شلّة الجوع الكافر

شلّة الجوع الكافر
ياشلة أنس قد ضـــاعت ...................وبنصف الليل هنا صاعت
تبحث عن خبز وغموس ...................لتسد بطونا قد جاعـــــــت
الجوع صحيح كافر ...................اللـــــــه
ف البطن بيعافـــــر ...................اللـــــــــه
ياشلة أنس قد ضاعت
الجوع يقرّص أمعائى ...................والهفت يفرتك أحشــــائى
لاأبغى طبا وعلاجـــا ...................فالأكل طبيبى ودوائـــــــى
ياللا يا مجدى أمــــــين ...................اللــــــــــه
هات عيش من الكانتين ...................اللــــــــــه
ياشلة أنس قد ضاعت
على سطح الجار أرى فرخه ...................تبدو فى المشية كالدايخـــه
وينوبنا ثواب لو ندبحهـــــــا ...................وآهى ليله وتنفد بالطبخــــه
ياللا يابو المصـرى ...................اللـــــــــــه
امسكها روح اجرى ...................اللــــــــــــه
ياشلة أنس قد ضاعت
الفرخه اندبحت ياجماعـــــه ................... والمعده بتصرخ من ساعــه
من فيكم يسمع صوصوتـى ................... وصراخ البطن الملتاعـــــــه
وياريت يا أحبابنا ................... اللــــــــــــه
تتسنكر ابوابنــــــا ................... اللـــــــــــــه
ياشلة أنس قد ضاعت
ناولونى المرقه هنا جنبــى ................... دى المرقه عزيزه على قلبى
واقسموا بالعدل كده الفرخه ................... وياريت الورك يكون نايبـى
وانت يا مجدى يا عيد ................... اللـــــــــــــه
ادى الجناح لفريــــــد ................... اللــــــــــــــه
ياشلة أنس قد ضاعت
وبدير تكفيه الأونصـــــه ................... وأبو جوده يقنع بالصلصـه
ومحمد سيد متولــــــــــى ................... يشكر لو يشبــع من بصـــه
دى الصحه هفتانه ................... اللــــــــــــــه
م الجوع وكفرانـه ................... اللـــــــــــــــه
ياشلة أنس قد ضاعت

عبدالرحمن البطه
16/1/1989

الله عليك يا أستاذ/ عبدالرحمن البطة
أكيد قصدك شويه الصيع بتوع اخر الليل بتوع الملفوف
بس هيعملو ايه اليومين اللى جايين الحالة هتبقى
نشفه عليهم خالص.هههههههههههههههههههههه

برافوووووووووووووووووووووووووووووو
مش قادره ابطل ضحك بجد حلوه قوى قوى ابدعت فعلا
بس انا الفرخه زعلانه عليه قوى

الجو اللى كنت كاتبها فيه ده جو جيش
صح ولا لا

محمود صلاح كتب

الله عليك يا أستاذ/ عبدالرحمن البطة
أكيد قصدك شويه الصيع بتوع اخر الليل بتوع الملفوف
بس هيعملو ايه اليومين اللى جايين الحالة هتبقى
نشفه عليهم خالص.ههههههههههههههه

لاوالله يامحمود
دى مكتوبه عن شلتى أنا وأصحابى و زملائى سنة 1989
و أعتقد أنها كانت شله محترمه وكان فيها المهندس والمدرس والطبيب وغير ذلك شلّة الجوع الكافر 731640

ولما كنا بنسهر والجوع يقرصنا كنا بنعمل كل اللى قريته ما عدا موضوع الفرخه
مافيش داعى للأسف لأنك أكيد ماتقصدش
على فكره البانجو ما كانش وصل بلدنا لسه

عبدالرحمن البطه كتب:: محمود صلاح كتب

الله عليك يا أستاذ/ عبدالرحمن البطة
أكيد قصدك شويه الصيع بتوع اخر الليل بتوع الملفوف
بس هيعملو ايه اليومين اللى جايين الحالة هتبقى
نشفه عليهم خالص.ههههههههههههههه

لاوالله يامحمود
دى مكتوبه عن شلتى أنا وأصحابى و زملائى سنة 1989
و أعتقد أنها كانت شله محترمه وكان فيها المهندس والمدرس والطبيب وغير ذلك
ولما كنا بنسهر والجوع يقرصنا كنا بنعمل كل اللى قريته ما عدا موضوع الفرخه
مافيش داعى للأسف لأنك أكيد ماتقصدش
على فكره البانجو ما كانش وصل بلدنا لسه

ــــــــــــــــــــــــــــــــــــــــــــــــــــــــــــــــــــــــــــــــــ
شلّة الجوع الكافر 629686

مش قصدى يا أستاذ/ عبد الرحمن
والهى لو اعرف مكنت كتبت من أصله
شلّة الجوع الكافر 661306

فين ايام الناس دى دا كان زمان الشلة بتخاف على بعضها وبيحترموا بعض

وكان فى حب وتكافل يعنى الى معاة يعطى الى مش معاة

رجعتنا الى الماضى يا استاذ عبد الرحمن

تسلم يا استاذ عبد الرحمن

بجد حلوة جداااااااااااااااااااااااااااااا

اعتقد ان احلى حاجة ف الدنيا الذكريات وخاصة لما تكون حلوة

كانت الايام صعبة بس محدش كان حاسس ابدا لان الناس كلها كانت طيبة

ومحترميين وحاسين ببعض

بحسد حضرتك على شلّة الجوع الكافر 147543

زكرياتك الحلوة

جميلة جدا يا استاذ عبد الله

علي انا واصحابي بنعملها بس

مش علي السطح

في المحل

بس معانا واحد ربنا يستر علينا

ممكن يكلنا

شلّة الجوع الكافر 574952

[quote="اسلام"]

جميلة جدا يا استاذ عبد الله

علي انا واصحابي بنعملها بس

مش علي السطح

في المحل

بس معانا واحد ربنا يستر علينا

ممكن يكلنا

شكرا على اعجابك يا إسلام
اولا إحنا كنا جوه الشقه وشايفين الفرخه من الشباك
ثانيا اتغدوا بيه قبل مايتعشى بيكم
ثالثا إنت متأكد انك بترد عليّه أنا
أصل أنا عبد الرحمن مش عبد الله
على فكره أنا باحب عبدالله جدا

[quote="maioiii"]تسلم يا استاذ عبد الرحمن

بجد حلوة جداااااااااااااااااااااااااااااا

اعتقد ان احلى حاجة ف الدنيا الذكريات وخاصة لما تكون حلوة

كانت الايام صعبة بس محدش كان حاسس ابدا لان الناس كلها كانت طيبة

ومحترميين وحاسين ببعض
بحسد حضرتك على شلّة الجوع الكافر 147543

زكرياتك الحلوة
*****************************

الله يخليكى يامىّ
طبعا الذكريات الجميله عمرها ما تتنسى
ورغم مرور أكثر من 20 سنه على كتابتها وافتراق أغلب أعضاء الشله إلا أننى اتذكرها كما لو كانت بالأمس
والأيام زى ماهى واللى إتغير هو الانسان وهو اللى بيصعب كل حاجه على نفسه وعلى غيره
ومن غير حسد على الذكريات آدى إحنا بنشارك بعض فيها

تسلم يا أستاذ / عبد الرحمن
ما أحلى اللمة والشلة

[quote="عبدالرحمن البطه"]

اسلام كتب:: جميلة جدا يا استاذ عبد الله

علي انا واصحابي بنعملها بس

مش علي السطح

في المحل

بس معانا واحد ربنا يستر علينا

ممكن يكلنا

شكرا على اعجابك يا إسلام
اولا إحنا كنا جوه الشقه وشايفين الفرخه من الشباك
ثانيا اتغدوا بيه قبل مايتعشى بيكم
ثالثا إنت متأكد انك بترد عليّه أنا
أصل أنا عبد الرحمن مش عبد الله
على فكره أنا باحب عبدالله جدا

معلش يا دكتور عبد الرحمن

بس هيا جت كده انا بعتبركم

انت والاستاذ عبدالله اخواتي الكبار

إسلام كتب
معلهش يا دكتور عبد الرحمن
*************
شكلك هنجت يا إسلام ومحتاج تعمل refresh
خلينا عبد الله أحسن بس بلاش دكتور دى وحياة والدك
دا إحنا خدنا ليسانس الحقوق واشتغلنا بالاعداديه بواسطه شلّة الجوع الكافر 1188

شكرا على هذا الكلام الجميل
وعن الشله
وهذا الشعر يدل على هذه الأيام
لأن بعض الشباب الأن اصبح صاحب مزاجه فقط

والله زمان يااستاذ عبد الحمن ايام قش الرز والمصاطب والقعاد على الجنابيه والحاجات التراثيه الخالده دى.

بس اعتقد انك نسيت سرقه الذره من الغيطان باليل وشويه واكله عند الساقيه قبل الفجر!

والله زمان طبعا انا الجيل اللى بعدكم بشويه لكن اعرف عنكم كل حاجه وبلاش اكمل بقه احسن تقول عليه فتاااااااااااااااااااااااان.

كانت أيام جميله ياسحس

بس مسألة سرقة الدره من الغيطان كان بيعملها الجيل اللى بعدنا بشويه

بصراحه أنا دورى انتهى أيام الخطف فى الموالد

قول اللى انت عايزه بصراحه بس لو جدع تتحمل النتيجه

[quote="عبدالرحمن البطه"]

maioiii كتب:: تسلم يا استاذ عبد الرحمن

بجد حلوة جداااااااااااااااااااااااااااااا

اعتقد ان احلى حاجة ف الدنيا الذكريات وخاصة لما تكون حلوة

كانت الايام صعبة بس محدش كان حاسس ابدا لان الناس كلها كانت طيبة

ومحترميين وحاسين ببعض
بحسد حضرتك على زكرياتك الحلوة
*****************************

الله يخليكى يامىّ
طبعا الذكريات الجميله عمرها ما تتنسى
ورغم مرور أكثر من 20 سنه على كتابتها وافتراق أغلب أعضاء الشله إلا أننى اتذكرها كما لو كانت بالأمس
والأيام زى ماهى واللى إتغير هو الانسان وهو اللى بيصعب كل حاجه على نفسه وعلى غيره
ومن غير حسد على الذكريات آدى إحنا بنشارك بعض فيها

هههههههههههههههههه سورى يا استاذ عبد الرحمن خلاص مش هحسد قصدى هحاول وفعلا الناس هى الا بتتغير الزمن ملوش دعوة كلها ايام ربنا

ومش اقدر اوصف لحضرتك فرحتى وانا شايفة اسمى عليه شدة دا انا بكافح علشان اثبت انى 3 حروف مش حرفين هههههههههههه شلّة الجوع الكافر 916179

مىّ كتبت
هههههههههههههههههه سورى يا استاذ عبد الرحمن خلاص مش هحسد قصدى هحاول وفعلا الناس هى الا بتتغير الزمن ملوش دعوة كلها ايام ربنا

ومش اقدر اوصف لحضرتك فرحتى وانا شايفة اسمى عليه شدة دا انا بكافح علشان اثبت انى 3 حروف مش حرفين هههههههههههه شلّة الجوع الكافر 916179

***********************************
والله ماقصدت أحرجك
وأكيد كل واحد منّا عنده ذكريات عاشها وأحداث دلوقتى بيعيشها بكره تصبح ذكرى بالنسبه له

وبعدين طول عمر إسمك 3 حروف بس انتى اللى بتفرّطى فى حقك

أقول لك 000اللى يبعته بحرفين ماتاخديهوش منه 00 لازم يكون عليه (شدّه)

بس فيه ناس فاكره إنها (شدّه ) وتزول

ألا يا اسلمى يا دار مىَ على البلى *** لا زال منهلا بجرعائك القطر

شاهد من شواهد النحو التى درسناها فى الإعدادية الأزهرية ثم فى الثانوية ثم فى كلية اللغة العربية
وفي هذا إثبات كبير أن ( مىَ ) ثلاثة حروف.

والله يا استاذ عبد الرحمن بهزر مع حضرتك طبعا

وانا هتمسك طبعا بحقى

دة حتى اصحابى لما ينرفزونى يقولولى دا انتى حتت حرفين
هههههههههههههههههههههههههه

وكنت بجاهد ف الامتحانات واكتبها المراقبين يتريقوا ويقولولى اصل الدنيا هتقف على الشدة بتاعتك

ههههههههههههههههههههه

بس انا هكافح علشان اتمسك بحقى

وربنا يخليك بجد يا استاذ عبد الله

فرحت بالقصيدة يا سلالالالالالالالالالالالالام هحفظها

ههههههههههههههههه

ربنا يخليكم هعيط شلّة الجوع الكافر 574952

» إلقاء التحيّة على الكافر هل تجوز؟؟
» الدنيا سجن المؤمن وجنة الكافر( ما معنى هذا الحديث؟؟؟)