رحلة 3 مواطنين مصريين جدا (الجزء الثانى)

رحلة 3 مواطنين مصريين جدا (الجزء الثانى)

وجدنا شباكين لقطع التذاكر واحد للسياح وواحد للمصرين شباك السياح كان عليه شاب وسيم الطلعه هادئ الخلق بيتعامل مع السياح بلطف طبعا ما هم بيدفعوا 50 جنيه فى التذكرة اما شباك المواطنين فعليه راجل كبير السن فى الخمسينات وباين علية انة تعبان من القاعدة ياعينى وكان تمن التذكرة للمصريين 4 جنية
قولنا والله كتر الف خيرهم بيراعوا ظروف الناس اللى دخلها محدود زى حالاتنا
ذهبت الى الشباك واعطيته ورقه من فئه 20 جنية وقلت له 3 تذاكر لو سمحت فا رد على وقالى (شوف 2 جنية فكه يابنى معاك) بشئ من الغلظة فاعطيته 2 جنية فا اعطانى التذاكر والباقى وقفنا قبل الدخول للتقاط بعض الصور التذكارية بجوار الاثار الموجودة فى ساحة المتحف وكانت صور جميلة ولكن ما يعكرها هونظرة الحرس لينا وكأننا هنشيل الاثار معنا واحنا مشيين المهم ذهبنا الى باب المتحف للدخول واخذ اللى على الباب منا التذاكر وفى صالة الدخول تكرر نفس الامر للمرة الثالثة من دخول على الجهاز ومرة تالتة الجهاز صرخ توت توت توت تووووووووووت وكأنهم مبرمجينه على اكتشاف المصريين مش المعادن وتم تفتيشنا للمرة الثالثة على التوالى
وطلب منى اخراج كل مافى جيبى ووضع يدة على جميع اجزاء ملابسنا من الحذاء الى شعر راسى حتى خشيت انه يطلع دماغى وافكارى ويحللها
حتى اننى قلت لاصحابى ما بلاش ندخل بين النهادره فى قلق
لان من اجرأت الامن حسيت اننا ممكن نتفتش لغاية بكرة قولنا بردة وماله اكيد اجرأت الامن اتغيرت عن زمان لانى مجتش المتحف من 4 سنين بس كله خير ومصلحه للبلد علشان النظام النظام ياخونا
المهم دخلنا والحمد لله على هذا الانجاز الكبير
واخذنا نشاهد المكان وجمال الاثار الفرعونية البديعة وطبعا كان ممنوع التصوير داخل المتحف بس اكتشفت ان التعامل من الامن داخل المتحف لا يختلف عنة خارج المتحف من مضايقات امنية وخلافة
المهم انا قولت لنفسى مش لازم افكر فى الامور دى علشان استمتع بالاثار الجميلة الموجودة دى وعلى العموم اكيد المكان دة هو اللى ظروفة كدة نظرا لحساسيتة وقولنا اكيد الاماكن التانية مش كدة لاننا عزمنا على المبيت عند احد الاصحاب فى المقطم علشان نزور فى تانى يوم قلعة صلاح الدين لاننى بحبها اوى ونزور الاهرام كمان
نمت عند صاحبى وكلى امل فى غد سوف ارى اماكن سياحية اخرى وسوف اجد فيها تعويض عما جرى فى اليوم الاول واستمتاع افضل
ولكن المفاجأة >>>>>>>>>>>>>>>>>>

البقية غدا ان شاء الله

السلام عليكم ورحمةو الله وبركاته والله يأبو حميد انا شايف انك ممكن تكون استاذ فى القصه القصيرة لان معاليك تمام اوى فى الحكايه دى ويا جماعه انا عواد اكتر واحد اتفتش فى المواطنين الثلاثه بس والله العظيم انا بنصح اى حد عايز يفك عن نفسه شويه وحابب انه يتفتش يروح يزور المعالم السياحية الموجوده فى بلد المهلبية مصر أم كل الدنيا وأهو منه يتفسح ومنه يتفتش والجميل فى الموضوع والله بجد احساس التفتيش بيوحى لنفسك انك انسان مهم جدا ومطلوب جدا فى ناس مهتمين بيك فى بلدك وبحاولوا يكونوا واضحين معاك
بس انا اوعد المره المقبله الاخوة اللى فتشونا ان انا على الاقل هكون عند حسن الظن ومش هخيب آمالهم وها خد معايا ثلت قنابل من العيار الخفيف اللى بيهز الجو واللى بيخلى الناس تتحرك من مكانها علشان احاول ان اكون عند حسن ظن الأمن المصرى وشرطة الاثار على وجه الخصوص

يا ليلة مش معدية ....كل التفتيش ده علشان تدخلوا..!!!!!!!!!!!!!!!!!!!!!!!!
الجماعة دول بيتعبوااوى.!!!!!!!!!
وخلى بالك يا أستاذ عواد...المنتدى متراقب ...واسأل الأستاذ أحمد..دول عرفوا عاداته الليلية والنهارية يا راجل ,,وبيكلموه عليها..ربنا يستر يا عم عواد.

و الله يا حبيبى انت و هو و هو
انتم صعبانين عليا
بس أقولك يا أبو حميد
تجربة حلوة و منكم نستفيد
أكمل أنا بقى الجزء 3

الظاهر ان بقى كل حاجة فى البلد دى بيتفتش

واكيد المراقبة جزء من التفتيش دة يا مستر عبد الله مش بنقول

بينها باظت

» بعض صور رحلة 3 مواطنين مصريين جدا
» رحلة 3 مواطنين مصريين جدا (الحلقة الثالثة)
» رحلة 3 مواطنين مصريين جدا ( الحلقة الاخيرة )
» رحله 3 مواطنين مصرين جدا (الجزء الاول)
» وجوه ع الرصيف الجزء الثانى