سأصوت بــ ( نعــم ) للتعديلات الدستوريه

دعوة للمشاركة بندوة
التعديلات الدستورية والاستفتاء يوم الثلاثاء
القادم3/15 امام فرن العسيلى وسيتم مناقشة التعديلات والمواد الدستورية
بشكل مفصل بواسطة خبير فى القانون

طيب اللى عاوزين يقولوا لا واللى عاوزين يقولو نعم على راسنا من فوق بس ياريت نختار الضيوف احتراما لمشاعر ابناء القريه
لأن اللى بيقولو لا وعاملين دعوه غدا الثلاثاء امام مسجد ابو بيبرس جايبين محمد شبانه المحامى وده محامى مستشارين مجلس الدوله اللى جاين عاوزين ياخدوا ارض الفلاحين بتوع حوض ام زينه وعاوزين يشردوا 45 أسره
فيلا نقول كلنا لا بس لا لحضور محمد شبانه لقريتنا احتراما لمشاعر الفلاحين ولو جه لازم نروح نقوله ليه انت بتحارب الفلاحين كل ده علشان تكسب ود المستشارين فى الانتخابات القادمه لانه نازل مجلس شعب فئات دائرة بنى عبيد

لماذا نعم؟بالله عليكم أعطونى سببا واحدا ولا تكونوا كالببغاوات التى تردد بدون وعى أو إدراك ما يملى عليها ، فالله سبحانه وتعالى سيسألكم عن أعمالكم ، هل هذه التعديلات هو أقصى طموح الثورة ؟ سنعرض جميعا أمام الله وسيسألنا عن دماء شهداء الثورة التى نضيعها الآن بالدعوة إلى قبول التعديلات ، هؤلاء لم يضحوا بأرواحهم من أجل ترقيع الدستور ، ولكى تعلموا جميعا يا شباب أن هذه الدعوة لأغراض جماعة بعينها لم تقدم شيئا للثورة بل قفزت على أكتاف الشباب بدليل عدم وجود جريح أوشهيد لهذه الجماعة ولو كان فيهم شخص واحد جُرح فى اصبعه لأقاموا الدنيا ولم يقعدوها ،لأننا وهم أيضا يعلمون أنهم منعوا بأوامر عليا من قادتهم من الاشتراك بها ولم ينضموا للثوار إلا بعد موقعة الجمل ، وبعد أن اطمأنوا إلى أن الثورة قد نجحت بإذن الله . بالله عليكم أكرر بالله عليكم من يقتنع داخليا بكلامى لا يرد بغير ما يعتقد حتى لا يكون والعياذ بالله من المنافقين أكرر بالله عليك لا تكن منهم

لا للتعديلات الدستوريه ..................... لانها ضد مصلحه الوطن العليا

انا الوقتي اتاكدت ان ده موقع اخوان




ايه رايكم ده تعديل و لا وثيقه دستوريه؟

kingman2020 كتب:

طيب اللى عاوزين يقولوا لا واللى عاوزين يقولو نعم على راسنا من فوق بس ياريت نختار الضيوف احتراما لمشاعر ابناء القريه
لأن اللى بيقولو لا وعاملين دعوه غدا الثلاثاء امام مسجد ابو بيبرس جايبين محمد شبانه المحامى وده محامى مستشارين مجلس الدوله اللى جاين عاوزين ياخدوا ارض الفلاحين بتوع حوض ام زينه وعاوزين يشردوا 45 أسره
فيلا نقول كلنا لا بس لا لحضور محمد شبانه لقريتنا احتراما لمشاعر الفلاحين ولو جه لازم نروح نقوله ليه انت بتحارب الفلاحين كل ده علشان تكسب ود المستشارين فى الانتخابات القادمه لانه نازل مجلس شعب فئات دائرة بنى عبيد

انتم بتجيبوا الكلام ده منين ........................... و بسرعه عرفت انه محمد شبانه و محامي مستشارين الدوله و هيشردوا 45 اسره ....... لأ ده كلام كبير قوي...................

نعم حضر الأستاذ / محمد شبانه ..... و ردت الضربه الي نحور الكارهين ............. المؤتمر بتاعنا خلص الساعه 12 . الإخوان
خلصوا امته؟

meniawy كتب:

انا عاوز واحد يقول لى ايه المشكلة فى التعديلات وايه اللى خلاها ضد مصلحة الوطن حيث أننى مقتنع بالتعديلات ومستعد للمناقشة عليها بدون التطرق إلى أى مواضيع جانبية

انا موافق ...اذا انا اخوان
بالتاكيد حضرتك موافق لأنك اخوانجي

منياوى كتب:

بص يا سيدى لو انت محمد حمزة بتاع الانجليزى فانا زعلان منك.لان بصراحة انا احترمك ولا اتوقع هذا الاسلوب من انسان مهذب سيد حضرتك.ليه شخصنة الامور.وليه الكلام العام .اذا اردنا المناقشة الجادة فلنتحدث فى التفاصيل حتى يسفيد الجميع.

لو انا محمد حمزة و بتاع الأنجليزي !!!!!!!!!!!!!!!! حضرتك مين و اعتقد ان اسمي مكتوب رباعي............ انا محمد حمزة الموافي الحلبي............ و انا لا أشخصن الأمور و للجميع الحق في نعم او لا و لكن ليس من حق أحد الباس الأمور لباس الدين و ان التصويت واجب شرعي .......... بمعني يا سيدي ان اللي مش هيصوت زيهم هيروح النار .. و ارجو ان يبقي الاحترام و الود لانني احترم سيادتك حتي بون ان اعرف حضرتك.

لالالالالالالالالالالالالالالالالا

meniawy كتب:

نفسى اللى يقول لا يقول عشان كذا
واذا كان فيه حاجة مش فاهمها نفهمها له
والله ما فى حد هيقول لأ أبدا إذا توفر فيه شرطين
1. يكون فاهم التعديلات كويس
2. يكون غرضه مصلحة البلد

وأنا بقول نعم

كده حضرتك اللي مش بتشتم ........... و كده حضرتك تحترم الراي الاخر ......... و حضرتك هتفهم اللي مش فاهم ..... و الله يا اخي اختلط الحابل بانابل ..............هناك من يدعون الفهم و هم لا يفقهون و ينطبق عليهم قول الشاعر
صنفان هم ... لا يقرأون ... أو يقرأون و لا يعون .... الفارغون
حضرتك ....... و اذا كان حضرتك اللي فاهم التعديلات ........ و الآخرين لا يفهمونها . فارجو من حضرتك شرح التعديلات للجميع .... شكرا

الاستاذ الفاضل محمد حمزة .من قال هذا ؟من قال ان من يخالفنى سيدخل النار ؟هذه تهم باطلة.يعنى ببساطة:هل حد قال لك هذا ام سمعت؟ومن يقول ذلك(من يخالفنى يدخل النار) فهو جاهل
الرجاء عدم الترويج لاشاعات ليس لها اساس من الصحة.