رساله الى مؤيدى البرادعى

انت رجل محترم
وجزاك الله خيرا

ريم الموضوع مفيش فيه اي مقارنه من بعيد او قريب بين البرادعى ومبارك.
الموضوع رأي شخصى نقلته قناة الناس بناءا على قرار يريد البرادعى ان ينفذه(يعنى فى الجنده بتاعته اذا اصبح رئيس)
وبعدين البرادعى ده مع كامل احترامى له يعرف ايه عن البلد وعاش فيها كام سنه وتخصصه ايه وختيارنا له على اي اساس .؟؟؟؟؟
هو دكتور وعالم فى المجال بتاعه(الذره)اوك انا معاكى لكن هي البلد فى الوقت الحالى محتاجه واحد عالم فى الذره ولا فى الاقتصاد؟؟؟؟
كمان انا لما ارى اي قرار سياس ابهرنى من ذلك الرجل حتى احكم على حكمته فى قيادة الدوله غير موضوع تعديل الدستور وده موضوع قديم الكل بينادى بيه من زمان يعنى مفيش جديد!

يقول لنا هايعمل ايه فى البطاله - الرواتب- الديون الداخليه والخارجيه- حمياية امن المواطن والبلد- غلاء الأسعار الخ الخ الخ )دى الامور اللى تهمنا حاليا انا عاوز اعرف بقه خطته ايه فى كده...

شوفى ياريم اوعى تطلعى وتقولى ان انا كمان بحب اللى موجود ومنتمى للحزب الوثنى الديمقراطى ؟؟

وملحوظه بسيطه جدا فكرى فيها شويه....

ليه ياترى مفيش اي حد مرشح نفسه الى الأن وظاهر على الساحه المصريه غير البرادعى هل البلد فقيره الى هذا الحد ولا هو وسيلة من الساده الكبار زرعوها وقالوا سيب الناس تتكلم وهو فى الأخر عارفين اخره ايه او ربما يكون الموضوع باتفاق مسبق ؟؟؟

وهو سنه كام سنه وعاش منهم كام سنه عندنا فى مصر؟؟؟؟

شكرا ياريم على تعليقك شكرا استاذ ملامح على تعلقك

اوك بس احنا نختاره علشا قال لا؟؟؟؟؟؟

طبعا لا!(يالله اختارونى بقه)
وسيبك من قناة الناس وأرائها خليكى فى رأيك انتى واختارى على اساس اللى البلد عاوزاه فى الفتره الحاليه.
وكفايه كده علشان مايقولوش ان المنتدى قلب دردشه وشات!!
شكرا ياريم

HUSSEIN كتب:

قناة الناس: كل من ينتخب «البرادعى» يحارب الله ورسوله كتب سارة سند ٦/ ٤/ ٢٠١٠

شنت قناة الناس الفضائية هجوما حادا ضد الدكتور محمد البرادعى، المدير السابق للوكالة الدولية للطاقة الذرية، بسبب مطالبته بإلغاء المادة الثانية من الدستور، التى تنص على أن الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع. وجاء فى حلقة برنامج «سهرة خاصة»، الذى يقدمه الداعية خالد عبدالله، أسبوعيا، على لسان أحد الضيوف قوله: إن هذا الرجل - فى إشارة إلى الدكتور محمد البرادعى- يحارب الله ورسوله، وإن كل من ينتخبه من المواطنين يحارب الله ورسوله أيضا. وقال الداعية خالد عبدالله، مقدم البرنامج: إن البرادعى جاء، «على ظهر الفكر الأمريكى والدبابات الأمريكية، ومش كل من يلبس ثوب مصطفى كامل، ويقول: لو لم أكن مصريا لوددت أن أكون مصريا، وأنا عايز الناس تاكل والفقراء يشبعوا، وينخرب فى الإسلام وثوابته، نقول إحنا معاه طالما بيهاجم الحكومة». وأضاف: «مش كل من يعارض النظام والحكومة يبقى راجل كويس ومحترم، نحن نزن الرجال بالدين»، وهو ما أكد عليه أيضا ضيف الحلقة قائلا: «إحنا معيارنا الإسلام وتطبيقه، والذى لا يقف مع تطبيق الإسلام مش هنسمع له، فيجب على الناس أن تنتبه إلى البديل الأمريكى، لأن هؤلاء أهم هم عندهم هو التخلص من الإسلام والقضاء على الشريعة الإسلامية، إحنا مع الذى يرفع راية لا إله إلا الله، وهنبقى مع من يحافظ على المادة الثانية من الدستور».

مش عارف عاوز اقول كلام كتير اوى بس مفيش غير كلمه من تلت حروف هى اللى تعبر كويس عن اللى جوايا

نفس الكلام دكتور محمد ليه مصمم انت وريم على ان الموضوع مقارنه ؟؟؟؟؟

لا ده ينفع ولا ده ينفع وبعدين هو بيقول ايه عن الاصلاح الاقتصادى فى مصر؟؟؟
ياخونا دا رئيس اكبر دوله فى العالم اللى هيا امريكا وقت الانتخابات لازم يوضخ أجندته اللى هايعمل بيها لما يكون رئيس واولها طبعا النظر للمواطن اولا.
انت لو لقيت اى تصريح من بعيد او قريب من الدكتور البرادعى بيتكلم فيه عنك وعنى احب اعرفه!!!!
مين قال ان مبارك يصلح الأن للحكم؟؟؟
وعلى اي اساس يصلح البرادعى للحكم؟؟؟
وعلى اي اساس هو الرجل المناسب فى المكان المناسب؟؟



الأخ مصطفى ياريت نعرف الكامه اللى من 3 حروف!!!!!!!!

هل من المعقول ان يترشح لرئاسة حياتة فى اميركا والدول الاوربية وفجاة حس انة مصرى وخايف على الشعب المصرى ماذا تدرى انت عن الشعب المصرى هل يحس هذا الرجل بالمواطن معدوم الدخل لا واللة انما جاء هذا الرجل لخراب مصر وليس تعميرهاعظم دولة اسلامية رجل يحمل الجنسية الامريكية وعاش طوال ا وجاء لتغير الفكر الاسلامى بل هدمة

محمد فرج على نوفل كتب:

هل من المعقول ان يترشح لرئاسة حياتة فى اميركا والدول الاوربية وفجاة حس انة مصرى وخايف على الشعب المصرى ماذا تدرى انت عن الشعب المصرى هل يحس هذا الرجل بالمواطن معدوم الدخل لا واللة انما جاء هذا الرجل لخراب مصر وليس تعميرهاعظم دولة اسلامية رجل يحمل الجنسية الامريكية وعاش طوال ا وجاء لتغير الفكر الاسلامى بل هدمة

من النهاية امريكا تريد ان تحكم مصر فى صورة البرادعى

استاذ محمد انتم فاكرين ان امريكا منتظره البرادعى علشان تحكمنا

هو مين غير امريكا بيحكمنا من سنين السنين ابو عبده

مين بيتحكم فينا وبيحركنا شمال ويمين

مين اللى امرنا نركع لاسرائيل ونبيع لها غاز بارخص الاسعار

مين اللى امرنا نخنق شعب اعزل ونبنى حواليهم سور

ومين ومين ومين

كلها امريكا ابو عبده

عمرو موسى قال هرشح نفسى

فى نفس الاسبوع قال لا انا تراجعت عن الترشيح

مين هدده او بالاصح مين سكته

والكل ماسك فى كلمه البرادعى طول عمره عايش بره

طيب عندك حسنى وولاده معاكم طول العمر عملوا لكم ايه

؟؟؟؟؟؟؟؟؟؟؟؟؟؟؟

!!!!!!!!!

ياريت حد يقولى عملوا لنا ايه

nouranwr كتب:

هنشوف الدكتور محمد البرادعى هيكون مصيره ايه
دا طبعا لو حد عرف ليه طريق ساعتها
والله البرادعى ده صعبان عليا هيشوف ايام صعبه

لا يا استاذ فاروق

البرادعى يختلف عن اى مرشح اخر

والحكومه تخاف تقرب له ولا حتى هتقدر تزور الانتخابات لو هو مشترك فيها

لسبب بسيط ان امريكا هى اللى هتشرف على كل شئ

البرادعى يا جماعه شخصيه مش عاديه

الكل مش عايز يفهم كده

وده اللى عمل رعب لحسنى مش هيقدر يعمله حاجه

فهمتوا ليه بيسخروا كل طاقتهم لمحاربه البرادعى

حتى الدين بيسيسوه لصالحهم

وده يثبت مدى قلقهم من ترشيح البرادعى

لاتعليق اخر كل واحد ياجماعه حسب قناعته والمراقبه الامريكيه على الانتخابات فى مصر لها اليد العليا فى مصر منذ قديم الزمن ولو كده يبقه اكيد المعلم اللى بقاله 30 سنه فى الحكم له الأولويه لأنه ابن اميركا الذى لم يخرج من عبائتها يوم!!!!!!!




امريكا مشرفه على الانتخابات+البرادعى ليس على هوا امريكا =عدم نجاح البرادعى!

الكلام متناقد اوى ياريم
وكمان على فكره كان ايمن نور فى نفس الموقف لدرجه انه دعى امريكا اثناء ترشحه فى الانتخابات الأمريكيه!

وكمان هو شخصيه مش عاديه ازاى يعنى؟؟؟؟؟
استاذ قانون دولى + رئيس الوكاله الذريه ومش(عالم ذره)كانت دعابه فقط فهمت بالخطأ لأنه خريج حقوق طبعا جامعة القاهره واصله من البحيره بلديات حسن شحاته يعنى واشتغل فى مباحثات كامب ديفيد لكن كان لسه اخضر واعتقد انه كان بينقل اللى يملى عليه ايامها .
تقصدى انه غير عادى بسبب كده ولا فيه شئ تانى ياريم احنا مش عارفينه؟
وبعدين هو صلى الجمعه فى المنصوره والمغرب على ماعتقد فى الكنيسه وقابلوه بمنتهى الفتور ياترى ليه ؟؟
مش عارفينه ولا خايفين من الباشا؟؟

انا قناعتى الشخصيه انه لايصلح الا اذا تحث عن أجندة عمل ترضينى شخصيا بصفت مواطن مصرى فقط لاغير وهو او غيره وليس معنى ذلك انى ارشح الباشا اللى موجود او ابنه حتى.
شكرا

مين قال كده بس طبعا لالالالالالالالالالالالالالالالالالالالالالالاولا حتى حد من سلالته.

لكن هو يعنى لو مفيش البرادعى يبقه فيه جمال؟؟؟؟؟؟؟؟؟؟؟؟؟؟
انا مش هانتخب لا ده ولاده الى ان يظهر شيخ بلد جديد ومابليد حيله وليست سلبيه ولكنه واقع اتمنى ان يتغير فى يوم ما.

انا مع حضرتك يا مستر حسين بجد

وفعلا اتقابل بمنتهى الفتور لما جه هنا المنصورة ومحدش قالى انا شفت بعينى

وكمان عايزة يلغى مادة مهمة زى دى يعنى لما رئيس دولة اسلامية مية ف المية يلغى مادة زى دى

طيب لسة اية ان شاء الله

انا اساسا مش متفاءلة بيه ابدااا ومش هرشحه ابدا لو اخر حد بالدنيا

انا نفسى ف حد يفهم يعنى اية معاناة الشعب ويحس بيه مش يجى علشان يسرقه

انا لسة لغاية النهاردة محستش ان حد اترشح وكان اد المنصب دة مش عارفة مع ان فى ف مصر عباقرة سياسيين

يارب حد يجى يعرف يقدر مصر والكنوز الا فيها اذا كانت كنوز بشرية او ثروات طبيعية

ويطلعنا من حالة الجهل والركود الا احنا عايشينها دى

وميرسى لحضرتك يا مستر حسين على نقل الخبر

مصرى أصيل كتب:

عمى حسين وعم الناس كلها ...واحشنا من هنا لحد ما الزمالك ياخد الدورى ..


شوف يا عمنا ..بغض النظر عن البرادعى وغيره ..انا بس اللى ناقطنى وراافع ضغطى هو خالد بيه عبدلله أبو علامة صلاه كبيره على جبينه ...كان فين الاخ لما السلفيين اللى هو تبعهم افتوا بأن انتخابات مجلس الشعب 2005 غير شرعيه وانه لا يجوز الذهاب الى هذه الانتخابات ..ووقتها جلسوا فى بيوتهم زى النسوان...طبعا بسبب ( الاخوان ) ومن يومها والحكومه بتحبهم قوى ...
وكمان ننقطه مهمه ..قناة الناس بقت بتتكلم فى السياسه أخيرا ..ياترى أيه موقف الاسلام وقناة الناس وخالد عبدلله فى الفساد المستشرى فى انحاء المحروسه ...وياترى ايه رأيهم فيمن عاون اليهود على قتل المسلمين فى فلسطين ...وياترى ايه رأى خالد باشا عبدلله فى هذاالحديث (أفضل الجهاد كلمة حق عند سلطان جائر ) ...وما رأيه فى توريث الحكم ..وهل فى الاسلام توريث للحكم ..؟!

أقولك على حاجه يا عم حسين بس خليها فى سر ك ...مصيبتا الحقيقيه فى رجال الدين المحسوبين على الاسلام ..هؤلاء لو صلحوا واتقوا الله فى هذا الشعب لصلح حال مصر.

اخوك الصغير حلاوه يا باشا .

اتقِ الله


لا تغلط في السلفيين

اذهب واعلم ما معنى كلمة " سلفي " لغةً وشرعًا

أما الانتخابات فهي مأخوذى من اليهود والنصارى وهيَ مبناها على الديمقراطية والديمقراطية معناها حكم الشعب بقوانين يضعها الشعب نفسه ، وأمّا الشورى حكم الشعب بالكتاب والسنة بفهم الصحابة رضي الله عنهم ومن تبعهم بإحسان ، ولذا فالانتخابات محرمة ، وهناك أمور كثيرة أخري من مفاسدها تدلُّ على تحريمها

واعلم أنّه ليست كل إعانة لليهود والنصارى مكفرة
فالإعانة منها ما هو فسق ، ومنها ما هو كفر أكبر ينقل عن الملّة
فالأولى مثل إعانتهم من أجل الدنيا أو المال ، فهذه إعانة مفسقة
والثانية إذا كانت إعانتهم من أجل نصرة دينهم على دين الإسلام وهذه الثانية لاشكّ أنها كفر أكبر ينقل عن الملّة

وارجع لحديث حاطب بن أبي بلتعة - رضي الله عنه

ولاشكّ أن الموجودين الآن لا تشملهم الإعانة المكفّرة كفرًا أكبر ، ومن قال غير ذلك فهو كذاب ضال ، أضلّ من الحُمُر الأهلية والبهائم في البريّة


وإلا فعليه بدليل

ولا دليل

أما الحديث الذي ذكرته ففيه " عند " وهذه العندية تفيد أن تكون النصيحة وجها لوجه أمامه ، وليس علانيةً كما يفعل الخوارج دعاة الفتن في كل عصر ومصر ، قتلة رئيس الوزراء محمود النقراشي باشا ، وجميل الرحمن ، والمستشار أحمد الخازندار
ولا ندري من بقيَ في قائمتهم ليقتلوه

والله المستعان

أما الانتخابات فهي مأخوذى من اليهود والنصارى وهيَ مبناها على الديمقراطية والديمقراطية معناها حكم الشعب بقوانين يضعها الشعب نفسه ، وأمّا الشورى حكم الشعب بالكتاب والسنة بفهم الصحابة رضي الله عنهم ومن تبعهم بإحسان ، ولذا فالانتخابات محرمة ، وهناك أمور كثيرة أخري من مفاسدها تدلُّ على تحريمها