هل تؤيد بناء الجدار الفولاذى على الحدود مع غزة أم لا... ولماذا؟؟؟

السلام عليكم
سوف أطرح سؤالا مهما وأرجو الإجابة
هل تؤيد بناء الجدار الفولاذى على الحدود مع غزة أم لا... ولماذا؟؟؟

وهنتناقش مع بعض فى الأسباب بين مؤيد ومعارض لهذا الجدار
وكل عضو يوضح رأيه للآخرين حتى تتوحد رؤيتنا

لا تكتفى بالمشاركة فى التصويت أعلى الصفحة ووضح الأسباب فى الموضوع
لا تستهن برأيك فرأيك مهم جدا ومؤثر

بسم الله الرحمن الرحيم
اولا انا ضد بناء جدار العار هذا
ثانيا..الجدار الآن في مرحلة البناء ..
ولن تقدم أو تؤخر حواراتنا على استمرار البناء لأن هذه اتفاقات دولية وشئنا ام ابينا فهو خلاص اتبنا
ولكن لى كلمه
من لا يملك قوته بيده ،،، فليس له رأي أو كلمه أو منهجيه سياسيه ،

طيب ،، هحاول أطرح سؤال يكون به تقريبا الإجابه علي ما تفعله الإدارة المصريه بالحدود ،

س / لماذا لم تقوم الإدارة المصريه
بالتحرك في إتجاه الجنوب ، والحفاظ علي شريان الحياه ، بدلا من قطع شريان
الحياه علي غزة ؟؟؟؟؟؟؟؟؟؟

أنتم عارفين لما بيكون الواحد في خناقة والطرف التاني ضخم جدا وماسكني من حلقي ، وأنا بحاول أطبطب عليه علشان يرحمني ؟؟ هي دي الإدارة المصريه

لقد حاصرتنا إسرائيل جغرافيا وإقتصاديا، ونحن نحاصر أنفسنا بوضع جدار فولازي ،، ونحاصر غزة الضعيفه المذبوحه بقنابل فسفوريه ،،
لكي نسترضي إسرائيل ولترحمنا من قطع المياه علينا من
الجنوب ببناء السدود ، وغلق قناة السويس بفتح قناه جديده بإتفاق إسرائيلي
أردني عباسي قائد الضفه الغربيه.

يا أخى منياوى،، أوراق اللعبه خلاص طلعت من الأيادي المصريه ،

وسوف يأتي يوما بعد إنهيار الإدارة المصريه ، وبعد إستيقاظنا من نومنا العميق ، فلن نجد أحدا من هذه الإدارة علي أرض الوطن ،

كله هيهرب ، بعد المركب ما تغرق ونحن من سوف نشيل الطين كله علي رؤوسنا ، ورؤوس أولادنا

آسفه علي الكلمــات وبعض الألفاظ ، لكن الحقيقه مش لاقيه تعبير رقيق أوصف به الوضع الراهن
وتقبل مرورى ورايى

سياسيا وبتفكير عقلانى وامر واقع موافق

انسانيا وبحكم الدين الاسلامى مش موافق

اما الشرح لآسبابى فى الموافقه من عدمه فهو شرح طويل ليس هذا مجاله حاليا لانه كما قالت الاخت بنت البلد دى شئنا ام ابينا بدات عمليه البناء ومستمره وستنتهى

(قضى الأمر الذى فيه تستفيان)

بسم الله الرحمن الرحيم
قال تعالى (قضى الأمر الذى فيه تستفتيان)

المشكله ان فى ناس بتقول اصل احنا بنحمى حدود مصر من الفلسطينيين وده حق مصر.. !!
شىء مخزى اننا عايشين فى عصر زى ده .. بنمد ايدينا فى ايد عدونا علشان نبنى سجن لاخواتنا ..يعنى مش كفايه اننا اتخلينا عنهم وساعدنا فى حصارهم و تجويعهم ابان مذبحة غزه الا ولى والثانيه ..!!
كمان بنبنى جدار عازل بينا وبينهم ..منهم لله سايكس بيكو اللى كانوا السبب فى تقسيم الدول العر بيه الى دويلا ت صغير ه ومن ثم أمريكا واسرائيل اللى نجحوا فى اشعال الفتن الطائفيه بين المسلمين ..حتى اصبح المقاوم الذى يدافع عن ار ضه وعر ضه ارهابى..اما الخسيس المحتل القاتل هو رجل سلام و يأخذ جائزة نوبل للسلا م ..!!
اخير ا من لا يملك قوته لا يملك قر اره ..فمصر دوله لا سياده لها ولا تملك قر ارها هى مجرد املا ءات تملى على الحكومه المصر يه وغصب عن كبير هم يتم تنفيذها وبدون شر وط .

تحياتى للجميع ..وحسبى الله ونعم الو كيل

دا حق اصيل للجيش المصري ان هو يحمي حدودنا مع قطاع غزة
ودا حق اصيل للشعب المصري
لما يبقوا يتصالحوا نبقي نكون فتحين المعبر(فتح وحماس)
وبعدين المعبر مفتوح هم عاوزين ايه تاني
وبعدين نسيين الشهيد الي مات من الجيش المصري علي الحدود مع القطاع؟

kapakakika كتب:: دا حق اصيل للجيش المصري ان هو يحمي حدودنا مع قطاع غزة
ودا حق اصيل للشعب المصري
لما يبقوا يتصالحوا نبقي نكون فتحين المعبر(فتح وحماس)
وبعدين المعبر مفتوح هم عاوزين ايه تاني
وبعدين نسيين الشهيد الي مات من الجيش المصري علي الحدود مع القطاع؟

حق اصيل انك تحمي حدودك من اخوك فى العروبه والدين والكفاح المشترك ..لكن مش حق اصيل انك تسيب حدودك لعدوك يلهوا ويلعب وكمان داخل خارج بمزاجه وبدون حتى جواز سفر ...ليه الكيل بميكياليين ..؟!!

والجندى مين اللى موته ومين اللى خلاه شهيد ..؟!!
ثم ايه رايك فى اللى اتقتلوا من ابناء الشعب المصرى على الحدود برصاص قوات الاحتلال الاسرائيلى ..وايه رأيك فى قتل الطفله ذات السبع سنوات وهى تلعب امام منزلها على يد عسكرى اسرائيلى ..؟!
ليه بنشوف فقط اللى حكومه عايزانا نشوفه ..ليه بنخبى عيونا عن الحقيقه برغم انها واضحه وضوح الشمس
ثم مين المتسبب فى التفرقه بين ابناء الشعب الفلسطينى ..وهل يستوى الشريف المقاوم الذى يقاوم لاخر نفس ولا يفرط فى الارض هل يستوى بمن باع الارض والعرض مقابل حفنة من الدولارات ومناصب زائله ..؟!!

باى عقل تفكرون ..؟!

meniawy كتب:

هو ده الكلام الصح وان معاكوووووووو
يالة يارجالة

» أزهريون يصدرون فتوى بتحريم الجدار الفولاذى مع غزة
» شارك في حملة التصويت لرفض بناء الجدار:
» جبهة علماء الأزهر تكفر بناء الجدار الفولاذي
» هل تؤيد البرادعى
» المحكمه المصريه تؤيد قرار اسقاط الجنسيه