سؤال لكل شخص في المنتدى يجاوب عليه

بسم الله الرحمن الرحيم
(((())))
سؤال لكل شخص في المنتدى يجاوب عليه
وهو
كان فى واحد قاعد مع اصحابه وسالهم ايه هواصعب شي بالحياة
الاول قال الموت اصعب شيء
التانى قال الحب من طرف واحد
والتالت قال انك تنجرح من حبيبك
والرابع قال انك تعيش واحدانى
والخامس قال ان الدنيا تبعدك عن الناس الي بتحبهم
ايه رايكم ايه هو اصعب اصعب شي في الدنيا

أصعب ثلاث حاجات فى الدنيا هما حاجتين ، الأولى مش فاكرها ..، أما التانية بأة :
إنك تبقى إمام وخطيب - شيخ يعنى - ونفسك تبقى محترم ومفيش حاجة تشغلك عن ربنا والدعوة لربنا ومش عارف تعمل كدة ...رغم انك حاولت كتير...كتير جدا..بس دايما الشيطان بيغلبك ويشغلك.... بس على مين ...أنا وراه وراه لغاية ما أخليه يحل عن نافوخى بأة..بإذن الله..ادعيلى يا أشرف قصدى يا شيكو...

انك تأمن
لواحد او واحدة
ويطلع بيخونك
(والحمد لله محصلتش معايا)

ربنا معاك يا أستاذ عبد الله
إن شاء الله ربنا يثبتك على الإيمان
وتكون قدوة حسنة لينا
وأكثر من دعاء
اللهم يا مقلب القلوب ثبت قلبي على دينك

انا بصراحه مش عارفه ايه اصعب حاجه فيهم...لانهم كلهم صعبين....#
الموت ــــــــــ من اصعب الحاجات في الدنيا.
الحب من طرف واحد ـــــــــــــــــــ بصراحه انا مش شايفه انه صعب اوي يعني.
الجرح من الحبيب ــــــــــــــــــــ لا ده بجد صعب بذات لو كنت بتحبه اوي.
الوحده ـــــــــــــــــــــــ بردو صعبه، لام مفيش حد يقدر يعيش لوحده،، احساس صعب.
الدنيا تبعدك عن الناس اللي بتحبهم ـــــــــــــــــ دي بقى بجد بجد صعبه،بذات لو متعلق بيه.
ميرسي كتير على الموضوع الجميل ده...وتقبل مروري 8)

هي كل حاجة بالنسبة لكي صعبة
خليكي صبوره شوية ... صغيريين
طب هو إيه بجد ... بجد
أصعب حاجة قبلتيها

لا مش كل حاجه عندي صعبه يا استاذ شيكو....بس انا شايفه ان الحاجات دي كلها صعبه.
ولو عايز تعرف ايه هي اكتر حاجه صعبه فيهم ـــــــــــ فا هي ان الدنيا تبعدك عن الناس اللي بتحبهم. ،،،،، ده طبعا من وجهة نظري،بس انا بصراحه لسه مجربتش الحاجه دي،ويارب ما تبعدني الدنيا عنهم ابدا ابد.
وتقبل مروري.

آمين يا رب العالمين
يارب تفضلي مع الناس إللي بتحبيهم على طول
وربنا ميحرمكيش منهم أبداً
وشكراً على المتابعة الجميلة دي

ميرسي ليك كتير على الدعوه الجميله دي...وربنا يسمع منك.

اصعب حاجة فى الدنيا دى كلها

ان يكون بالك مش مرتاح
ان يكون فى فقير نام وهوا جعان
ان ينام الفقير وهوا مديون للناس

////// تحياتى /////

أصعب إحساس إنك تلاقي حد
محتاج المساعدة
ومش قادر تساعدة
ليست المساعدة (مالية) فحسب
ولكن
مساعدة (فكرية) هو مش فاهم
وأنا مش عارف أفهمه
أكتر حاجة بتتعبني

أصعب شىء فى الدنيا انك متعرفش ترد فى الموضوع ده
هههههههههههههههه
و الله واحشتنى كتير يا شيكو
انت كنت نسيت عنوان المنتدى و لا أيه
؟؟؟؟

شكراً على المرور الجميل
والله أنا آسف
ظروف إمتحانات

اصعب حاجه ف الدنيا انك تكون ف تالته ثانوي وقاعد مستني النتيجه لانها هتحدد مصيرك وخايف تكون عملت حاجه غلط طول السنه وحاسس ان ربنا هيعاقبك عن طريق النتيجه

أصعب حاجه فى انك تكون نفسك فى حاجه بتحبها قوى
وتلاقى كل الدنيا بتقولك لأ

اصعب شئ فى الحياة
انك تكون عالم وعارف ان ربنا شيفك وبردوو مداوم ع معصيتة
انك تكون عارف ان فية جنة ونار ..وبردووو مداوم ع مصيتة
يا اخوة والله الدنياا فنيااء
والله......... هنعيش فيها قد اية 40 50 60 100 سنة
الاخرة بالاف السنين والله...................
ربنا يكرمكواا..........وانا اسف كلامى مش وقتة
بس دى الحقيقة
***مشكورين جميعاا***

الفراق بجميع انواعه

انا مع تيمو فى الرد
ان الفراق اصعب شىء

أصعب شىء فى الدنيا ان تفقد من تحب

انك تخرج منها 0 اليدين

أصعب شيء بالحياة

إنك تكون مخير بين المعصية وطاعة الله

وتختار المعصية وتبعد عن طاعة الله

[size=29] ( لا حول ولا قوة إلا بالله )[/size]

انا عندى اصعب شىء فى الدنيا والحياه انك تبقى وحيد رغم ان فى كتير جداااااا حوليك بيحبوك سؤال لكل شخص في المنتدى يجاوب عليه Link_s

اصعب حاجة انك تشوف ناس محتاجة ونتا مش عارف تعملهم حاحة
واصعب كمان ان ينام المسكين وهو جعان او مديون
انك تكون مش لاقى مكان تنام فية وتتطر تلجأ للشارع
فى حاجات كتير صعبة ........

أصعب حاجة فى الدنيا
1.انك تكون عايش مع وحدة بتحبة وتجدعك
2.اعز اصدقائك يخدعك
3.انك تكون عايش بدون احساس
بس ممكن يكون فى حجات تنية كتيرررررررر بس ده اهم الحجات
مرسى على الموضوع

وسلام

اصعب حاجه البعد عن الله سبحانه وتعالى

وان الدنيا ماتستهلش كل الكلام ده
ولكل سؤال له جواب
عند الله
سبحانه وتعالى

[img(650,559):e865]http://www.acaciabahrain.com/aboelezz/images/12-08-2008/066_animals[1].jpg[/img:e865]

انا شايف ان اصعب حاجة ان ربنا يكون مش راضى عنك وأنت مش واخد بالك وعايش حياتك عادى ومبتفكرش لية ممكن ربنا ميكونش راضى عنى

اللهم ارضى عنى وعن المسلمين اجمعين

انك تكون عايش حياتك عادى كده ووالدتك مش راضيه عنك دى
اصعب حاجه بالنسبه ليا

الا مبيسمعش كلام امو فى قول (مش اولتلك صلى ادى انت رحت عزاب النار)

أصعب حاجة فى الدنيا الحيرة انك تكون مش عارف الحقيقة والصح فين من كتر ما التبس الحق بالباطل

اللهم ارنا الحق حقاً وارزقنا اتباعه وأرنا الباطل باطلاً ورازقنا اجتنابه

» المنتدى على دماغى من فوق وناس المنتدى على راسى من فوق
» أتحدى حد يعرف يجاوب..ورونى الشطاره
» سؤال لكل بنت وكل شاب؟؟؟؟؟!!!!!!!!!!
» سؤال مهم
» سؤال؟؟؟؟؟؟؟؟