موضوع: السلام عليكم ممكن طلب الثلاثاء 08 فبراير 2011, 12:34 pm
لو سمحت يا المدير المسؤال عن المنتدى انا مش عارفه انزل اى صور مع المواضيع زى الاول ممكن اعرف السبب ولا انا اللى نسيت ولا ايه حد يعرفنى لو سمحتوا كنت الاول بنزل الصور عن طريق كوبى وبسط ودلوقتى الصور مش عايزه تنزل ايه السبب؟؟؟؟؟؟؟
موضوع: رد: السلام عليكم ممكن طلب الثلاثاء 08 فبراير 2011, 10:31 pm
بصى يا آنسه ريم بما إن المدير مش موجود دلوقتى ونائب المدير مش موجود هو كمان دلوقتى ونائب نائب المدير مش موجود دلوقتى من الآخر مافيش حد خالص من الإداره موجود دلوقتى يعنى إسمحي لى أتراخم و أرد عليكى وإنت و حظك بقى لو عايزه تنزلى صوره مع الموضوع إضغطى ضغطه يمين على الصوره المطلوبه تظهر لك عبارة copy image location إضغطى ضغطه شمال على مربع إدخال الصوره المرسوم عليه الأهرام تظهر لك عبارة أدخل عنوان الصوره هنا إلصقى عنوان الصوره و إضغطى ok وانتى و حظك يا ما تظهرش يا ما تظهرش جربى و ادعى عليه إيه يا ريم إحنا هانعلمك واللا إيه ؟
موضوع: رد: السلام عليكم ممكن طلب الخميس 10 فبراير 2011, 10:55 am
أنا كلمت البرنس إمبارح بالليل ووعدنى إنه يشوف حل للموضوع ده بس المشكله إن النت فاصل عنده هاكلمه تانى يدخل أى سايبر ويرجّع الطريقه الأولى فى وضع الصور ومادام أبو ميدو وريم مش قادرين يرفقوا صور مع المواضيع تبقى المشكله كبيره فعلا يا اخواننا لو الموضوع طال عن كده هنخرج كلنا يوم الجمعه فى ميدان أبو حرمى ننادى بسقوط إدارة المنتدى و تولى شاب فى الخمسين أول حرف من إسمه عبدالرحمن البطه للاداره إحنا ماصدقنا نتجمع تانى
موضوع: رد: السلام عليكم ممكن طلب الخميس 10 فبراير 2011, 11:47 am
ازيكم يا جماعة وحشتونى مشكلة ايه اللى فى الصور الصور شغالة معايا اهه الظاهر انتوا اللى عجزتوا خلاص هههههههههههههههههههههههههه خلاص الادارة كلها برة ونجدد الدماء وناخد الشاب الجرىء حبيبى الاستاذ عبد الحمن البطة هههههههههههههههههههههههههههههه الطريقة العادية يا ابو ميدو انت وريم المشكلة فين بس ما تحط رابط الصورة فى ادخال صورة واوك انا شغالة معايا مفيش مشكلة فهمونى فين بقى المشكلة
موضوع: رد: السلام عليكم ممكن طلب الخميس 10 فبراير 2011, 12:11 pm
أهلاااااااااااااااااا يا برنس إنت فين يا راجل ؟ سايبنى لوحدى فى مواجهة ريم و أبو ميدو حرام عليك يا برنس أنا عملت موضوع جديد فى إبداعات الشباب مخصوص علشان أحط صوره والحمد لله الطريقه سهله خالص أسهل من الحقنه فى العضل أنا قلت لهم عليها بالتفصيل رغم إن معرفتى بالنت زى معرفتك باللغة الكوريه بس الأفضل تعيد شرحها للناس اللى نسيوا المنتدى واللى فى المنتدى معذورين برضه يا أبو كريم فين من يوم ما شاركوا آخر مرّه بس بجد ورب الكون منورين وكانوا واحشيننا جامد ومش كنا فى سيرتهم يا برنس يوم الأحد اللى فات و كنا بنتمنى يرجعوا لنا بالسلامه ؟ وآدى كمان صوره علشان تصدقوا إن الطريقة سهله صدقتونى بقى يا جماعه مش معقول الصبيان يعرفوها و المعلمين لأ مش كده و اللا إيه ؟
موضوع: رد: السلام عليكم ممكن طلب الخميس 10 فبراير 2011, 12:38 pm
تمام يا استاذ عبده انا قولت برضه مش هيجيبها اللا معلمينها هههههههههههههه بصوا هودايما حاولوا انكم تنسخوا رابط الصورةوتحطوه فى مربع ادخال صورة يعنى كليك يمين على الصورة واختار (انسخ مكان الصورة) وحطوا الرابط فى ادخال صورة ولو موضوع ببعضه ممكن يتنسخ كوبى وباست بالصور اللى فيه وده مثال على كلامى رد استاذ عبده عليا اخدته كوبى وباست
ومش كنا فى سيرتهم يا برنس يوم الأحد اللى فات و كنا بنتمنى يرجعوا لنا بالسلامه ؟ وآدى كمان صوره علشان تصدقوا إن الطريقة سهله ها رايكم ايه فى الكلام ده
موضوع: السلام عليكم ممكن طلب 
الثلاثاء 08 فبراير 2011, 12:34 pm
