دمعة نازلة من عنيها

دمعة نازله من عنيها
رجت كيانى
خلتنى الملم فى المعانى
وانده عليها
اسالها اية الى حصل
ليه الدموع ؟
عنيها كان جواها شيء يكوى الضلوع
من غير جواب مسحت دموعها
قالت مفيش
قلتلها ممكن اى شىء مات وانتهى
يرجع يعيش
قوليلى ايه سبب الدموع ومتنكريش
قالت دموعى ع الى خانوا الذكريات
على ناس بتسخر م الهوى
على حب بين العاشقين عاش وارتوا
وبامرهم انهار ومات
سالتنى ومن عنيها دمعة قدرت ع الهروب
فين القلوب
فين انتفاضة العاشقين ساعة الغروب
وقفت حاير واتسرق منى الكلام
واتلخبطت فيا المشاعر
وانتهينا بالسلام
لكن رجعت البيت افكر فى الى كان
ليه كان كلامها وكانه ليا
ليه بان فى عينها الى فى عنيا
ليه كل كلمه خارجه منها تهد فيا
وكان انا سبب الدموع
ساعتها شىء عاد للرجوع
وكان شىء مسجون فى قلبى
حطم السوار وطار
بين مشاعرى قدام عنيا من غير ستار
واتملى قلبى بلهيب
حاولت يومها ارجع لها
واقول لها
انا الحبيب
انا الى مكتوب ع الجبين
انا الى مسجون من سنين
جوا سرداب من حديد
انا الى عاشقك من زمان
وانا الى عاشقك من جديد

قلبت عليا ال فات
كل سنه وانت طيب