حكايه ساره مع شهر رمضان

حكايه ساره مع شهر رمضان حكايه جميله اوي انا بحب اسمعها لما بكون مضايقه........
ساره دي بنوته زي القمر جميله جدا صاروخ ارض جو .....
عليها شويه مكياج خرافه ......وبتلبس شويه لبس يودو في داهيه......
بصراحه ساره مدوخه شباب المنطقه بتعتها.....
هي من اسره هاي اوي فلوس وعربيات وموبيلات .....
ساره مبتصليش غير صلاه العيد وعمرها ما لبست حجاب علي راسها ......
بصراحه ساره بعيده اوي عن ربنا لدرجه إنها كانت بتفطر في شهر رمضان ......
ساره عنده واحده صاحبتها الي حد ما كويسه بتصلي نص نص بس هي تعتبر افضل من ساره بكتييير .....
في شهر رمضان اللي فات ساره اتفقت مع صاحبتها انهم ينزلوا يشتروا شويه هدوم بعد صلاه العصر .......
وهما مشيين في الطريق صاحبه ساره قالت لها ثواني اخش اجيب من امي فلوس هي بتصلي في الجامع ده........
صاحبه ساره دخلت الجامع لأمها وتأخرت أوي......
ساره قلقت أوي وأعدت ترن علي موبيل صاحبتها وهي مش بترد عليها خالص.....
.ساره زهقت ودخلت الجامع لاول مره في حياتها ...
لاقت صاحبتها قاعده جنب أمها وبيسمعوا درس....
.ساره خلتها وقفه علي الباب واعدت تسمع الدرس......الدرس كان بيتكلم عن ربنا ..
ربنا هو الذي خلقك وهو الذي جملك...ربنا هو الذي يطعمك ويشفيك.....
ربنا هو الذي يسعد قلبك .....ربنا هو الذي يرزقك...ربنا هو الذي يبكيك ويضحك....
ربنا هو الذي أعطاك قلب ينبض وعين لكي تري بها الدنيا....................
.ساره لأول مره تسمع الكلام ده في حياتها ...
ساره اول ما سمعت الكلام ده بكت بكاء شديد جدا علي مدي الغفله اللي هي فيها ....
بكاء ساره خلي المسجد كله يبكي ....
ساره اول ما بكت حست بإحساس جميل أوي خلاها تقول
انا عايزه البس حجاب حد يسترني انا خايفه اوي .....
ساره خرجت من المسجد وهي أسعد بنت في العالم ...
.ساره كانت بتجري في الشارع عايزه توري أمها الحجاب اللي لبسته..
.ولكن للأسف ساره عملت حادثه مع سياره أمام المسجد فماتت .......
ساره ماتت ساره ماتت...ربنا رزق ساره حسن الخاتمه بدمعه عين ..........
سبحان الله