دعوة لمناقشه تعديلات الدستور

سوف يقام يوم الثلاثاء القادم مناقشه التعديلات الدستوريه الجديده في حضور اساتذه القانون الدستوري ......... و سوف يقوم منظمي المناقشه بمسيرة تجوب القريه يوم الإثنين بعد صلاة العصر من امام مسجد ابو بيبرس ....... و ندعو كل الشباب المخلصين للتواجد و المناقشه بخصوص التعديلات الجديده

الأستاذ المحترم محمد حمزه
ياريت احتراما لنشاعر فلاحى منية سندوب
ومشاعر اكثر من 45 أسره فى القريه لا تقوم بدعوة راعى المستشارين محمد شبانه المحامى
لأنه لا يريد سوى الشهره لانه ينوى الدخول لعضوية مجلس الشعب ولن يكون هذا على حسابنا
فهو محامى مسنشارى مجلس الدوله اللى عاوزين يا خدوا ارضنا وبيحابونا فى رزقنا وكل انذار طرد يجى لينا يجى من مكتبه عليه اسمه فازاى هو راجل بتاع حقوق انسان وحامى الضعفاء وعاوزين تدعوه وتشهروره على خساب قريتنا وهو بيحاربنا فى اكل عيشنا وارضنا وقوت ولادنا فإحتراما لمشاهرنا نحن فلاحى منية سندوب لا تقوموا بدعوته او اعتذروا له بأدب لو كان تم دعوته وعرفوه الحقيقه لانه امبارح كان مع حمدين صباحى فى ميت على وبعض الفلاحين من هنا راحو له هناك واحرجوه قدام حمدين وحكوا الموضوع فاحترامتا منا لكم انتم شباب قريتنا الغو دعوته حتى لا نأتى ونحرجه امام الجميع واحراجه يعتبر احراج لكم ونحن لا نريد احراجكم فانتم تريديون مصلحة قريتكم وهو لايريد ذلك فكيف تدعونه وترفعون من شأنه وهو يريد الصعود على اكتافكم لكرسى البرلمان
وعلى قوت اولادنا فهو يحمى المستشارين ضد الفلاحين حتى يكسب المستشارين معه فى معركة الانتخابات فارجو الاتصال به وابلاغه ان فلاحين منية سندوب مستآين من حضوره للقريه وان حضر سوف يتم احراجه احراج شديد وسيتم احراجه على الملأ ورفع لافتات ضده وتوزيع انذارات الطرد من للفلاحين والتى صادره من مكتبه وبإسمه فبإسم كل شباب غيور من القريه نحن نرفض حضوره ونرحب بأى شخص أخر ونحن معكم دائما راعكم الله فى حفظ قريتكم وبلدكم

مين اللي قالك ان الشخص ده جاي .... انت جبت الكلام ده منين

يا شيخ أحمد التصويت علي 11 ماده و ليس 9
1- بمعني 8 مواد معدله
2- اضافه مادتين
3- حذف ماده

و انا ساصوت لا
حضرتك في حوار سابق بيننا قلت أنك تفخر بانتمائك للاخوان و نحن نجلهم و قلت أيضا كل شخص يمثل نفسه ..و هنا تقول حضرتك " هنروح" بصيغه الجموع .......أرجوا ان تتكلم عن رايك الشخصي ........و اشكرك ... و ارجوك لا تغضب

kingman2020 كتب:

اتمنى انه ميكونش محمد شبانه يا استاذ محمد احنا عرفنا من بعض الشباب انه جاى ليكم منية سندوب النهارده
فإحنا كلنا ابناء بلد واحده ولازم نحترم مشاعر بعض وياريت تتاكد لأنه ممكن يجى بناء على دعوة اى حد من الشباب فياريت تتاكد وتحترموا مشاعر الفلاحين أبناء بلدك
اللى كانوا فى مصر أول امبارح واقفين قدام ببان المسئوليين بيطالبوا بحقوقهم ومفيش حد طلع يسناندهم من شباب البلد سوى مجموعه بسيطه فقط

ارجوك لا تروج اشاعات ... و لا تجزم الا اذا رأيت بعينيك و سمعت بأذنيك .......... و لغه التهديد مرفوضه ... يعني أيه تيجي تبوظ المؤتمر .... و بعدين انت مش هتكون فاضي لأن عندك مؤتمر .......... و سوف تأتي الينا عندما تؤمر بذلك و ليس قبل