعة
ويقترح اقامة خيمة للستات لطبخ اللحمة وعمل زى موائد لتأكل كل الناس منها وطبعا البنات هتساعد امهاتها
والاولاد هيقوموا بتوزيع اللحمة
والبلد كلها تتجمع فى مكان واحد فى العيد ساعتها بس مش هيكون فى فرق بين متعلم وجاهل او فقير وغنى
وهنفرح كلنا مع بعض بالعيد
وساعتها بلاد الدنيا كلها هتعمل زيينا
وعلى فكرة الموضوع مش صعب يعنى انا ممكن اقنع اهلى وكل واحد فينا يقنع اهلة والموضوع يتم بسهولة
كمان مع المقترح اللحمة هتفيض وتكفى كل البلد انا مع الرأى دة وانت اية رأيك


ملحوظة هذا الراجل ليس عالم او فليسوف ولكن هو فلاح بسيط ولكن بيفك فى مشاكل بلدة وبيحاول يحلها

انت بقى يا متنور يا متعلم فكرت فى اية ورينا


دة كان رأية وانا موافقها انتم رأيكم اية

هو راى جميل وكويس بس هيبق صعب فى التنفيذ شويه بس بجد راى كويس مشكورررر يابو ساره