صور حملة النظافة بمنية سندوب

بالصور حملة النظافة بمنية سندوب يوم الخميس 3 مارس 2011

منطقة المتولى وشارع المقابر

تفاعل كبير من أهالى حى المتولى

مشاركة فعالة من الشباب

صورة تذكارية

منطقة مسجد بيبرس

منطقة البرج

ميدان ابو حرمى

المتولى تانى

وكمان منطقة الزيادى

والموافى كمان مشاركين

تفاعل كبير من الشباب والأطفال عند الكهرباء

ما شاء الله

الى اللقاء فى الحملة الطبية البيطرية يوم الخميس 10 مارس

[

اجمل سلام لشباب المنية]

ربنا يبارك فى الشباب جميعا

الله بجد صور جميله جدا
و بجد كان اداء مشرف للجميع
ياريت الموضوع دا يستمر و لو مره كل شهر

صور حملة النظافة بمنية سندوب Moz-screenshot

صور حملة النظافة بمنية سندوب Moz-screenshot-1

منطقة مسجد بيبرس
صور حملة النظافة بمنية سندوب Resizeddsc05480

جميله الصوره دى اسلام و محمد عملين شغل جامد اخر حاجه

ما شاء الله
حاجه فعلا تشرف والواضح من الصور انها كانت منظمه فنشكر جميع من قاموا على هذا العمل الرائع ونرجوا ان لا يكون هذه المره فقط

واضح من الصور ان اكتر حاجة كانت موسخة البلد هى صور الدعاية الانتخابية للمرشحين
ياريت يتكرر العمل الناجح ده بعد كل انتخابات
صحيح هو مش ذنب الشباب دى انهم ينظفوا مكان مرشح بس ده بلاء ولازم نشتاله كلنا
ورسالة لكل المرشحين للإنتخابات فى الفترات القادمة (( النظافة من الإيمان ))

ممكن اسال سؤال برئ
لماذا كانت الحمله يوم الخميس و لم تكن يوم الجمعه؟
لماذا تنسب الحمله للاخوان المسلمين ... و لماذا لم يتم دعوة الجميع للمشاركه؟

محمد حمزة الموافي الحلبي كتب:

ممكن اسال سؤال برئ
لماذا كانت الحمله يوم الخميس و لم تكن يوم الجمعه؟
لماذا تنسب الحمله للاخوان المسلمين ... و لماذا لم يتم دعوة الجميع للمشاركه؟

على فكرة كان فيه يفط متعلقة على مداخل البلد بتحث الناس على المشاركة وكان
فيه إعلان على الوصلة وإعلان هنا على المنتدى وإعلان متوزع على شكل كرت
دعوة.
أما ان الحملة يوم الخميس أو الجمعة فمش عارف ايه المشكلة فيها وأعتقد ان الحملة كانت يوم الخميس عشان يوم الجمعة كان فيه مظاهرة للتأكيد على مطالب الثورة والله أعلم.
وثالثا:
الحملة لم تنسب للإخوان ولا حاجة لكن شبابهم كانوا لابسين تيشيرتات عليها اسمهم وده حقهم وحق أى حد تانى يعمل زيهم. زى أى حد بيعمل أى حاجة مش عارف ليه الحاجة العادية بتعمل حساسية لما يعملها الإخوان.

السلام عليكم و رحمه الله و بركاته
احب اتقدم بخالص الشكر و التقدير لكل من ساهم فى هذه الحمله الجميله الاكثر من رائعه
و لكم منى خالص الشكر و التقدير
***
لى سؤال
و هو نفس سؤال الاستاذ محمد حمزة
***ليه الحمله كانت تحت شعار الاخوان المسلمين***
***
انا واحد من الناس كنت عايز اشارك معاكم لاكن لم لقيت القميص الازرق اللى كان موجود عليه كلمه الاخوان المسلمين رجعت مع انى بحب الاخوان المسلمين
لاكن ليه كل ما يعملو اى حاجه فى البلد يقولو الاخوان
عايزين يعرفونا ان مافيش حد بيحب البلد ولا بيعمل حاجه غيرهم
ارجوا من الاستاذ الفاضل
meniawy
الرد على هذا السؤال و ياريت مايتجهلش السؤال و يرد عليا بسؤال تانى
ولك منى خالص الشكر و التقدير

صور حملة النظافة بمنية سندوب Resizeddsc05426

زى ما حضرتك شايف فى الصوره الزى الازرق و عليه كلمه الاخوان المسلمين

و زى ما سمعت ان اطلب من باقى الشباب انهم يلبسو القميص بس الشباب رفضت
ليه با كان مطالب منهم انهم يلبسو القميص

bop كتب:: لى سؤال
و هو نفس سؤال الاستاذ محمد حمزة
***ليه الحمله كانت تحت شعار الاخوان المسلمين***
***
انا واحد من الناس كنت عايز اشارك معاكم لاكن لم لقيت القميص الازرق اللى كان موجود عليه كلمه الاخوان المسلمين رجعت مع انى بحب الاخوان المسلمين
لاكن ليه كل ما يعملو اى حاجه فى البلد يقولو الاخوان
عايزين يعرفونا ان مافيش حد بيحب البلد ولا بيعمل حاجه غيرهم
ارجوا من الاستاذ الفاضل
meniawy
الرد على هذا السؤال و ياريت مايتجهلش السؤال و يرد عليا بسؤال تانى
ولك منى خالص الشكر و التقدير

السلام عليكم
كل الاحترام والتقدير للأستاذ محمد حمزة والعضو bop
من الواضح ان العمل كان رائع وكل الناس معجبة بيه سواء فى البلد أو على المنتدى لكن حضراتكم تتصيدوا العيوب - من وجهة نظركم طبعا - ولا تنظروا إلا لها.
ثانيا:الحملة لم تكن تحت شعار الإخوان المسلمون كما يقول العضو bop ولكنها كانت مبادرة من الإخوان وأعلنوا عنها للجميع، - ويمكن الرجوع للإعلانات اللى متعلقة لسه أو اعلان الوصلة والمنتدى والكارت حيث كانت الدعوة للجميع-.
من حق الإخوان أن يعلنوا عن انفسهم كيف يشاءوا سواء بلبس قمصان أو غير ذلك. ومن حق أى فرد فى البلد أن يعمل مثلهم ويعلن عن نفسه.
هو المطلوب منهم انهم يشتغلوا ويصرفوا وميقولوش هما مين - غريبة - اشتغل يا سيدى انت كمان وقول انت مين
ايه المشكلة فى كده.
ما زلتم تتعاملوا بمنطق الحظر والمنع بتاع الحزب الوطنى. مش عارف ليه
ثالثا:
أدعو العضوين الكريمين إلى المشاركة فى الأعمال لرؤية الصورة على طبيعتها بدلا من السماع عنها والطعن فيها فقط مع ان حضراتكم لم تشاركوا أصلا ولم تروا الوضع على طبيعته.
وكلام العضو bop يدل على ذلك

bop كتب:: و زى ما سمعت ان اطلب من باقى الشباب انهم يلبسو القميص بس الشباب رفضت
ليه با كان مطالب منهم انهم يلبسو القميص

للعلم يا bop اللى بتقوله ده محصلش لأن اللى لبس القمصان كان شباب الإخوان فقط بل ان القمصان لم تكفى شباب الإخوان أصلا عشان يطلبوا من الناس انها تلبسها.
وأقولك حاجة كمان متعرفهاش ان كل القمصان اللى فى البلد كانوا 30 موزعين على 3 مناطق كل منطقة 10 فكان فيه ناس من الإخوان مش لابسين القمصان دى.فضلا عن انهم يطلبوا من حد انه يلبسها
الله يكرمكم احنا عاوزين نشتغل لمصلحة البلد مش نفضل نتصيد لبعض العيوب والاخطاء
واعذرونى
أنا مش هرد على حاجة تانى فى الموضوع ده لأن الصور موضوعة للتشجيع على العمل وليس للجدال
ولكم منى كل الاحترام والتقدير

meniawy
في البدايه ... هل هذا الموقع أحد مواقع الإخوان؟
اذا كان موقع الإخوان من الأفضل أن تعلنوا و انا بالتالي لن أشارك فيه ... و الغريب من حضرتك انك مشرف عام و بتدافع عن الإخوان ..... هل تري أن ذلك صحيحا و في صالح الموقع؟
meniawy
و هل حضرتك من الأخوان ام تدافع عنهم فقط . و أرجوا الكشف عن الشخصيات الحقيقيه بمعني انت مين ........... لان زي ما حضرتك شايف انا داخل باسمي الرباعي .... حتي - اذا تحاورنا- نعرف بعضنا بعضا ...... لانني افضل في الحوار أن اتحاور مع شخصيه لها معالم و حدود و ليس شبح او شخص مجرد اسمه meniawy

نحن الذين ما زلنا نتعامل بمنطق الحظر و المنع بتاع الحزب الوطني ... يا meniawy انتم ما زلتم جماعه محظورة ...... و الأخوان يتكلمون بصفتهم الآن جماعه دينيه اسمها الإخوان أم حزب جديد اسمه الإخوان و علي حد علمي قانون الأحزاب ما زال هو نفس القانون من قبل الثورة و لم يعدل و لم يتكون اي حزب جديد ........... في انتظار ردك مع الإلتزام بادب الحوار ............ اشكرك

يا جماعه يعني احنا تركنا العمل الجميل والمبادره بنظافه القريه
وتطرقنا إلى الاخوان او مش الاخوان ليه كل ده انا شايف انها متفرقش
والدعوة انا شوفتها على المنتدى كانت بعنوان شباب بيحب مصر وليس من الاخوان
طالما هي في مصلحه البلد نبقى معاهم اخوان أو غير اخوان

» حملة النظافة بقرية منمية سندوب
» شارك فى حملة تجميع فصائل الدم الجمعة 1 ابريل بمنية سندوب
» صور القافلة البيطرية بمنية سندوب
» نتيجة الاستفتاء بمنية سندوب
» المؤتمر الحاشد بمنية سندوب