ايدى فى ايدك

موضوع: ايدى فى ايدك الجمعة 11 سبتمبر 2009, 4:04 pm

تعالو كدة نتكلم عن حاجة كلنا نسينها ومش واخدين بالنا منها خالص ونتكلم بكل حرية ونسبنا بقى
من الكلام اللى احنا ماسكينة دة ( فلان قال - فلان عمل - فلان سوى )
********************************.
احنا فى شهر كريم فى شهر مبارك
انت فكرت تعمل فية اية كل همك فى الشهر دة ان تكون
( بتصلى - تصوم - تخرج بليل تصلى الفجر - الخ .... )
كل دة طبعا شئ جميل جدا وياريت كلنا فعلا نعمل كدة بس نسينا حاجة مهما جدا جدا جدا وهيا
( الصدقة )
او بمعنى اخر انا بحبة ( المساواة )
انت بتقوم من النوم بتشوف اية اللى وراك كدة
والادان يدن تروح تصلى وتيجى تنام ليك شوية وتعمل اى حاجة تتضيع بيها الوقت لحد ما يجى معاد الفطار صح
لكن فى ناس تانية كل همها وقت الفطار دة ميجيش عشان اية عشان مفيش فى الطبق اكل
عشان مفيش فى البيت لقمة عيش عشان مفيش ناس حسة بيهم
و عشان وعشان وعشان
احنا لية مش بنشوف الناس دى عايزة اية
وفيها اية لو قولت للى بيطبخ فى البيت عندك يعملو جزء بسيط للناس دى
لو كل واحد فينا ساعد واحد من الناس والله والله ما هيكون فى حد محتاج
انا بقول الكلام دة عشان انا شفت موقف انا هحكية وياريت الكل يفهم انى بحكية مش فشخرة ولا حاجة
فى يوم خت جزء من الاكل وخارج اودية لشخص معين مسكين بجد وانا خارج من البيت عند واحد صحبى اودى الاكل للشخص دة المغرب اذن فقولت افطر على السريع وبعد كدة اروح اودى الاكل فكلت وخرجت اودى الاكل
والله والله بدق الباب واللى فتحتلى وشافت الاكل فى ايدى
قامت معيطة وقالتلى ربنا يخليك يارب احنا لسة محطناش حاجة فى بوءنا
والله صعبت عليا جدا
طب لو انا او انت مكناش ودينا اكل ليهم تخيل بقى المنظر كدة هتفضل اليوم كلة من غير أكل
يلا كدة انا واانا بجد نشوف الموضوع دة ونشوف موضوع هدوم العيد و انت تشوف هدوم عندك كويسة
مش بايظة ولا متقطعة ونديها لشخص محتاج
والله ولى التوفيق